Advertisement
കൊച്ചിയില് പച്ചാളം പാലത്തിന് സമീപം റെയില്വേ പാളത്തില് ആട്ടുകല്ല് കണ്ടെത്തി. റെയില്വേ പൊലീസും ഡോഗ് സ്ക്വാഡും സ്ഥലത്തെത്തി.ട്രെയിന് അട്ടിമറി ശ്രമമെന്നാണ് സംശയം. ഭാരമേറിയ വസ്തുവായതിനാൽ കുട്ടിക്കളി എന്ന് തള്ളാനാവില്ലെന്നാണ് ഉന്നതാധികൃതർ പറയുന്നത്.
റെയില്വെ ട്രാക്കിന്റെ നടുഭാഗത്താണ് ആട്ടുകല്ല് വെച്ചിരുന്നത്. അപകടമുണ്ടാക്കും വിധം ആരാണ് ആട്ടുകല്ല് കൊണ്ടുവെച്ചതെന്ന് വ്യക്തതയില്ല.
മൈസൂരു- കൊച്ചുവേളി എക്സ്പ്രസിലെ ലോക്കോ പൈലറ്റാണ് ഇത്തരത്തില് പാളത്തില് ആട്ടുകല്ല് കിടക്കുന്ന വിവരം റെയില്വേ പൊലീസിനെ അറിയിച്ചത്. തുടര്ന്ന് റെയില്വേ പൊലീസും ഡോഗ് സ്ക്വാഡും സ്ഥലത്തെത്തി പരിശോധന ആരംഭിക്കുകയായിരുന്നു. സംഭവത്തില് അട്ടിമറി ശ്രമം സംശയിക്കുന്നുണ്ട്.
Advertisement
