ടൂറിസ്റ്റ് ബസിന് തീപിടിച്ചു. കോട്ടയം മുണ്ടക്കയത്ത് ആണ് സംഭവം. ബസ് പൂര്ണമായി കത്തിനശിച്ചു. യാത്രക്കാര് പുറത്തിറങ്ങിയതിനാല് വന് അപകടം ഒഴിവായി. കൊച്ചിയില്നിന്ന് പോയ ബസില് 40 പേരാണ് ഉണ്ടായിരുന്നത്.
യാത്രക്കാരെ പൂര്ണമായും അതിവേഗത്തില് പുറത്തിറക്കിയതിനാല് ആര്ക്കും പരുക്കോ പൊള്ളലുകളോ ഇല്ല.
തമിഴ്നാട്ടിലെ വിനോദയാത്രയ്ക്ക് ശേഷം മധുരയില് നിന്ന് രാത്രിയില് പുറപ്പെട്ട ബസാണ് അപകടത്തില്പ്പെട്ടത്. പുലര്ച്ചെ മൂന്നരയോടെയാണ് ബസിന് തീ പിടിച്ചത്. ബസിന്റെ പിന്വശത്തെ ടയറിന്റെ ഭാഗത്ത് നിന്ന് പൊട്ടിത്തെറിയുണ്ടായത്. ഉടന്തന്നെ ബസ് നിര്ത്തി ഡ്രൈവര് പരിശോധിച്ചു. യാത്രക്കാരെയും പുറത്തിറക്കി. 10 മിനിറ്റിനുള്ളില് ബസിന് തീ പിടിക്കുകയായിരുന്നു. അഗ്നിരക്ഷാ സേന പ്രവര്ത്തകര്എത്തുന്നതിന് മുന്പ് തന്നെ ബസ് പൂര്ണമായും കത്തി നശിച്ചിരുന്നു. കാഞ്ഞിരപ്പള്ളിയില് നിന്നുള്ള അഗ്നിരക്ഷാസേന എത്തിയാണ് തീ അണച്ചത്.
