തമിഴ്നാട് നാമയ്ക്കലിൽ പ്രണയബന്ധം ചോദ്യം ചെയ്ത വീട്ടുകാർക്ക് വിഷം നൽകി കോളേജ് വിദ്യാർഥിയായ യുവാവ്. നാമക്കൽ സ്വദേശി ഭഗവതി എന്ന 20 കാരനാണ് വീട്ടുകാർക്ക് വിഷം ചേർത്ത ചിക്കൻ റൈസ് നൽകിയത്. യുവാവിന്റെ മുത്തശ്ശനും അമ്മയുമാണ് വിഷം കലർത്തിയ ഭക്ഷണം കഴിച്ച് മരിച്ചത്. യുവാവിന് ഒരു പെൺകുട്ടിയുമായി പ്രണയബന്ധം ഉണ്ടെന്നും, ഇതിന് പുറമെ മറ്റൊരു സ്ത്രീയുമായി ബന്ധം പുലർത്തിയത് വീട്ടുകാർ എതിർത്തതാണ് കൊലപാതക കാരണമെന്നാണ് പൊലീസ് കണ്ടെത്തിയത്.
ആദ്യഘട്ടത്തിൽ ഭക്ഷ്യവിഷബാധയെന്ന സംശയ തുടർന്ന് ജില്ലാ കലക്ടർ ചിക്കൻ റൈസ് വിറ്റ കട പൂട്ടിച്ചിരുന്നു. പിന്നീട് നടത്തിയ വിദഗ്ധ പരിശോധനയിലാണ് വിഷം ഉപയോഗിച്ചതായി കണ്ടെത്തിയത്. ചോദ്യം ചെയ്യലിലാണ് യുവാവിന് ഒരു പെൺകുട്ടിയുമായി പ്രണയബന്ധം ഉണ്ടെന്നും, ഇതിന് പുറമെ മറ്റൊരു സ്ത്രീയുമായി ബന്ധം പുലർത്തിയത് വീട്ടുകാർ എതിർത്തതാണ് കൊലപാതക കാരണമെന്ന് കണ്ടെത്തിയത്. യുവാവിനെ ജോലിക്ക് പോകാൻ നിർബന്ധിച്ചതും കൊലപാതക കാരണമായി. കമ്പ്യൂട്ടർ സെൻററിൽ പാർട്ട് ടൈം ജോലി ചെയ്ത ആദ്യ ശമ്പളത്തിന്റെ ആഘോഷമായാണ് വീട്ടുകാർക്ക് ചിക്കൻ റൈസ് വാങ്ങി നൽകിയത്. വീട്ടിൽ ഉണ്ടായിരുന്ന മുഴുവൻ പേർക്കുമായി ആറു പാക്കറ്റ് ചിക്കൻ റൈസിൽ യുവാവ് വിഷം കലർത്തിയതായും പൊലീസ് കണ്ടെത്തിയിട്ടുണ്ട്.
