കോഴിക്കോട് കൊടിയത്തൂരിലാണ് ബസിന് മുന്നിൽ നിന്ന് പിഞ്ചുകുഞ്ഞിന്റെ അത്ഭുതകരമായ രക്ഷപ്പെടൽ. വീട്ടുകാര് നിര്ത്തിയ ഓട്ടോയില്നിന്നിറങ്ങി മറുവശത്തേക്ക് ഓടുന്ന കുട്ടി പാഞ്ചുവന്ന ബസിനുമുന്നില്പെടുകയായിരുന്നു. ബസ് ഡ്രൈവര് ബസ് വലത്തേക്ക് വെട്ടിച്ച് നിര്ത്തുന്നുണ്ട്. ബസ് ചക്രങ്ങള് തൊട്ട കുട്ടി രക്ഷപ്പെട്ടത് തലനാരിഴക്ക്. ഒതായി സ്വദേശി ഷിനോജ് ആണ് കേരളം തിരയുന്ന ആ ഡ്രൈവർ
മിനിഞ്ഞാന്ന് രാവിലെയാണ് സംഭവം. ഇതിന്റെ സിസിടിവി ദൃശ്യങ്ങള് ആണ് വൈറലായത്. ബസ് ഡ്രൈവറുടെ മനസാന്നിധ്യത്തിനെ അഭിനന്ദിക്കുന്ന സോഷ്യല് മീഡിയ കുട്ടിയുടെ ഒപ്പമുള്ളവരുടെ ഉത്തരവാദിത്വമില്ലായ്മയേയും ഓട്ടോ ഡ്രൈവറുടെ നിരുത്തരവാദിത്തത്തെയും പഴിക്കുന്നുണ്ട്. ഓട്ടോ നടു റോഡില് തന്നെയാണ് നിര്ത്തിയിരിക്കുന്നത്. കുട്ടിഇറങ്ങി ഓടിപ്പോയിട്ടുപോലും ഒപ്പം വന്നവര് അറിയുന്നില്ല.
ദൈവത്തിന്റെ കരങ്ങള് മാത്രമാണ് ഈ രക്ഷപ്പെടലിനുപിന്നിലെന്ന് കാഴ്ചക്കാര് പറയുന്നു. കുരുന്നു പെണ്കുട്ടി താനെന്തോ അബദ്ധമാണ് ചെയ്തതെന്നുമനസിലാക്കി തിരികെ ഓടുന്നതും ശ്രദ്ധേയമാണ്. തയ്യില് എന്ന ബസിലെ ഡ്രൈവറെ കണ്ടെത്തിയ നാട്ടുകാര് ഇയാളെ അനുമോദിക്കുകയാണ്.
