പ്രസാർ ഭാരതിയിൽ 14 ക്യാമറ അസിസ്റ്റന്റ് ഒഴിവുകൾ

January 1, 2025

പ്രസാർ ഭാരതിയിൽ ക്യാമറ അസിസ്റ്റന്റ് തസ്തികയിൽ 14 ഒഴിവുകൾ ഉണ്ട്.▪️ഡിഡി ന്യൂസ്,
▪️ഡിഡി ഇന്ത്യ എന്നീ ചാനലുകളിലേക്കാണ് നിയമനം.ശമ്പളം: മാസം 35,000 രൂപ

യോഗ്യത: പ്ലസ്‌ടു പാസായവർക്ക് അപേക്ഷിക്കാം. കൂടാതെ, പ്രൊഡക്ഷൻ ഹൗസിൽ ജിമ്മി ജിബ് ഓപ്പറേഷനിൽ കുറഞ്ഞത് അഞ്ച് വർഷത്തെ പ്രവർത്തി പരിചയം ആവശ്യമാണ്.
പ്രായം: 40 വയസ്സിന് താഴെ
അപേക്ഷ: https://prasarbharati.gov.in എന്ന വെബ്സൈറ്റ് സന്ദർശിച്ച് ഓൺലൈനായി അപേക്ഷിക്കുക.

പുതുവല്‍സരാഘോഷത്തിന് ടച്ചിംങ്സ് എസ്ഐയുടെ കൈയ്

January 1, 2025

തിരുവനന്തപുരം. പുതുവത്സര ആഘോഷത്തിനിടയിൽ എസ്.ഐയുടെ കൈ കടിച്ചു മുറിച്ചു. പ്രതി പിടിയിൽ. കന്റോൺമെന്റ് സ്റ്റേഷനിലെ എസ്.ഐയെയാണ് ആക്രമിച്ചത്. വിളപ്പിൽ സ്വദേശി റിജു മാത്യു ആണ് പിടിയിലായത്. ഇന്ന് പുലർച്ചെ മൂന്ന് മണിക്കായിരുന്നു സംഭവം. പാളയത്തു നാട്ടുകാരുമായി റിജു മാത്യു പ്രശ്നമുണ്ടാക്കിയിരുന്നു

വിവരമറിഞ്ഞു അന്വേഷിക്കാൻ എത്തിയ പോലീസ് സംഘത്തെയാണ് ആക്രമിച്ചത്. ഗുരുതരമായി പരിക്കേറ്റ എസ്.ഐ പ്രസൂൺ നമ്പി എസ്.പി ഫോർട്ട്‌ ആശുപത്രിയിൽ ചികിത്സയിലാണ്

കഠിനംകുളത്ത് യുവാക്കൾക്ക് നേരെ സ്റ്റേഷൻ റൗഡിയുടെ നേതൃത്വത്തിൽ ആക്രമണം

January 1, 2025

തിരുവനന്തപുരം.കഠിനംകുളത്ത് യുവാക്കൾക്ക് നേരെ സ്റ്റേഷൻ റൗഡിയുടെ നേതൃത്വത്തിൽ ആക്രമണം. ആക്രമണത്തിൽ മൂന്നു പേർക്ക് പരിക്ക്. പ്രതിയെ പിടികൂടാനെത്തിയ പോലീസിനെ സ്ത്രീകൾ തടഞ്ഞ് വച്ചു. അക്രമികളിൽ ഒരാൾ അറസ്റ്റിൽ. പ്രതിയെ രക്ഷപ്പെടുത്തിയ മൂന്ന് സ്ത്രീകളെ കസ്റ്റഡിയിലെടുത്തു വിട്ടയച്ചു.കഠിനംകുളം സ്റ്റേഷൻ റൗഡിയായ വിപിൻ (27), സഞ്ജയ് (20), പ്രകാശ് (22) എന്നിവരാണ് ആക്രമണം നടത്തിയത്

ഉച്ചയോടെ ശാന്തിപുരത്താണ് സംഭവം. ശാന്തിപുരം സ്വദേശികളായ ആഷിക്, അഭിജിത്, സ്റ്റാമിൻ സ്റ്റാലിൻ എന്നിവർക്കാണ് പരിക്കേറ്റത്.ആഷികിന് തലയിലും, അഭിജിതിന് കൈയിലും സ്റ്റാമിൻ സ്റ്റാലിന് കഴുത്തിലുമാണ് പരിക്ക്.ആരുടെയും പരിക്ക് ഗുരുതരമല്ല.തുറിച്ചു നോക്കി എന്നാരോപിച്ചാണ് ആക്രമണം നടത്തിയത്

മത്സ്യത്തൊഴിലാളിയെ മരിച്ച നിലയിൽ കണ്ടെത്തി,കൊലപാതകമെന്ന് സംശയം

January 1, 2025

പൂവാര്‍. മത്സ്യത്തൊഴിലാളിയെ മരിച്ച നിലയിൽ കണ്ടെത്തി. പുതിയതുറ ആറ്റ് ലെയിൻ ഹൗസിൽ ജോസ് (42) നെയാണ് മരിച്ച നിലയിൽ കണ്ടെത്തിയത്. കൊലപാതകം എന്ന് സംശയം. മുഖത്തും, നെഞ്ചിലും മുറിവേറ്റതിന്റെ പാടുകളുണ്ട്

ജോസ് താമസിക്കുന്ന വാടക വീടിനു സമീപത്താണ് മൃതദേഹം കണ്ടത്. രാവിലെ പരിസരത്തുള്ളവരാണ് ജോസിന്റെ മൃതദേഹം കണ്ടത്

കള്ളന്‍ ട്രയിനില്‍തന്നെ

January 1, 2025

ചെന്നൈ.യാത്രക്കാരുടെ ബാഗുകൾ മോഷ്ടിക്കുന്ന റെയിൽവേ ജീവനക്കാരൻ പിടിയിൽ. റെയിൽവേ മെക്കാനിക്ക് ജീവനക്കാരൻ സെന്തിൽ കുമാറാണ് പിടിയിലായത്. കഴിഞ്ഞ ആറ് വർഷമായി ഇയാൾ യാത്രക്കാരിൽ നിന്ന് ബാഗുകൾ മോഷ്ടിക്കുന്നുണ്ട്

ഇയാളുടെ മുറിയിൽ നിന്ന് കണ്ടെത്തിയത് ഇരുന്നൂറിലധികം ബാഗുകൾ. 30 പവൻ സ്വർണവും 30 ഫോണും 9 ലാപ്ടോപ്പും 2 ഐപാഡും കണ്ടെത്തി. മധുരൈ, കാരൂർ, വിരുദാചലം , ഈറോഡ് സ്റ്റേഷനുകളിൽ നിന്ന് ഇയാൾ മോഷണം നടത്തിയിട്ടുണ്ട്. പ്രതിയെ കുടുക്കിയത് സിസിടിവി ദൃശ്യങ്ങൾ

നരിയാപുരത്ത് വാഹനാപകടം,യുവാവിന് ദാരുണാന്ത്യം

January 1, 2025

പത്തനംതിട്ട. നരിയാപുരത്ത് വാഹനാപകടം.യുവാവിന് ദാരുണാന്ത്യം.ബൈക്ക് യാത്രികനായിരുന്ന അഖിൽ കൃഷ്ണൻ ആണ് മരിച്ചത്. എതിർ ദിശയിൽ നിന്നും വന്ന പാർസൽവാൻ ഇടിക്കുകയായിരുന്നു. അഖിലിന്റെ ഭാര്യ ഐശ്വര്യയും കുഞ്ഞും പരിക്കുകളോടെ ചികിത്സയിലാ് ഐശ്വര്യക്ക് പരുക്ക് ഗുരുതരമാണ്.

കുഴൽക്കിണറിൽ വീണ മൂന്ന് വയസ്സുകാരിയെ പുറത്തെത്തിച്ചു

January 1, 2025

ജയ്പൂര്‍.കുഴൽക്കിണറിൽ വീണ മൂന്ന് വയസ്സുകാരിയെ പുറത്തെത്തിച്ചു. രാജസ്ഥാനിൽ കുഴൽക്കിണർ വീണ മൂന്നു വയസ്സുകാരിയെ പുറത്തെത്തിച്ചു. 10 ദിവസം നീണ്ട രക്ഷാപ്രവർത്തനത്തിന് ഒടുവിലാണ് പുറത്തെത്തിച്ചത്. കുട്ടിയെ ആശുപത്രിയിലേക്ക് മാറ്റി

കൊട്ടാരക്കരയില്‍ വീട്ടമ്മ പാമ്പ് കടിയേറ്റ് മരിച്ചു

January 1, 2025

കൊട്ടാരക്കര. അമ്പലപ്പുറത്ത് വീട്ടമ്മ പാമ്പ് കടിയേറ്റ് മരിച്ചു. രാജേഷ് ഭവനിൽ ശാന്തമ്മ(52) യാണ് മരിച്ചത്. ഇന്ന് ഉച്ചയ്ക്ക് രണ്ട് മണിയോടെ ശാന്തമ്മ വിറക് ശേഖരിക്കാനായി സമീപത്തെ പറമ്പിലേക്ക് പോകും വഴിയാണ് പാമ്പ് കടി ഏറ്റത്. നാട്ടുകാർ ശാന്തമ്മയെ കൊട്ടാരക്കര താലൂക്ക് ആശുപത്രിയിൽ എത്തിച്ചു വെങ്കിലും ജീവൻ രക്ഷിക്കാനായില്ല. സമീപത്ത് കാട് മൂടിയ പ്രദേശത്ത് ഇഴജന്തുക്കളുടെ ശല്യം രൂക്ഷമാണെന്ന് നാട്ടുകാർ പറയുന്നു.ശാന്തമ്മ മൂത്തമകനും,മരുമകളും, കുട്ടിയും അടങ്ങുന്ന കുടുംബത്തിലാണ് താമസിച്ചു വന്നിരുന്നത്. കാലിന്റെ തള്ളവിരലിലാണ് പാമ്പ് കടിയേറ്റത്.മൃതദേഹം കൊട്ടാരക്കര താലൂക്കാശുപത്രി മോർച്ചറിയിൽ സൂക്ഷിച്ചിരിക്കുകയാണ്.

എംടി അനുസ്മരണം

January 1, 2025

പന്മന. ശ്രീശങ്കരാചാര്യ സംസ്കൃത സർവകലാശാലയുടെയും എസ്.ബി.വി.എസ്.ഗവ.സെക്കൻ്ററി സ്കൂളിൻ്റെയും സംയുക്താഭിമുഖ്യത്തിൽ എം.ടി. അനുസ്മരണം നടത്തി. ക്യാമ്പസ് ഡയറക്ടർ എസ്.മഹേശ്വരി പിള്ള അധ്യക്ഷത വഹിച്ച യോഗത്തിൽ ഡോ.കെ.ബി.ശെൽവമണി സ്വാഗതം പറഞ്ഞു. ഡോ.സി.ഉണ്ണികൃഷ്ണൻ, ജയചിത്ര ഐ, പന്മന ബാലകൃഷ്ണൻ, പ്രസാദ് വി എന്നിവർ അനുസ്മരണ പ്രഭാഷണം നടത്തി. മുഹിമിന ഷെരീഫ് നന്ദി രേഖപ്പെടുത്തി. ഉച്ചകഴിഞ്ഞ് എം.ടിയുടെ സിനിമകളുടെ പ്രദർശനവും ചർച്ചയും നടന്നു.

ചിത്തിരവിലാസം സ്കൂളിൽ എം ടി വാസുദേവൻ നായർ അനുസ്മരണം

January 1, 2025

മൈനാഗപ്പള്ളി: മൈനാഗപ്പള്ളി ശ്രീചിത്തിരവിലാസം യുപി സ്കൂളിൽ വിദ്യാരംഗം കലാ സാഹിത്യ വേദിയുടെ ആഭിമുഖ്യത്തിൽ എം ടി വാസുദേവൻ നായർ അനുസ്മരണം സംഘടിപ്പിച്ചു… മാന്ത്രികസ്പർശമുള്ള ഭാവനകൊണ്ടും തൂലികകൊണ്ടും മലയാളത്തിന്റെ തലമുറകളെ വസന്തമനുഭവിപ്പിച്ച സാഹിത്യകാരനായിരുന്നു എം.ടി. യെന്ന് അനുസ്മരണ സമ്മേളനം ഉദ്ഘാടനം ചെയ്തുകൊണ്ട് മാധ്യമപ്രവർത്തകനും പ്രഭാഷകനുമായപി.കെ.അനിൽകുമാർ പറഞ്ഞു..
വിദ്യാരംഗം ചവറ ഉപജില്ലാ കോഡിനേറ്റർ രാജ് ലാൽതോട്ടുവാൽ അനുസ്മരണ പ്രഭാഷണം നടത്തി. സ്കൂൾ പ്രഥമാധ്യാപിക എസ് ജയലക്ഷ്മി അധ്യക്ഷത വഹിച്ചു. മാനേജർ കല്ലട ഗിരീഷ്, ബി എസ് സൈജു, ഉണ്ണി ഇലവിനാൽ, ലീന, ദേവലാൽ, സുനീഷ്, സജാദ്, അനന്തകൃഷ്ണൻ, പ്രിതാദേവി, അപർണ എന്നിവർ സംസാരിച്ചു

.