കോഴിക്കോട് . നഗര ഹൃദയത്തിലെ ആളൊഴിഞ്ഞ പറമ്പിൽ കഞ്ചാവ് തോട്ടം. കൃത്യമായ പരിചരണം നൽകിപ്പോന്ന 17 കഞ്ചാവ് ചെടികളാണ് കണ്ടെത്തിയത്. കഞ്ചാവ് കർഷകരെ കണ്ടെത്താനുള്ള ശ്രമം എക്സ്സൈസ് ഊർജിതമാക്കിയിട്ടുണ്ട്
രഹസ്യവിവരത്തെ തുടർന്ന് കോഴിക്കോട് എക്സൈസ് റേഞ്ച് ഇൻസ്പെക്ടറുടെ നേതൃത്വത്തിൽ നടത്തിയ പരിശോധനയിലാണ്
പൂർണ്ണ വളർച്ചയെത്തിയ പതിനേഴ് കഞ്ചാവ് ചെടികൾ കണ്ടെത്തിയത്.
കോഴിക്കോട് കുതിരവട്ടത്ത് നിന്നും അരയിടത്തു പാലത്തിലേക്കുള്ള റോഡിൻ്റെ അരികിലെ ആളൊഴിഞ്ഞ പറമ്പിലായിരുന്നു ഇത്രയേറെ കഞ്ചാവ് ചെടികൾ ആരുടെയും ശ്രദ്ധയിൽപ്പെടാതെ വളർത്തിയത്. ഏകദേശം ഒരാളെക്കാൾ ഉയരത്തിലുള്ള
വിളവെടുപ്പിന് പാകമായ വിധത്തിലുള്ളതാണ് എക്സൈസ് പിടിച്ചെടുത്ത കഞ്ചാവ് ചെടികൾ//തുടർന്ന് കഞ്ചാവ് ചെടികൾ എക്സൈസ് സംഘം പിഴുതെടുത്ത്
തുടർ നടപടികൾ ആരംഭിച്ചു.
ക്രിസ്തുമസ്
അവധി അടുത്തതോടെ കോഴിക്കോട് എക്സൈസിന്റെ നേതൃത്വത്തിൽ
ലഹരിക്കെതിരെ നടത്തിവരുന്ന ഊർജ്ജിത അന്വേഷണത്തിന്റെ
ഇടയിലാണ് കഞ്ചാവ് ചെടികൾ തന്നെ
പിടികൂടാൻ ആയത്.
കഞ്ചാവ് ചെടികൾ നട്ടു വളർത്തിയവരെ കുറിച്ചുള്ള അന്വേഷണം എക്സൈസിന്റെ നേതൃത്വത്തിൽ ഊർജ്ജിതമാക്കിയിട്ടുണ്ട്. എത്രയും പെട്ടെന്ന് ഇതിന് ഉത്തരവാദികളായവരെ പിടികൂടാൻ ആകുമെന്ന് എക്സൈസ് അറിയിച്ചു.
