Advertisement
കൊച്ചി കോർപ്പറേഷൻ കൈക്കൂലി കേസിൽ അറസ്റ്റിലായ സ്വപ്ന വിജിലൻസ് കസ്റ്റഡിയിൽ തുടരുന്നു. കസ്റ്റഡിയിലെടുത്ത് വിശദമായ ചോദ്യം ചെയ്യലിലേക്ക് ആയിരിക്കും വിജിലൻസ് കടക്കുക. മൂവാറ്റുപുഴ വിജിലൻസ് കോടതിയിൽ ഹാജരാക്കിയാണ് സ്വപ്നയെ മൂന്ന് ദിവസം കസ്റ്റഡിയിൽ വിട്ടത് .കൊച്ചി കോർപ്പറേഷന്റെ വൈറ്റില സോണൽ ഓഫീസിലെ ബിൽഡിങ് ഇൻസ്പെക്ടറായ സ്വപ്നയെ 15,000 രൂപ കൈക്കൂലി വാങ്ങുന്നതിനിടെ അവരുടെ കാറിൽനിന്നായിരുന്നു വിജിലൻസ് പിടികൂടിയത്. അഞ്ചുനിലക്കെട്ടിടം നിർമിക്കുന്നതിന് പെർമിറ്റ് ആവശ്യപ്പെട്ടെത്തിയ എറണാകുളം സ്വദേശിയിൽനിന്നാണ് ഇവർ 15,000 രൂപ കൈക്കൂലി വാങ്ങിയത്. സ്ഥിരം കൈക്കൂലി വാങ്ങുന്ന സ്വപ്നയെ വിജിലൻസ് സംഘം കുരുക്കുകയായിരുന്നു.
Advertisement
