ശാസ്താംകോട്ട:ദേശീയ കർഷക തൊഴിലാളി ഫെഡറേഷൻ (ഡികെറ്റിഎഫ്) ജില്ലാ കമ്മിറ്റിയുടെ നേതൃത്വത്തിൽ സംഘടിപ്പിക്കുന്ന ഏകദിന പഠന ക്യാമ്പ് ശനിയാഴ്ച ഭരണിക്കാവ് പണിക്കത്ത് ആഡിറ്റോറിയത്തിൽ നടക്കുമെന്ന് സ്വാഗത സംഘം ചെയർമാൻ പി.ശിവാനന്ദൻ, ജനറൽ കൺവീനർമാരായ ആർ.ഡി പ്രകാശ്,പോരുവഴി ജലീൽ,ജോ.കൺവീനർമാരായ കെ.ആനന്ദൻ,സലീം എന്നിവർ അറിയിച്ചു.രാവിലെ 9.30ന് കൊടിക്കുന്നിൽ സുരേഷ് എം.പി ഉദ്ഘാടനം ചെയ്യും.

ജില്ലാതല അംഗത്വ വിതരണം സംസ്ഥാന പ്രസിഡൻ്റ് യു.വി ദിനേശ് മണി നിർവഹിക്കും.കെപിസിസി രാഷ്ട്രീയകാര്യ അംഗം ഡോ.ശൂരനാട് രാജശേഖരൻ മുഖ്യപ്രഭാഷണം നടത്തും.11.30 ന് ഇന്ത്യൻ നാഷണൽ കോൺഗ്രസും ഡികെറ്റിഎഫും എന്ന വിഷയത്തിൽ നടക്കുന്ന സെമിനാർ ഡിസിസി പ്രസിഡൻ്റ് പി.രാജേന്ദ്രപ്രസാദ് ഉദ്ഘാടനം ചെയ്യും.കെപിസിസി ജനറൽ സെക്രട്ടറി എം.എം നസീർ ക്ലാസ് നയിക്കും.ഉച്ചയ്ക്ക് 2 ന് കർഷക തൊഴിലാളി ക്ഷേമനിധി നിയമവും ആനുകൂല്യങ്ങളും എന്ന വിഷയത്തിൽ നടക്കുന്ന സെമിനാർ കെപിസിസി ജനറൽ സെക്രട്ടറി പഴകുളം മധു ഉദ്ഘാടനം ചെയ്യും.സംസ്ഥാന ജനറൽ സെക്രട്ടറി ടി.എം സന്തോഷ് ക്ലാസ് നയിക്കും.വൈകിട്ട് സമാപന സമ്മേളനം സി.ആർ മഹേഷ് എംഎൽഎ ഉദ്ഘാടനം ചെയ്യും.കെപിസിസി രാഷ്ട്രീയകാര്യ അംഗം അഡ്വ.ബിന്ദു കൃഷ്ണ മുഖ്യപ്രഭാഷണം നടത്തും

ശാസ്താംകോട്ട: തടാക തീരത്ത് നിന്ന് മണ്ണെടുക്കാൻഒത്താശ ചെയ്തിട്ട് മണ്ണെടുക്കാൻ അനുവദിക്കില്ലന്ന എൽ.ഡി.എഫ് പടിഞാറെ കല്ലടപഞ്ചായത്ത് അംഗങ്ങളുടെ പ്രസ്താവന അഴിമതി മൂടി വെയ്ക്കാനും ജനങ്ങളെ കബളിപ്പിക്കാനും പഞ്ചായത്ത് പ്രസിഡന്റിനെ വെള്ളപൂശാനുമാണന്ന് യു.ഡി.എഫ് പാർലമെന്ററി പാർട്ടി യോഗം പ്രസ്താവിച്ചു. പഞ്ചായത്ത് നൽകിയപെർമിറ്റും 17031 മെട്രിക്ക് ടെൺമണ്ണ് നീക്കം ചെയ്യണമെന്ന് പഞ്ചായത്ത് നൽകിയ ശുപാർശയും പരിഗണിച്ചാണ് ഖനനത്തിന് അനുമതി നൽകിയതെന്ന ജില്ലാ ജിയോളജിസ്റ്റാണ് വെളിപ്പെടുത്തിയത്.കളക്ടറുടെനിരോധന ഉത്തരവ് നിലനിൽക്കവെ ഇത്തരം ഒരുശുപാർശപഞ്ചായത്തിന് എങ്ങനെ നൽകാൻ കഴിയും. 20.9 ആർ സ്ഥലത്ത് നിന്ന് 17031 മെട്രിക്ക് ടെൺമണ്ണ് എങ്ങനെകുഴിച്ചെടുക്കും.അഗാധ ഗർത്തമായി മാറുന്ന സ്ഥലത്ത്പിന്നീട് എങ്ങനെവീട് വെയ്ക്കും. വീട് വെയ്ക്കാനുള്ള പെർമിറ്റ് ഖനനത്തിനുള്ള ഒരു മറവ് മാത്രമാണ്. ഇത് സംബന്ധിച്ച് സമഗ്രമായ വിജിലൻസ് അന്വേഷണം ആവശ്യപെട്ട് ശക്തമായ മൂന്നാംഘട്ട സമരം ആരംഭിക്കുവാനും യു.ഡി.എഫ് പാർലമെന്ററി പാർട്ടി യോഗം തീരുമാനിച്ചു. കോൺഗ്രസ്സ്ബ്ലോക്ക് പ്രസിഡന്റും ബ്ലോക്ക് പഞ്ചായത്ത് അംഗവുമായ വൈ.ഷാജഹാൻ ഉദ്ഘാടനം ചെയ്തു. പാർലമെന്ററി പാർട്ടി ലീഡർ അഡ്വ.ബി. ത്രിദീപ്കുമാർഅദ്ധ്യക്ഷത വഹിച്ചു. ഗ്രാമപഞ്ചായത്ത് അംഗങ്ങളായ എൻ.ശിവാനന്ദൻ ,
ആർ.റജ്‌ല, ലൈലാസമദ്തുടങ്ങിയവർ പങ്കെടുത്തു.