രേണുക സ്വാമി വധം: ബോധം കെടുന്നതുവരെ ദർശൻ ബെൽറ്റ് കൊണ്ട് അടിച്ചു; കൊലയ്ക്ക് നിർബന്ധിച്ചത് പവിത്ര,കൂടുതൽ വിവരങ്ങൾ

June 13, 2024

ബെംഗ്ലൂരൂ: രേണുക സ്വാമി വധക്കേസിൽ കൂടുതൽ വിവരങ്ങൾ പുറത്ത്. രേണുകസ്വാമിയെ കൊലപ്പെടുത്താൻ നടൻ ദർശനെ നിർബന്ധിച്ചത് നടിയും കാമുകിയുമായ പവിത്ര ഗൗഡയെന്ന് പോലീസ് പറയുന്നു. രേണുക സ്വാമി വ്യാജ ഇൻസ്റ്റഗ്രാം അക്കൗണ്ടിൽ നിന്നും അയച്ച അശ്ലീല സന്ദേശങ്ങളിൽ നടി അസ്വസ്ഥയായിരുന്നുവെന്നും ഇതിന് പിന്നിലെ ആളെ കണ്ടുപിടിച്ച് കൊല്ലണമെന്ന് ദർശനോട് ആവശ്യപ്പെട്ടെന്നും പോലീസ് അറിയിച്ചു.

കേസിൽ പവിത്ര ഗൗഡയാണ് ഒന്നാം പ്രതി. ദർശൻ രണ്ടാം പ്രതിയാണ്. രേണുക സ്വാമിയെ കുറിച്ചുള്ള എല്ലാ വിവരങ്ങളും ലഭിച്ചതിന് പിന്നാലെ ദർശൻ തന്റെ ഫാൻസ് അസോസിയേഷൻ ചിത്രദുർഗ പ്രസിഡന്റ് രാഘവേന്ദ്രയുമായി ബന്ധപ്പെടുകയായിരുന്നു. രാഘവേന്ദ്രയാണ് രേണുക സ്വാമിയെ വീട്ടിൽ നിന്നും കൂട്ടിക്കൊണ്ടുപോയത്.

ബംഗളൂരുവിലെ കാമാക്ഷിപാളയത്തുള്ള ഷെഡിലേക്കാണ് രേണുക സ്വാമിയെ എത്തിച്ചത്. ഇവിടെ വെച്ച് ക്രൂരമായ പീഡനത്തിനാണ് രേണുക സ്വാമി വിധേയനായത്. ബോധം പോകുന്നതുവരെ ദർശൻ ഇയാളെ ബെൽറ്റ് കൊണ്ട് അടിച്ചു. ബോധരഹിതനായി നിലത്ത് വീണപ്പോൾ കൂട്ടാളികൾ വടികൾ ഉപയോഗിച്ച് മർദിച്ചു. തുടർന്ന് മതിലിലേക്ക് വലിച്ചെറിഞ്ഞു

ക്രൂരമായ മർദനത്തിൽ രേണുകസ്വാമിയുടെ ശരീരത്തിലെ നിരവധി എല്ലുകൾ ഒടിയുകയും ചെയ്തു. മരണമുറപ്പാക്കിയ ശേഷം മൃതദേഹം അഴുക്കുചാലിൽ തള്ളുകയായിരുന്നു. 30 ലക്ഷം രൂപയാണ് കൂട്ടുപ്രതികൾക്ക് ദർശൻ പ്രതിഫലമായി നൽകിയത്. അതേസമയം ദർശനും പവിത്ര ഗൗഡയും അന്വേഷണത്തോട് സഹകരിക്കുന്നില്ലെന്നും പരസ്പര വിരുദ്ധമായ കാര്യങ്ങളാണ് പറയുന്നതെന്നും പോലീസ് കോടതിയെ അറിയിച്ചു.

25 മലയാളികൾ കുവൈറ്റ് ദുരന്തത്തിൽ മരിച്ചതായി പുതിയ വിവരം;8 ലക്ഷം രൂപാ വീതം നഷ്ടപരിഹാരം നൽകുമെന്ന് കമ്പനി

June 13, 2024

തിരുവനന്തപുരം: കുവൈത്തില്‍ തൊഴിലാളി ക്യാമ്പിലുണ്ടായ തീപിടുത്തത്തില്‍ 25 മലയാളികൾ മരിച്ചതായി നോർക്ക സി ഇ ഒ അറിയിച്ചു.23 പേരെ തിരിച്ചറിഞ്ഞു. നെടുമങ്ങാട് കുര്യാത്തി സ്വദേശി അരുൺ ബാബുവിനെയാണ് ഒടുവിലായി തിരിച്ചറിഞ്ഞത്. 7 മാസം മുമ്പാണ് അരുൺ ഗൾഫിലെത്തിയത്.ഇനി തിരിച്ചറിയാനുള്ള 3 പേരിൽ 2 പേർ കൂടി മലയാളികളാകാൻ സാധ്യതയേറെയെന്നാണ് കുവൈറ്റിലെ നോർക്ക ഹെൽപ്പ് ഡെസ്ക്ക് പുറത്ത് വിടുന്ന പുതിയ വിവരം.9പേർ ഗുരുതരാവസ്ഥയിൽ വിവിധ ആശുപത്രികളിലാണ്.49 പേർ മരിച്ചതിൽ 46 പേരും ഇന്ത്യാക്കാരാണ്. മൃതദേഹങ്ങൾ എത്രയും വേഗം മൃതദേഹങ്ങൾ നാട്ടിലെത്തിക്കുന്നതിനുള്ള ശ്രമങ്ങൾ തുടരുന്നു.പരിക്കേറ്റവരേയും ചികിത്സയ്ക്കായി നാട്ടിലെത്തിക്കാൻ കഴിയുമോ എന്നും ആലോചിച്ചു വരികയാണെന്നും അദ്ദേഹം പറഞ്ഞു. ഇന്ത്യൻ എംബസിയിൽ നിന്ന് കൂടുതൽ
സ്ഥിരീകരണം ലഭിച്ച ശേഷം ഇക്കാര്യങ്ങളിൽ വ്യക്തത വരുത്തും.

മരിച്ചവരുടെ കുടുംബങ്ങൾക്ക് 8 ലക്ഷം രൂപാ വീതം ധനസഹായം നൽക്കുമെന്ന് കമ്പിനി അധികൃതർ പറഞ്ഞു.

മൃതദേഹങ്ങൾ കൊച്ചിയിൽ എത്തിക്കണമെന്ന് ആവശ്യപ്പെട്ടിട്ടുണ്ടെന്ന് ധനകാര്യ മന്ത്രി കെ.എൻ ബാലഗോപാൽ പറഞ്ഞു.

സജീവ ഫുട്ബോളില്‍ നിന്നു വിരമിക്കുന്നതിന്റെ സൂചനകള്‍ നല്‍കി മെസി

June 13, 2024

ഇന്റര്‍ മയാമി തന്റെ അവസാനത്തെ ക്ലബാണെന്ന് വ്യക്തമാക്കി അര്‍ജന്റീന നായകനും ഇതിഹാസ താരവുമായ ലയണല്‍ മെസി. ഇതോടെ സജീവ ഫുട്ബോളില്‍ നിന്നും മെസി വിരമിക്കുന്നതിന്റെ സൂചനകളാണിതെന്ന് ഫുട്‌ബോള്‍ ആരാധകര്‍ കണക്കുകൂട്ടുന്നു. മേജര്‍ ലീഗ് സോക്കറില്‍ ഇന്റര്‍ മയാമിയുടെ താരമായ മെസി നിലവില്‍ കോപ്പ അമേരിക്ക പോരാട്ടത്തിനുള്ള അര്‍ജന്റീന ക്യാമ്പിലാണ്.

‘ഫുട്ബോളില്‍ നിന്നു വിട്ടുനില്‍ക്കാന്‍ ഞാന്‍ തയ്യാറല്ല. ജീവിതകാലം മുഴുവന്‍ കളിക്കണമെന്നാണ് ആഗ്രഹം. പരിശീലനവും മത്സരവും എല്ലാം ഇപ്പോഴും ആസ്വദിക്കുന്നു. എല്ലാം അവസാനിപ്പിക്കേണ്ടി വരുമെന്ന ചിന്ത ഇപ്പോള്‍ എന്നെ അലട്ടുന്നുണ്ട്. ഇന്റര്‍ മയാമി ഒരുപക്ഷേ എന്റെ അവസാന ക്ലബായിരിക്കുമെന്നാണ് ഞാന്‍ കരുതുന്നത്’- മെസി വ്യക്തമാക്കി. ഇന്റര്‍ മയാമിയുമായുള്ള മെസിയുടെ കരാര്‍ അടുത്ത വര്‍ഷത്തേക്ക് കൂടിയുണ്ട്.

ഒരാളുമായി പ്രണയത്തിലാണെന്ന് വെളിപ്പെടുത്തി നടി മംമ്ത മോഹന്‍ ദാസ്

June 13, 2024

ഒരാളുമായി പ്രണയത്തിലാണെന്ന് വെളിപ്പെടുത്തി നടി മംമ്ത മോഹന്‍ ദാസ്
താന്‍ ഒരാളുമായി പ്രണയത്തിലാണെന്ന് വെളിപ്പെടുത്തി നടി മംമ്ത മോഹന്‍ ദാസ്. നിലവില്‍ ഇപ്പോള്‍ താന്‍ സന്തോഷത്തിലാണെന്നും ഒരാളെ ഡേറ്റ് ചെയ്യുന്നുണ്ടെന്നും വിവാഹത്തെക്കുറിച്ച് ചിന്തിക്കുന്നുണ്ടെന്നും മംമ്ത പറയുന്നു. എന്നാല്‍ കാമുകന്‍ ആരാണെന്ന് താരം തുറന്നു പറഞ്ഞില്ല.
ഞാന്‍ ലോസ് ആഞ്ചല്‍സിലായിരുന്ന സമയത്ത് ഒരാളുമായി പ്രണയത്തിലായിരുന്നു. അതൊരു ലോങ് ഡിസ്റ്റന്‍സ് റിലേഷന്‍ഷിപ്പായിരുന്നു. എന്തൊക്കെയോ കാരണങ്ങള്‍കൊണ്ട് അത് ശരിയായില്ല. എനിക്ക് ബന്ധങ്ങള്‍ വളരെ പ്രധാനപ്പെട്ടതാണ്. പക്ഷേ അത് സമാധാനത്തോടെ മുന്നോട്ടുപോകുന്നതായിരിക്കണം. എന്റെ ജീവിതത്തിന്റെ മറ്റ് വശങ്ങള്‍ കണക്കിലെടുക്കുമ്പോള്‍ ഒരു ബന്ധത്തില്‍ നിന്നുള്ള അധിക സമ്മര്‍ദ്ദം ഞാന്‍ ആഗ്രഹിക്കുന്നില്ല. രണ്ടു മൂന്നു തവണ ഞാന്‍ അവസരം നല്‍കും, എന്നാല്‍ അതിനപ്പുറം ഇത് സമ്മര്‍ദ്ദമാണ്, എനിക്ക് അത് ശരിക്കും ആവശ്യമാണെന്ന് ഞാന്‍ കരുതുന്നില്ല.- മംമ്ത പറഞ്ഞു.

റേഷന്‍ കാര്‍ഡ് ആധാറുമായി ബന്ധിപ്പിക്കാനുള്ള സമയപരിധി നീട്ടി…

June 13, 2024

ന്യൂഡല്‍ഹി: റേഷന്‍ കാര്‍ഡ് ആധാറുമായി ബന്ധിപ്പിക്കാനുള്ള സമയപരിധി നീട്ടി. സെപ്റ്റംബര്‍ 30 വരെയാണ് നീട്ടിയത്. ജൂണ്‍ 30ന് സമയപരിധി തീരാനിരിക്കേയാണ് നീട്ടിയത്. കേരളത്തില്‍ ഭൂരിഭാഗം ഗുണഭോക്താക്കളും ആധാറും റേഷന്‍ കാര്‍ഡും തമ്മില്‍ ബന്ധിപ്പിച്ചിട്ടുണ്ട്. ബന്ധിപ്പിക്കാന്‍: bit.ly/rationaadhaar
civilsupplieskerala.gov.in ല്‍ കയറി സിറ്റിസണ്‍ ലോഗിന്‍ എന്ന ബട്ടണ്‍ ക്ലിക്ക് ചെയ്ത് ഓണ്‍ലൈനായി റേഷന്‍ കാര്‍ഡിനെ ആധാറുമായി ബന്ധിപ്പിക്കാവുന്നതാണ്. ആധാറിന്റെ പകര്‍പ്പും റേഷന്‍കാര്‍ഡും കൂടി നല്‍കി അക്ഷയ സെന്ററുകള്‍ മുഖേനയും ലിങ്ക് ചെയ്യാവുന്നതാണ്. താലൂക്ക് സപ്ലൈ ഓഫീസിനും ഇതിനുള്ള സൗകര്യം ഒരുക്കിയിട്ടുണ്ട്. ഇ-പോസ് മെഷീനുകള്‍ മുഖേന റേഷന്‍കടകളിലും ആധാറുമായി ബന്ധിപ്പിക്കാവുന്നതാണ്.

ഷവര്‍മ്മ യന്ത്രത്തില്‍ വിദ്യാര്‍ത്ഥിനിയുടെ മുടി കുടുങ്ങി; രക്ഷകരായി അഗ്‌നിരക്ഷാസേന

June 13, 2024

കോളജ് വിദ്യാര്‍ഥിനിയുടെ മുടി ഷവര്‍മ്മ യന്ത്രത്തില്‍ കുടുങ്ങി. പെണ്‍കുട്ടിയെ അഗ്‌നിരക്ഷാസേന രക്ഷപ്പെടുത്തി. പാളയം നൂര്‍മഹല്‍ റെസ്റ്റോറന്റിലായിരുന്നു സംഭവമുണ്ടായത്. നിലമേല്‍ എന്‍എസ്എസ് കോളജിലെ വിദ്യാര്‍ഥിനി അധീഷ്യയുടെ മുടി ഹോട്ടലിന് മുന്നിലെ ഷവര്‍മ യന്ത്രത്തില്‍ കുടുങ്ങുകയായിരുന്നു.
ബുധനാഴ്ച ഉച്ചയ്ക്ക് 12 മണിയോടെയാണ് സംഭവമുണ്ടായത്. സര്‍വകലാശാല ഓഫീസിലെത്തിയതാണ് പെണ്‍കുട്ടി. മഴ പെയ്തപ്പോള്‍ നനയാതിരിക്കാന്‍ സമീപത്തെ േെറസ്റ്റാറന്റിലേക്ക് ഓടിക്കയറിയപ്പോള്‍ കാല്‍വഴുതി യന്ത്രത്തിന് മുകളിലേക്ക് വീഴുകയായിരുന്നു. ഈ സമയത്ത് കറങ്ങിക്കൊണ്ടിരുന്ന ലിവറില്‍ മുടി കുരുങ്ങി. ഉടന്‍ യന്ത്രം ഓഫാക്കിയതിനാല്‍ അപകടം ഒഴിവായി.
മുടി കമ്പിയില്‍ ചുറ്റിയതോടെ ഇളക്കിയെടുക്കാന്‍ കഴിഞ്ഞില്ല. തുടര്‍ന്ന് അഗ്‌നിരക്ഷാസേനയുടെ സഹായം തേടുകയായിരുന്നു. മുടി ഉരുകി കമ്പിയില്‍ പറ്റിയ നിലയിലായിരുന്നു. തുടര്‍ന്ന് മുടി മുറിച്ചുമാറ്റിയാണ് കുട്ടിയെ രക്ഷപ്പെടുത്തിയത്.

പ്രേമ ഖണ്ഡു സത്യപ്രതിജ്ഞ ചെയ്ത് അധികാരമേറ്റു

June 13, 2024

ഇറ്റാനഗര്‍ . അരുണാചൽ പ്രദേശ് മുഖ്യമന്ത്രിയായി പ്രേമ ഖണ്ഡു സത്യപ്രതിജ്ഞ ചെയ്ത് അധികാരമേറ്റു. തുടർച്ചയായ മൂന്നാം തവണയാണ് സംസ്ഥാനത്തിന്റെ മുഖ്യമന്ത്രി സ്ഥാനത്തേക്ക് പേമ ഖണ്ഡു എത്തുന്നത്. ചൗന മെയ്ൻ ഉപമുഖ്യമന്ത്രിയായും സത്യപ്രതിജ്ഞ ചെയ്തു.ഉപമുഖ്യമന്ത്രിയടക്കം 11 ക്യാബിനറ്റ് മന്ത്രിമാരാണ് ഇന്ന് സത്യപ്രതിജ്ഞ ചെയ്ത് അധികാരമേറ്റത്. ഇറ്റാനഗറിലെ ഡികെ സ്റ്റേറ്റ് കൺവെൻഷൻ സെന്ററിൽ നടന്ന ചടങ്ങിൽ കേന്ദ്ര ആഭ്യന്തര മന്ത്രി അമിത് ഷാ, പ്രതിരോധമന്ത്രി രാജ്നാഥ് സിംഗ്, ജെ പി നദ്ദ, കിരൺ റിജിജു, അസം മുഖ്യമന്ത്രി ഹിമന്ത ബിശ്വ ശർമ്മ തുടങ്ങിയവർ പങ്കെടുത്തു.60 അംഗ നിയമസഭയിൽ 46 സീറ്റുകൾ നേടിയാണ് ബിജെപി അധികാരം നിലനിർത്തിയത്

തെരഞ്ഞെടുപ്പ് രാഷ്ട്രീയത്തിലെക്കില്ല, കെ മുരളീധരൻ

June 13, 2024

ന്യൂഡെല്‍ഹി. തെരഞ്ഞെടുപ്പ് രാഷ്ട്രീയത്തിലെക്കില്ലെന്ന് ആവർത്തിച്ച് കെ മുരളീധരൻ.പഞ്ചായത്ത് തിരഞ്ഞെടുപ്പ് വരെ പൊതുരംഗത്ത് സജീവമാകില്ല.പ്രവർത്തന കേന്ദ്രം ഇനി കേരളമാണെന്നും,വയനാട്ടിൽ പ്രിയങ്ക ഗാന്ധി മത്സരിക്കണമെന്നാണ് ആവശ്യമെന്നും കെ എം മുരളീധരൻ പറഞ്ഞു.അതിനിടെ പ്രതിപക്ഷ നേതാവ് വി ഡി സതീശൻ കോഴിക്കോട്ടെ കെ മുരളീധരന്റെ വീട്ടിലെത്തിയെങ്കിലും മുരളീധരൻ ഡൽഹിയിൽ ആയതിനാൽ കൂടിക്കാഴ്ച നടക്കാതെ പ്രതിപക്ഷ നേതാവ് മടങ്ങി

തൃശ്ശൂരിലെ തോൽവിയിൽ സംസ്ഥാന- ജില്ല നേതൃത്വത്തെ നേരിട്ട് കടന്നാക്രമിക്കാതെ, പരാജയത്തിന് കാരണം പ്രചരണത്തിലെ വീഴ്ചയാണെന്നാണ് കെ മുരളീധരന്റെ വാക്കുകൾ

പഞ്ചായത്ത് തിരഞ്ഞെടുപ്പ് വരെ പൊതുപ്രവർത്തനത്തിൽ സജീവമാകില്ലെന്ന് ആവർത്തിച്ചു.പ്രവർത്തന കേന്ദ്രം ഇനി കേരളമാണെന്നും മുരളിധരൻ സൂചന നൽകി

മുരളീധരൻ ഡൽഹിയിലെത്തിയത് അറിയാതെ കോഴിക്കോട്ടെ വീട്ടിലെത്തിയ വിഡി സതീശന് കൂടിക്കാഴ്ച നടത്താൻ കഴിയാതെ മടങ്ങേണ്ടി വന്നു.സതീശൻ വരുന്ന കാര്യം അറിഞ്ഞിരുന്നെങ്കിൽ കാത്തിരുന്നേന്നെയെന്ന് മുരളീധരൻ

തെരഞ്ഞെടുപ്പ് തോൽവിക്ക് പിന്നാലെ നേതൃത്വവുമായി ഇടഞ് നിൽക്കുന്ന കെ മുരളീധരുമായി രാഹുൽ ഗാന്ധി ഫോണിൽ സംസാരിച്ചു.ഡൽഹിയിൽ തുടരുന്ന മുരളീധരൻ സോണിയ ഗാന്ധിയെ കണ്ട് സംസ്ഥാനത്തെ സംഘടനാ സാഹചര്യം ധരിപ്പിക്കും

ഓര്‍ഡര്‍ ചെയ്തുവരുത്തിയ ഐസ്ക്രീമിൽ നിന്ന് കിട്ടിയത് കണ്ട് യുവതി ഞെട്ടി

June 13, 2024

മുംബൈ. ഐസ്ക്രീമിൽ നിന്ന് കൈവിരൽ കിട്ടിയതായി പരാതി. മലാഡ് സ്വദേശിനി വാങ്ങിയ ഐസ്ക്രീമിൽ നിന്നാണ് കൈവിരൽ കിട്ടിയത്. മലാഡ് പൊലീസ് ഐസ്ക്രീം കമ്പനിക്കെതിരെ കേസെടുത്ത് തൊണ്ടിമുതലുകൾ ഫൊറൻസിക് പരിശോധനയ്ക്ക് അയച്ചു. ഓൺലൈൻ ഡെലിവറി ആപ്പായ സെപ്റ്റോയിൽ വഴിയാണ് യമ്മോ എന്ന കമ്പനിയുടെ കോൺ ഐസ്ക്രീം യുവതി വാങ്ങിയത്. ഇതിലൊന്ന് സഹോദരന് നൽകി. ഐസ്ക്രീം കഴിച്ച് തുടങ്ങിയപ്പോഴാണ് എന്തോ വസ്തു അതിനുള്ളത് സഹോദരൻ ശ്രദ്ധിച്ചത്. പരിശോധിച്ചപ്പോൾല കൈവിരൽ കിട്ടിയെന്നാണ് പരാതി.

നീറ്റ് പരീക്ഷയിൽ ഗ്രേസ് മാർക്ക് ലഭിച്ച 1563 പേർക്ക് പുനപരീക്ഷ

June 13, 2024

ന്യൂഡെല്‍ഹി. നീറ്റ് പരീക്ഷയിൽ ഗ്രേസ് മാർക്ക് ലഭിച്ചവർക്ക് പുനപരീക്ഷ.1563 വിദ്യാർത്ഥികൾക്കും
വീണ്ടും പരീക്ഷ എഴുതുവാനുള്ള അവസരം നൽകുമെന്ന് NTA സുപ്രീംകോടതിയിൽ.NTA സമർപ്പിച്ച റിപ്പോർട്ട് അംഗീകരിച്ച് സുപ്രീംകോടതി.ഈമാസം 23ന് ആകും പരീക്ഷ നടത്തുക. നീറ്റ് പ്രവേശന നടപടികൾ തുടരുമെന്നും കോടതി. പരീക്ഷയിൽ അട്ടിമറികൾ നടന്നിട്ടില്ലെന്ന് കേന്ദ്രവിദ്യാഭ്യാസ മന്ത്രി ധർമ്മേന്ദ്ര പ്രധാൻ.

ഹരിയാനയിലെ ആറു കേന്ദ്രങ്ങളിലെ ഉദ്യോഗാർത്ഥികൾക്ക് അധികമാർക്ക് നൽകിയതിനെത്തുടർന്ന് ഒന്നാം റാങ്ക് ലഭിച്ചതാണ് വിവാദത്തിലേക്ക് എത്തിയത്. സുപ്രീംകോടതിയിലെ ഹർജിയിൽ എൻ ടി എ സമിതി നൽകിയ റിപ്പോർട്ടിലാണ് അധികം മാർക്ക് ലഭിച്ചവർക്ക് വീണ്ടും പരീക്ഷ നടത്താം എന്ന മാർഗം നിർദ്ദേശിച്ചത്. പുനപരീക്ഷ എഴുതിയില്ലെങ്കിൽ ഗ്രീസ് മാർക്ക് ഒഴികെയുള്ള മാർക്ക് ആ ഉദ്യോഗാർത്ഥിക്ക് നൽകുമെന്നും എൻ ടി എ കോടതിയെ അറിയിച്ചു.ഈ റിപ്പോർട്ടാണ് സുപ്രീംകോടതി അംഗീകരിച്ചത്. കൗൺസിലിംഗ് തടയനാവില്ലെന്ന് വ്യക്തമാക്കിയ കോടതി എൻടിഎയോട് വിശദീകരണവും ആവശ്യപ്പെട്ടിട്ടുണ്ട്. ഇതോടെ 1563 ഉദ്യോഗാർത്ഥികൾ ആയിരിക്കും ഈ മാസം 23ന് പുനപരീക്ഷ നേരിടുക. പുനപരീക്ഷ ഫലം 30ന് തന്നെ പ്രഖ്യാപിക്കും. പുനപരീക്ഷയ്ക്കായി വിജ്ഞാപനം ഇന്ന് ഇറക്കും.പരീക്ഷയിൽ ഏതെങ്കിലും തരത്തിലുള്ള ക്രമക്കേടുകൾ നടന്നിട്ടുണ്ടെങ്കിൽ ശക്തമായ നടപടി സ്വീകരിക്കും എന്ന് കേന്ദ്ര വിദ്യാഭ്യാസ മന്ത്രി ധർമ്മേന്ദ്രപ്രധാൻ പ്രതികരിച്ചു.

ഈ വർഷത്തെ പരീക്ഷ റദ്ദാക്കണമെന്ന് ആവശ്യപ്പെട്ട് വിദ്യാർത്ഥികൾ സമർപ്പിച്ച ഹർജിയിലാണ് ജസ്റ്റിസുമാരായ വിക്രം നാഥും സന്ദീപ് മേത്തയുമടങ്ങുന്ന അവധിക്കാല ബെഞ്ചിന്റെ ഇടപെടൽ