കൊല്ലം.പരവൂർ പുറ്റിങ്ങൽ വെടിക്കെട്ട് ദുരന്തക്കേസ് വിചാരണ നടപടികളിലേക്ക്. കേസ് വിചാരണയ്ക്ക് അനുവദിച്ച പ്രത്യേക കോടതിയിലേക്ക് കേസ് മാറ്റുന്നതിനു മുന്നോടിയായാണ് നടപടി. 51 പ്രതികളും നാളെ കൊല്ലം സെഷൻസ് കോടതിയിൽ ഹാജരാകണം.
മനുഷ്യ നിർമ്മിതമായ പുറ്റിങ്ങൽ ദുരന്തം. സ്വർണ്ണകപ്പും ക്യാഷ് അവാർഡും കിട്ടാൻ കളക്ടറുടെ നിരോധന ഉത്തരവ് ലംഘിച്ച് നടത്തിയ വെടിക്കെട്ട് . 2016 ഏപ്രിൽ പത്തിന് 110 പേരുടെ ജീവനെടുത്ത മൽസര വെടിക്കെട്ട് നിയമ പോരാട്ടത്തിലേക്ക് കടക്കുകയാണ്. പരിക്കേറ്റത് 656 പേർക്ക്. 10000 പേജുള്ള കുറ്റപത്രo. ഇതിൽ 59 പ്രതികൾ. എട്ടു പേർ മരിച്ചു. 44 പ്രതികൾക്കെതിരെ ചുമത്തിയത് കൊലക്കുറ്റം. പ്രതികൾ എല്ലാവരും ജാമ്യത്തിൽ.1417 സാക്ഷികളും 1611 രേഖയും 376 തൊണ്ടിമുതലും.
അന്നത്തെ കളക്ടർ ഷൈനാമോളും ദില്ലി എയിംസിലേത് അടക്കം മുപ്പത് ഡോക്ടർമാരും സാക്ഷിപ്പട്ടികയിലുണ്ട്.
ടി എം വർഗീസ് സ്മാരക ഓഡിറ്റോറിയം ക്യാമ്പസിലെ പഴയ കെട്ടിടത്തിലെ പ്രത്യേക കോടതിയിൽ വിചാരണ തുടങ്ങും. ജഡ്ജിയെ ഹൈക്കോടതി തീരുമാനിക്കും
