Advertisement
കൊല്ലം: കർഷക തൊഴിലാളി ക്ഷേമനിധി ബോർഡിൽ അംഗങ്ങളായവരുടെ മക്കളിൽ ഡിഗ്രി, പി ജി പ്രൊഫഷണൽ ഡിഗ്രി, പ്രൊഫഷണർ പി ജി, ടി ടി സി, ബിഎഡ്, ഐ റ്റി ഐ, ഡിപ്ലോമ, പാരാമെഡിക്കൽ കോഴ്സുകളിൽ ഉയർന്ന വിജയം കരസ്ഥമാക്കിയവർക്ക് ധനസഹായവും സർട്ടിഫിക്കറ്റുകളും നൽകി. ഡയറക്ടർ ബോർഡ് മെമ്പർ ശശാങ്കൻ ഉദ്ഘാടനം ചെയ്തു. കൊല്ലം ജില്ലയിൽ നിന്ന് ഉന്നത വിദ്യാഭ്യാസത്തിന് യോഗ്യത നേടിയ 32 പേർക്ക് 1,75000/ രൂപയും ചടങ്ങിൽ വിതരണം ചെയ്തു. ജില്ലാ എക്സിക്യൂട്ടീവ് ഓഫീസർ ജീ. സുരേഷ് കുമാർ അധ്യക്ഷനായി. യൂണിയൻ നേതാക്കളായ ഡി തങ്കപ്പൻ, പി.ശിവാനന്ദൻ, കെ എസ് നസിയ, വയല ശശിധരൻ പിള്ള, ബിജു ലക്ഷ്മികാന്തൻ, ഷാരോൺ റ്റെഡ്, ബിന്ദു മോൾ എന്നിവർ പ്രസംഗിച്ചു.
Advertisement
