യുവാവിനെ കൊലപ്പെടുത്താൽ ശ്രമിച്ച കേസിലെ പ്രതിയെ അറസ്റ്റ് ചെയ്തു

December 23, 2024

ഓച്ചിറ.ജ്യേഷ്ഠ സഹോദരനെ ലഹരി മുൾപ്പെടെയുള്ള ദുർനടപടിക്ക് പ്രേരിപ്പിക്കുന്നത് ചോദ്യം ചെയ്ത യുവാവി നെ കൊലപ്പെടുത്താൽ ശ്രമിച്ച കേസിലെ പ്രതിയെ അറസ്റ്റ് ചെയ്തു. ഓച്ചിറ സ്വദേശി തരുണി നെയാണ് ഓച്ചിറ പോലീസ് അറസ്റ്റ് ചെയ്ത് റിമാന്റ് ചെയ്തത്. ഈ മാസം ആറാം തീയതി ഓച്ചിറ ജംഗ് ഷന് , സമീപത്തുവെച്ച് അർദ്ധരാത്രി പന്ത്രണ്ടരയോടെയാണ് കുത്തി കൊലപ്പെടുത്താൻ ശ്രമിച്ചത് . കൃഷ്ണപുരം സ്വദേശി ഷൈജുവിനാണ് കത്തി കുത്തിൽ പരിക്കേറ്റത്. ഷൈജുവിന്റെ ജ്യേഷ്ഠൻബൈജുവിനെ കൂടെ കൂട്ടി നിയമ വിരുദ്ധ പ്രവർത്തനങ്ങളിൽ ഏർപ്പെടുന്നതിനെ ചോദ്യം ചെയ്തതിനെ തുടർന്നാണ് സംഭവം നടന്നത്. അസഭ്യം പറഞ്ഞു കൊണ്ട് കുപ്പി പൊട്ടിച്ച് കുത്താനുള്ള ശ്രമം പരാജയപ്പെട്ടപ്പോൾ അരയിൽ കരുതിയിരുന്ന കത്തി ഉപയൊഗിച്ച് നെഞ്ചിൽ കുത്തിയത് തടഞ്ഞപ്പോൾ കൈയിൽ പരിക്കേൽക്കുകയായിരുന്നു. സാരമായ പരിക്കേറ്റ ഷൈജു ചികിത്സയിലായിരുന്നു. Sho സുജാതൻ പി ള്ളയുടെ നിർദ്ദേശാനുസരണം എസ് ഐ മാരായ നിയാസ്, സുനിൽ, എസ് സി പി ഓ മാരായ അനു,അനി, എന്നിവർ അടങ്ങുന്ന പോലീസ് സംഘമാണ് ഒളിവിൽ കഴിഞ്ഞ പ്രതിയെ പിടികൂടിയത്.

വാഹന നിര്‍മ്മാതാക്കളായ ലോഹിയ ഓട്ടോ പുതിയ ഇവി ബ്രാന്‍ഡ് പുറത്തിറക്കുന്നു

December 23, 2024

ഇലക്ട്രിക് വാഹന വിപണിയില്‍ തങ്ങളുടെ സ്ഥാനം ശക്തിപ്പെടുത്തുക എന്ന ലക്ഷ്യത്തോടെ വാഹന നിര്‍മ്മാതാക്കളായ ലോഹിയ ഓട്ടോ പുതിയ ഇവി ബ്രാന്‍ഡ് പുറത്തിറക്കുന്നു. ‘യൗധ’ എന്ന പേരിലാണ് പുതിയ ഇലക്ട്രിക് വാഹന ബ്രാന്‍ഡ് പുറത്തിറക്കിയത്. 2027-ഓടെ മൂന്ന് ലക്ഷം ഇലക്ട്രിക് വാഹനങ്ങള്‍ വില്‍ക്കുകയെന്ന 20 കോടി രൂപയുടെ വിപുലീകരണ പദ്ധതിയുടെ ഭാഗമായാണ് പുതിയ ബ്രാന്റ് പുറത്തിറക്കിയത്.
പാസഞ്ചര്‍, കാര്‍ഗോ വിഭാഗങ്ങള്‍ക്കനുസൃതമായി രൂപകല്‍പ്പന ചെയ്ത ഇലക്ട്രിക് ത്രീ വീലറുകള്‍ ഉള്‍പ്പെടുന്നതായി കമ്പനി അറിയിച്ചു. വ്യത്യസ്തമായ ഉപഭോക്തൃ ആവശ്യങ്ങള്‍ നിറവേറ്റാന്‍ കഴിയുന്ന തരത്തിലാണ് പുതിയ ഇവി ബ്രാന്‍ഡിന് രൂപം നല്‍കിയതെന്നും കമ്പനി വ്യക്തമാക്കി

‘യൗധ’ പോര്‍ട്ട്‌ഫോളിയോയില്‍ പാസഞ്ചര്‍, കാര്‍ഗോ വിഭാഗങ്ങള്‍ക്കനുസൃതമായി രൂപകല്‍പ്പന ചെയ്ത ഇലക്ട്രിക് ത്രീ വീലറുകള്‍ ഉള്‍പ്പെടുന്നതായി കമ്പനി അറിയിച്ചു. വ്യത്യസ്തമായ ഉപഭോക്തൃ ആവശ്യങ്ങള്‍ നിറവേറ്റാന്‍ കഴിയുന്ന തരത്തിലാണ് പുതിയ ഇവി ബ്രാന്‍ഡ്.

E5 പാസഞ്ചര്‍ മോഡല്‍ നഗര, അര്‍ദ്ധ-നഗര യാത്രകള്‍ക്കായാണ് രൂപകല്‍പ്പന ചെയ്തത്. E5 കാര്‍ഗോ മോഡല്‍ ലോജിസ്റ്റിക് സേവനങ്ങള്‍ ഉറപ്പാക്കുന്നു. ഒറ്റ ചാര്‍ജില്‍ 160 കിലോമീറ്റര്‍ ദൂരം വരെ സഞ്ചരിക്കാന്‍ കഴിയുമെന്ന് കമ്പനി അവകാശപ്പെട്ടു. 10-kW ബാറ്ററി ഘടിപ്പിച്ച പാസഞ്ചര്‍ ഇ-ത്രീ വീലറിന്റെ പ്രാരംഭ വില 3.80 ലക്ഷം രൂപയാണ്.

ഹോണ്ടയും നിസാനും ഒന്നിക്കുന്നു…കൊ ബ്രാന്‍ഡഡ് വാഹനങ്ങള്‍ പുറത്തിറക്കാന്‍ ആലോചന

December 23, 2024

പ്രമുഖ വാഹന നിര്‍മ്മാണ കമ്പനികളായ ഹോണ്ടയും നിസാനും ഒന്നിക്കുന്നു. ജപ്പാനിലെ രണ്ടാമത്തെ വലിയ കാര്‍ നിര്‍മ്മാതാക്കളായ ഹോണ്ട ആഗോള വിപണിയില്‍ സാന്നിദ്ധ്യം ശക്തമാക്കുന്നതിനാണ് നിസാനുമായി കൈകോര്‍ക്കുന്നത്.
ലയനം സംബന്ധിച്ച ചര്‍ച്ചകള്‍ ഇരു കമ്പനികളും ആരംഭിച്ചിട്ടുണ്ട്. ഇതിന്റെ ഭാഗമായി ഇരു കമ്പനികളും കൊ ബ്രാന്‍ഡഡ് വാഹനങ്ങള്‍ പുറത്തിറക്കാനാണ് ആലോചിക്കുന്നത്. കടുത്ത പ്രതിസന്ധിയിലൂടെ നിസാന്‍ നീങ്ങുന്നുവെന്നാണ് വാര്‍ത്തകള്‍. ഇരു കമ്പനികളും ലയിക്കുന്നതോടെ ലോകത്തിലെ ഏറ്റവും വലിയ മൂന്നാമത്തെ വാഹന നിര്‍മ്മാതാക്കളായി ഹോണ്ട മാറും. വൈദ്യുതി വാഹനങ്ങളുടെ നിര്‍മ്മാണത്തിനായി നേരത്തെ ഹോണ്ടയും നിസാനും ധാരണയിലെത്തിയിരുന്നു. നിസാന്റെ യൂറോപ്പിലെ ഫാക്ടറികള്‍ ഉപയോഗിക്കാന്‍ ഇതോടെ ഹോണ്ടയ്ക്ക് അവസരം ലഭിക്കും.
നിയുക്ത അമേരിക്കന്‍ പ്രസിഡന്റ് ഡൊണാള്‍ഡ് ട്രംപിന്റെ പുതിയ നികുതി നയങ്ങളാണ് രണ്ട് ജാപ്പനീസ് കമ്പനികളെയും ലയനത്തിന് പ്രേരിപ്പിക്കുന്നതെന്നും റിപ്പോര്‍ട്ടുകളുണ്ട്.

നിരവധി പുരുഷന്മാരെ വിവാഹം കഴിച്ച് ഒത്തുതീര്‍പ്പിന്റെ പേരില്‍ അവരില്‍ നിന്ന് 1.25 കോടി രൂപയോളം തട്ടിയെടുത്ത യുവതി പിടിയില്‍

December 23, 2024

വിവാഹത്തട്ടിപ്പ് നടത്തുന്ന യുവതി പിടിയില്‍. ഉത്തരാഖണ്ഡ് സ്വദേശിനിയായ സീമ എന്ന നിക്കി ആണ് പിടിയിലായത്. പത്തുവര്‍ഷത്തിലേറെയായി നിരവധി പുരുഷന്മാരെ വിവാഹം കഴിച്ച് ഒത്തുതീര്‍പ്പിന്റെ പേരില്‍ അവരില്‍ നിന്ന് 1.25 കോടി രൂപയോളം തട്ടിയെടുത്തു.
2013 ല്‍ ആഗ്രയില്‍ നിന്നുള്ള ഒരു ബിസിനസുകാരനെയാണ് സീമ ആദ്യമായി വിവാഹം ചെയ്തത്. കുറച്ചു കാലത്തിനുശേഷം സീമ ആ ബിസിനസുകാരന്റെ കുടുംബത്തിനെതിരെ കേസ് കൊടുക്കുകയും ഒത്തുതീര്‍പ്പായി 75 ലക്ഷം രൂപ കൈപ്പറ്റുകയും ചെയ്തു. 2017ല്‍ ഗുരുഗ്രാമില്‍ നിന്നുള്ള ഒരു സോഫ്‌റ്റ്വെയര്‍ എന്‍ജിനീയറെയാണ് സീമ പിന്നീട് വിവാഹം ചെയ്തത്. ആ യുവാവുമായി വേര്‍പിരിഞ്ഞ ശേഷം സെറ്റില്‍മെന്റിന്റെ പേരില്‍ 10 ലക്ഷം രൂപ കൈപ്പറ്റി.

മൂന്നാമതായി 2023 ല്‍ ജയ്പൂര്‍ ആസ്ഥാനമായുള്ള ഒരു ബിസിനസുകാരനെയാണ് വിവാഹം കഴിച്ചത്. താമസിയാതെ 36 ലക്ഷം വിലമതിക്കുന്ന ആഭരണങ്ങളും പണവുമായി വീട്ടില്‍ നിന്ന് സീമ ഒളിച്ചോടി. കുടുംബം കേസ് കൊടുത്തതിനെ തുടര്‍ന്ന് നടത്തിയ അന്വേഷണത്തിലാണ് യുവതി പിടിയിലായത്.

തുടര്‍ന്ന് വിശദമായി അന്വേഷിച്ചപ്പോഴാണ് മുന്‍കാല തട്ടിപ്പുകള്‍ കൂടി പുറത്തുവന്നത്. സീമ തന്റെ ഇരകളെ മാട്രിമോണിയല്‍ സൈറ്റുകള്‍ വഴിയാണ് കണ്ടെത്തിയിരുന്നത് എന്ന് തിരിച്ചറിഞ്ഞു. സാധാരണയായി വിവാഹമോചിതരായ അല്ലെങ്കില്‍ ഭാര്യ നഷ്ടപ്പെട്ട പുരുഷന്മാരെയാണ് അവര്‍ ലക്ഷ്യമിട്ടിരുന്നത്. വ്യത്യസ്ത സംസ്ഥാനങ്ങളില്‍ വിവാഹം കഴിച്ച് ഒത്തുതീര്‍പ്പിലൂടെ 1.25 കോടി രൂപയാണ് ഇവര്‍ തട്ടിയെടുത്തത്.

സ്‌നേഹത്തിന്റെ സന്ദേശം നൽകി ആക്ട്‌സ്- ശാന്തിഗിരി പീസ് കാർണിവലിന് സമാപനം

December 23, 2024

പോത്തൻകോട് : ജാതിക്കും മതത്തിനും രാഷ്ട്രീയത്തിനുമപ്പുറം അതിർവരമ്പുകളില്ലാത്ത സ്‌നേഹത്തിന്റെ സന്ദേശം നൽകി പീസ് കാർണിവലിന് പോത്തൻകോട് ശാന്തിഗിരി ആശ്രമത്തിൽ സമാപനമായി. ക്രൈസ്തവസഭകളുടെ കൂട്ടായ്മയായ ആക്ട്‌സും ശാന്തിഗിരിയും സംയുക്തമായാണ് ഇത്തവണ തലസ്ഥാനത്ത് പീസ് കാർണിവൽ സംഘടിപ്പിച്ചത്. ഡിസംബർ 20 ന് ആരംഭിച്ച കാർണിവലിന്റെ സമാപനദിനത്തിൽ റിസർച്ച് സോൺ ഓഡിറ്റോറിയത്തിൽ നടന്ന സൗഹൃദസമ്മേളനവും വ്യത്യസ്തമായി. ബിലീവേഴ്‌സ് ചർച്ച് സെമിനാരിയിൽ പഠിക്കുന്ന ആസാം, സിക്കിം, മണിപ്പൂർ എന്നീ സംസ്ഥാനങ്ങളിൽ നിന്നുളള വൈദിക വിദ്യാർത്ഥികൾ ചേർന്ന് അവതരിപ്പിച്ച കരോൾ ഗാനത്തോടെയായിരുന്നു പരിപാടിയുടെ തുടക്കം.

ശാന്തിഗിരി ആശ്രമം ജനറൽ സെക്രട്ടറി സ്വാമി ഗുരുരത്‌നം ജ്ഞാന തപസ്വി അദ്ധ്യക്ഷത വഹിച്ച ചടങ്ങിൽ മുൻമുഖ്യമന്ത്രി ഉമ്മൻചാണ്ടിയുടെ പത്നി മറിയാമ്മ ഉമ്മൻചാണ്ടിയും മുൻആഭ്യന്തരമന്ത്രി കോടിയേരി ബാലകൃഷണന്റെ പത്നി വിനോദിനി ബാലകൃഷ്ണനും ചേർന്ന് കേക്ക് മുറിച്ച് ക്രിസ്തുമസ്- പുതുവത്സര ആഘോഷം ഉദ്ഘാടനം ചെയ്തു. ആക്ട്‌സ് പ്രസിഡന്റ് ബിഷപ്പ് ഉമ്മൻ ജോർജ് ക്രിസ്തുമസ് സന്ദേശവും പാളയം ഇമാം ഡോ.വി.പി.ഷുഹൈബ് മൌലവി പുതുവത്സരസന്ദേശവും നൽകി.

ആക്ട്‌സ് ജനറൽ സെക്രട്ടറി ജോർജ് സെബാസ്റ്റ്യൻ, ബിലീവേഴ്‌സ് ഈസ്റ്റേൺ ചർച്ച് അദ്ധ്യക്ഷൻ ബിഷപ്പ് ഡോ. മാത്യൂസ് മാർ സിൽവാനിയോസ്, സാൽവേഷൻ ആർമി ടെറിട്ടോറിയൽ കമാൻഡർ കേണൽ ജോൺവില്യം പോളിമെറ്റ്ല, ഡോ.വർക്കി എബ്രഹാം കാച്ചാണത്ത്, ഫാദ. വർക്കി എബ്രഹാം ആറ്റുപുറത്ത്, സബീർ തിരുമല, സാജൻ വേളൂർ, ഷേർലി സ്റ്റുവർട്ട്, പ്രമീള, ഷെവലിയാർ കോശി എം ജോർജ്, ഡോ. കെ.കെ . മനോജൻ, ഡോ. ഷീജ ജി മനോജ്, ഡെന്നീസ് ജേക്കബ്, പൂലന്തറ കെ.കിരൺ ദാസ്, ആർ. സഹീറത്ത് ബീവി, ജയപ്രകാശ്. എ എന്നിവർ ചടങ്ങിൽ സംസാരിച്ചു. പ്രശസ്ത സംഗീതജ്ഞൻ സ്റ്റീഫൻ ദേവസിയുടെ മാന്ത്രികസംഗീതവിരുന്നോടെയാണ് ഇക്കൊല്ലത്തെ പീസ് കാർണിവലിന് സമാപനമായത്.

യുവജനങ്ങള്‍ക്ക് കൂടുതല്‍ പ്രാധാന്യം നല്‍കി തിരുവനന്തപുരത്ത് സിപിഐഎമ്മിന്റെ പുതിയ ജില്ലാ കമ്മിറ്റി

December 23, 2024

തിരുവനന്തപുരം; യുവജനങ്ങള്‍ക്ക് കൂടുതല്‍ പ്രാധാന്യം നല്‍കി തിരുവനന്തപുരത്ത് സിപിഐഎമ്മിന്റെ പുതിയ ജില്ലാ കമ്മിറ്റി. എംഎല്‍എമാരായ വി കെ പ്രശാന്തും ജി സ്റ്റീഫനും ഒ എസ് അംബികയും മേയര്‍ ആര്യാ രാജേന്ദ്രനും ജില്ലാ കമ്മിറ്റിയിലേക്ക് തിരഞ്ഞെടുക്കപ്പെട്ടു. ഡിവൈഎഫ്‌ഐയുടെ ജില്ലാ പ്രസിഡന്റ് അനൂപും ജില്ലാ കമ്മിറ്റിയിലുണ്ട്. എട്ട് പുതുമുഖങ്ങളെയാണ് ജില്ലാ കമ്മിറ്റിയിലേക്ക് തിരഞ്ഞെടുത്തത്.

മുഖ്യമന്ത്രിക്കെതിരെ വിമർശനവുമായി സിപിഐ

December 23, 2024

തിരുവനന്തപുരം.മുഖ്യമന്ത്രിക്കെതിരെ വിമർശനവുമായി സിപിഐ

പാലക്കാട് ഉപതിരഞ്ഞെടുപ്പ് മുഖ്യമന്ത്രിക്കെതിരെ വിമർശനവുമായി സിപിഐ

തെരഞ്ഞെടുപ്പിൽ മുഖ്യമന്ത്രിയുടെ പ്രസംഗങ്ങൾ ആവേശമുണ്ടാക്കിയില്ല

ലീഗ് അധ്യക്ഷനെതിരെയുള്ള മുഖ്യമന്ത്രിയുടെ ആരോപണം തിരിച്ചടിയായി

ഇത് മുസ്ലിം വോട്ടുകൾ യുഡിഎഫിലേക്ക് ഏകീകരിക്കാൻ കാരണമായി

ട്രോളി ബാഗ് വിവാദവും പത്ര പരസ്യവും വിനയായി എന്നും സിപിഐ റിപ്പോർട്ട്

വിവാദം യുഡിഎഫിൽ ഐക്യമുണ്ടാക്കി

ഇ പി ജയരാജന്റെ ആത്മകഥ എന്ന രീതിയിൽ പ്രചരിച്ച കാര്യങ്ങളിൽ സ്ഥാനാർത്ഥി സരിനെ മോശമായി ചിത്രീകരിച്ചത് വോട്ടർമാരെ സ്വാധീനിച്ചു

ഘടകകക്ഷികളെ സിപിഎം നിരന്തരം തഴഞ്ഞു എന്നും സിപിഐ

തെരഞ്ഞെടുപ്പ് കൺവെൻഷനു ശേഷം ഒരുതവണ മാത്രമാണ് എൽഡിഎഫ് യോഗം ചേർന്നത്

തെരഞ്ഞെടുപ്പ് നീക്കങ്ങളും ചർച്ചകളും ഘടകകക്ഷികളെ അറിയിക്കാതെയാണ് സിപിഎം മുന്നോട്ടുപോയത്

നെൽ കർഷകർക്ക് സർക്കാറിനോടുള്ള വിരോധം കർഷക വോട്ടുകൾ ലഭിക്കാത്തതിന് കാരണമായി എന്നും സിപിഐ റിപ്പോർട്ട്

റിപ്പോർട്ട് ജില്ലാ എക്സിക്യൂട്ടീവും ജില്ലാ കൗൺസിലും അംഗീകരിച്ചു

മലയാളി യുവാവിനെ കാനഡയില്‍ മരിച്ച നിലയില്‍ കണ്ടെത്തി

December 23, 2024

നയാഗ്ര ഫോള്‍സ്: മലയാളി യുവാവിനെ കാനഡയില്‍ മരിച്ച നിലയില്‍ കണ്ടെത്തി. കോട്ടയം മുട്ടുചിറ സ്വദേശി അരുണ്‍ ഡാനിയേലിനെ(29)യാണ് മരിച്ച നിലയില്‍ കണ്ടെത്തിയത്.

നയാഗ്രയ്ക്ക് അടുത്തുള്ള സെന്‍റ് കാതറൈൻസിലെ താമസസ്ഥലത്ത് മൃതദേഹം കണ്ടെത്തുകയായിരുന്നു. മരണ കാരണം വ്യക്തമല്ല.

മുൻ സിഐബിസി ബാങ്ക് ഉദ്യോഗസ്ഥനാണ്. രാജ്യാന്തര വിദ്യാർഥിയായി 2017ലാണ് അരുണ്‍ കാനഡയിലെത്തിയത്. സാർണിയ ലാംടണ്‍ കോളജിലാണ് പഠിച്ചിരുന്നത്. പൊലീസ് അന്വേഷണം ആരംഭിച്ചു.

ശൂരനാട് വടക്ക് വയ്യാങ്കരയിൽ ഭിന്നശേഷിക്കാരനായ യുവാവിനെ ആൾക്കൂട്ടം ആക്രമിച്ചതായി പരാതി

December 23, 2024

ശൂരനാട്:ശൂരനാട് വടക്ക് വയ്യാങ്കരയിൽ ഭിന്നശേഷിക്കാരനായ യുവാവിനെ ആൾക്കൂട്ടം ആക്രമിച്ചതായി പരാതി.ഇന്ന് രാവിലെയാണ് സംഭവം.അടൂർ പഴകുളം ജസീം മൻസിലിൽ ജസ്നാദിനാണ് ക്രൂരമായ മർദ്ദനമേറ്റത്.വയ്യാങ്കര കാലി ചന്തയിൽ മറ്റൊരാൾക്കൊപ്പം സഹായിയായി എത്തിയതായിരുന്നു ജസ്നാദ്.ഈ സമയം ഇവരുടെ ഒരു പശു ചാടിപ്പോയി.ഇതിനെ പിടികൂടാൻ പിന്നാലെ എത്തിയ ജസ്നാദിനെ ഒരു സംഘം ക്രൂരമായി മർദ്ദിക്കുകയായിരുന്നു.ആക്രമണത്തിൽ ബോധരഹിതനായ ഇദ്ദേഹത്തെ ശൂരനാട് പോലീസ് സ്ഥലലത്തെത്തിയാണ് ആശുപത്രിയിൽ പ്രവേശിപ്പിച്ചത്.മൂന്ന് പേരാണ് മർദ്ദനത്തിന് നേതൃത്വം നൽകിയതെന്ന് പറയപ്പെടുന്നു.

ആർത്രൈറ്റിസ് രോഗികള്‍ കഴിക്കേണ്ടതും ഒഴിവാക്കേണ്ടതുമായ ഭക്ഷണങ്ങള്‍

December 23, 2024

സന്ധിയെ ബാധിക്കുന്ന നീർക്കെട്ടാണ് ആർത്രൈറ്റിസ് അഥവാ സന്ധിവാതം. സന്ധികളിലെ വേദന, ചലനങ്ങള്‍ക്ക് പരിമിതി നേരിടുക, സന്ധികളുടെ ഭാഗത്തായി നീര്‍വീക്കമുണ്ടാകുക, കുറച്ചുസമയം മുട്ടുകുത്തി നിന്നതിനോ ഇരുന്നതിനോ ശേഷം എഴുന്നേൽക്കാൻ പ്രയാസം അനുഭവപ്പെടുക തുടങ്ങിയവയൊക്കെ സന്ധിവാതത്തിന്‍റെ ലക്ഷണങ്ങളാണ്.

സന്ധിവാതമുള്ളവര്‍ ഡയറ്റില്‍ ഉള്‍പ്പെടുത്തേണ്ട ചില ഭക്ഷണങ്ങളെ പരിചയപ്പെടാം:

സാല്‍മണ്‍ മത്സ്യം മേഗ 3 ഫാറ്റി ആസിഡും ആന്‍റി-ഇൻഫ്ലമേറ്ററി ഗുണങ്ങളും അടങ്ങിയ സാല്‍മണ്‍ പോലെയുള്ള ഫാറ്റി ഫിഷ് കഴിക്കുന്നത് സന്ധിവാതത്തിന്‍റെ ലക്ഷണങ്ങളില്‍ നിന്നും ആശ്വാസം ലഭിക്കാന്‍ സഹായിക്കും.
ബെറി പഴങ്ങള്‍

ആന്‍റി ഓക്സിഡന്‍റുകള്‍ ധാരാളം അടങ്ങിയ സ്ട്രോബെറി, ബ്ലൂബെറി, റാസ്ബെറി, ബ്ലാക്ക്ബെറി തുടങ്ങിയവ ഡയറ്റില്‍ ഉള്‍പ്പെടുത്തുന്നത് സന്ധിവാതത്തിന്‍റെ ലക്ഷണങ്ങളെ ലഘൂകരിക്കാന്‍ സഹായിക്കും.

ഇലക്കറികള്‍

വിറ്റാമിനുകളും മിനറലുകളും അടങ്ങിയ ചീര പോലെയുള്ള ഇലക്കറികള്‍ ഡയറ്റില്‍ ഉള്‍പ്പെടുത്തുന്നതും സന്ധിവാതമുള്ളവര്‍ക്ക് നല്ലതാണ്.

മഞ്ഞള്‍

ആന്‍റി-ഇൻഫ്ലമേറ്ററി ഗുണങ്ങള്‍ അടങ്ങിയ മഞ്ഞള്‍ സന്ധിവാതത്തിന്‍റെ ലക്ഷണങ്ങളില്‍ നിന്നും ആശ്വാസം ലഭിക്കാന്‍ സഹായിക്കും.

ഇ‍ഞ്ചി

ആന്‍റി-ഇൻഫ്ലമേറ്ററി ഗുണങ്ങള്‍ അടങ്ങിയ ഇഞ്ചിയും സന്ധിവാതമുള്ളവര്‍ ഡയറ്റില്‍ ഉള്‍പ്പെടുത്തുന്നത് നല്ലതാണ്.

വെളുത്തുള്ളി

വെളുത്തുള്ളിയിലെ സള്‍ഫറും സന്ധിവാതത്തോട്‌ പൊരുതാന്‍ സഹായിക്കും.

നട്സും സീഡുകളും

ഒമേഗ 3 ഫാറ്റി ആസിഡും ആന്‍റി ഓക്സിഡന്‍റുകളും അടങ്ങിയ വാള്‍നട്സ്, ബദാം, ചിയ സീഡുകള്‍ തുടങ്ങിയവ ഡയറ്റില്‍ ഉള്‍പ്പെടുത്തുന്നതും സന്ധിവാതമുള്ളവര്‍ക്ക് നല്ലതാണ്.

ആർത്രൈറ്റിസ് രോഗികള്‍ ഡയറ്റില്‍ നിന്നും ഒഴിവാക്കേണ്ട ചില ഭക്ഷണങ്ങള്‍:

റെഡ് മീറ്റ്, പഞ്ചസാരയും ഉപ്പും അമിതമായ അടങ്ങിയ ഭക്ഷണങ്ങള്‍, സംസ്കരിച്ച ഭക്ഷണങ്ങള്‍ തുടങ്ങിയവ സന്ധിവാതമുള്ളവര്‍ ഡയറ്റില്‍ നിന്നും ഒഴിവാക്കുന്നതാകും നല്ലത്.

News@Net | www.newsatnet.com

ബ്രൂക്ക് എക്‌സലൻസ് പുരസ്‌കാര സമർപ്പണവും പൂർവ്വവിദ്യാർത്ഥികൾക്ക് ആദരവും

കൊല്ലം–തേനി ദേശീയപാത (NH-183) വികസനത്തിൽ നിർണായകമായ പുരോഗതി

നിരവധി കേസുകളിൽ പ്രതിയായ കുറ്റവാളിയെ കാപ്പ ചുമത്തി കരുതൽ തടങ്കലിൽ അടച്ചു

ഒരു കോടി സമ്മാനമടിച്ച ലോട്ടറി ടിക്കറ്റ് തട്ടിയെടുത്തു, സംഘത്തിലെ ഒരാൾ പിടിയിൽ

508 കിലോമീറ്റർ താണ്ടാൻ വേണ്ടത് വെറും 2 മണിക്കൂർ, സ്വപ്ന പദ്ധതി കാത്തിരിപ്പിന് നീളം…

സിഇഓയെ മാറ്റാനും കനത്ത പിഴ ചുമത്താനും ഡിജിസിഎ റിപ്പോർട്ടിൽ നിർദേശം; ഇൻഡിഗോയ്ക്കെതിരെ കടുത്ത നടപടിക്ക്…

വിഴിഞ്ഞം തുറമുഖത്തിൻ്റെ രണ്ടാം ഘട്ട നിർമ്മാണം ജനുവരി മുതൽ, നികുതി ഇതുവരെ 97 കോടി

ബി എൻ ഐ മജസ്റ്റിക് ദ ഗ്രാൻഡ് ബിസിനസ് എക്സ്പോ തിരുവനന്തപുരത്ത് ഡിസംബർ 6…

‘ഇവിടെ ഉനി ഒരു തുള്ളി റഷ്യൻ വേണ്ട ‘, റിലയൻസിന്റെ യുടേൺ; യുഎസ് ഉപരോധത്തിന്…

സർപ്രൈസ് എൻട്രി… ആയുഷ് ബദോനി ഇന്ത്യൻ ടീമിൽ

നിശാ ക്ലബില്‍ കയറി മദ്യപിച്ച് പ്രശ്‌നങ്ങള്‍ സൃഷ്ടിച്ചു… ബ്രൂക്കിന്റെ ക്യാപ്റ്റൻ സ്ഥാനം തെറിക്കുമോ?

മുൻ കേന്ദ്രമന്ത്രിയും മുതിർന്ന കോൺഗ്രസ് നേതാവുമായ സുരേഷ് കൽമാഡി അന്തരിച്ചു; സംസ്കാരം ഇന്ന് വൈകുന്നേരം…

അഡ്രിയാൻ ലൂണ കേരളാ ബ്ലാസ്‌റ്റേഴ്‌സ് വിട്ടു; ലോണിൽ വിദേശ ക്ലബിലേക്ക്

‘അന്വേഷ’ യുടെ വിക്ഷേപണം നാളെ

ഇൻസ്റ്റഗ്രാമിൽ 1.75 കോടി ഉപയോക്താക്കളുടെ വിവരങ്ങൾ വില്‍പ്പനക്കുവച്ചിരിക്കുന്നു

വീണ്ടും ആകാശ വിപ്ലവം തീർത്ത്ചരിത്രം കുറിച്ച് ഐഎസ്ആർഒ

ഐക്യൂഒഒ 15 നാളെ ഇന്ത്യന്‍ വിപണിയില്‍

ഐക്യൂഒഒ 15 നവംബർ 26ന് ഇന്ത്യൻ വിപണിയിൽ അവതരിപ്പിക്കും

അഞ്ച് മിനിറ്റില്‍ ഫുള്‍ ചാര്‍ജ് ആകും… മൂവായിരം കിലോമീറ്റര്‍ റേഞ്ച് ലഭിക്കും… വാവെയ് ഇലക്ട്രിക്…

കാറുകൾ കൂട്ടിയിടിപ്പിച്ച് പരീക്ഷണം: സിയറ എസ് യുവിയുടെ സുരക്ഷയുടെ കാര്യത്തില്‍ വിട്ടു വീഴ്ചയില്ല

XUV700, പുതിയ രൂപഭാവങ്ങളോടെയും പുതിയ സവിശേഷതകളോടെയും ഉടൻ തന്നെ ഇന്ത്യൻ വിപണിയിൽ

ആറ് വ്യത്യസ്ത നിറങ്ങളില്‍ മഹീന്ദ്ര ആന്‍ഡ് മഹീന്ദ്ര പുതിയ ഥാറിന്റെ ഫേസ്-ലിഫ്റ്റ് മോഡല്‍

എസ്‌യുവി പ്രേമികള്‍ക്കൊരു സന്തോഷ വാര്‍ത്തയായി ഡസ്റ്ററിന്റെ തിരിച്ചു വരവ്

കെ സി സി പാറശാല അസംബ്ലിയുടെ പുതുവത്സരാഘോഷം നാളെ വെള്ളറടയിൽ

കടല് കാക്കാം, ഒപ്പം പഠനവും, ശമ്പളം 56,100 രൂപ, ആനുകൂല്യങ്ങൾ; നേവിയിൽ 10+2 (ബിടെക്)…

വിറ്റാമിന്‍ ഡിയുടെ കുറവ്; അവഗണിക്കാന്‍ പാടില്ലാത്ത ലക്ഷണങ്ങള്‍

ഒടുവില്‍ അതു സംഭവിച്ചു, ചെമ്പില്‍ ചതുപ്പ് കാട്ടുപന്നിത്താവളമായി, ആശങ്കയില്‍ നാട്ടുകാര്‍ വിഡിയോ ദൃശ്യം

കുന്നിന്‍മുകളില്‍നിന്നും താഴേക്ക് വീണ് ആനയ്ക്ക് ദാരുണാന്ത്യം ,നടുങ്ങുന്ന വിഡിയോ

ഒരു ഓഫറും പ്രഖ്യാപിക്കാതെ കടയിലേക്ക് ആള്‍ പാഞ്ഞുകയറിയത് കണ്ടോ,വിഡിയോ

സനാതന ധർമ്മ വിവാദം,മുഖ്യമന്ത്രിക്കെതിരെ ബിജെപി

യുവാവിനെ കൊലപ്പെടുത്താൽ ശ്രമിച്ച കേസിലെ പ്രതിയെ അറസ്റ്റ് ചെയ്തു

വാഹന നിര്‍മ്മാതാക്കളായ ലോഹിയ ഓട്ടോ പുതിയ ഇവി ബ്രാന്‍ഡ് പുറത്തിറക്കുന്നു

ഹോണ്ടയും നിസാനും ഒന്നിക്കുന്നു…കൊ ബ്രാന്‍ഡഡ് വാഹനങ്ങള്‍ പുറത്തിറക്കാന്‍ ആലോചന

സ്‌നേഹത്തിന്റെ സന്ദേശം നൽകി ആക്ട്‌സ്- ശാന്തിഗിരി പീസ് കാർണിവലിന് സമാപനം

യുവജനങ്ങള്‍ക്ക് കൂടുതല്‍ പ്രാധാന്യം നല്‍കി തിരുവനന്തപുരത്ത് സിപിഐഎമ്മിന്റെ പുതിയ ജില്ലാ കമ്മിറ്റി

മുഖ്യമന്ത്രിക്കെതിരെ വിമർശനവുമായി സിപിഐ

മലയാളി യുവാവിനെ കാനഡയില്‍ മരിച്ച നിലയില്‍ കണ്ടെത്തി

ശൂരനാട് വടക്ക് വയ്യാങ്കരയിൽ ഭിന്നശേഷിക്കാരനായ യുവാവിനെ ആൾക്കൂട്ടം ആക്രമിച്ചതായി പരാതി

ആർത്രൈറ്റിസ് രോഗികള്‍ കഴിക്കേണ്ടതും ഒഴിവാക്കേണ്ടതുമായ ഭക്ഷണങ്ങള്‍