ഭരണിക്കാവ് :ദേശീയ കർഷക തൊഴിലാളി ഫെഡറേഷൻ ഡി.കെ.ടി.എഫ് കൊല്ലം ജില്ലാ ക്യാമ്പ് ഭരണിക്കാവ് ടി.നാണു മാസ്റ്റർ നഗറിൽ (പണിക്കത്ത് ഓഡിറ്റോറിയം)ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു കൊടിക്കുന്നിൽ.കാർഷിക മേഖലയുടെ തകർച്ചയ്ക്കൊപ്പം കർഷക തൊഴിലാളികളുടെ ജീവിതവും ദുരിത പൂർണമാവുകയാണ്.ഗവൺമെൻറ് നൽകേണ്ട ആനുകൂല്യങ്ങൾ നൽകുവാൻ തയ്യാറാവുന്നില്ല.കർഷക തൊഴിലാളി ക്ഷേമനിധി ബോർഡ് വെറും നോക്കുകുത്തി ആയി നിൽക്കുന്ന അവസ്ഥയാണ് .ക്ഷേമനിധി ബോർഡ് വഴി നൽകേണ്ട അധിവർഷ ആനുകൂല്യം അടക്കം നിഷേധിക്കുന്ന അവസ്ഥയാണ്.അടിയന്തിരമായി ഇതിന് പരിഹാരം ഉണ്ടാക്കുവാൻ ഗവൺമെൻറ് തയ്യാറാവണം.ഇല്ലായെങ്കിൽ കർഷകത്തൊഴിലാളികൾ ആരംഭിക്കുന്ന സമരത്തിന് കോൺഗ്രസ് പാർട്ടി ശക്തമായ പിന്തുണ നൽകുമെന്ന് അദ്ദേഹം പറഞ്ഞു.
.ജില്ലാ പ്രസിഡൻറ് പി ശിവാനന്ദൻ അധ്യക്ഷത വഹിച്ചു.ഡിസിസി പ്രസിഡണ്ട് പി രാജേന്ദ്രപ്രസാദ് മുഖ്യപ്രഭാഷണം നടത്തി.ഡി കെ ടി എഫ് സംസ്ഥാന പ്രസിഡൻറ് യു വി ദിനേശ് മണി മെമ്പർഷിപ്പ് വിതരണ ഉദ്ഘാടനം നിർവഹിച്ചു.സമാപന സമ്മേളനം സി.ആർ. മഹേഷ് എംഎൽഎ ഉദ്ഘാടനം ചെയ്തു.

     വിവിധസെമിനാറുകളിലും യോഗങ്ങളിലും യുഡിഎഫ് ജില്ലാ ചെയർമാൻ കെ സി രാജൻ,കെപിസിസി സെക്രട്ടറി സൂരജ് രവി ,എംവി ശശികുമാരൻ നായർ , പോരുവഴി ജലീൽ , ആർ ഡി പ്രകാശ്,പി.നൂറുദ്ദീൻ കുട്ടി,പി കെ രവി ,എസ് ഇ.സഞ്ജയ് ഖാൻ ,രമാ ഗോപാലകൃഷ്ണൻ ,ഗോകുലം അനിൽ,വൈ ഷാജഹാൻ, കാരക്കാട്ട് അനിൽ,വടക്കേവിള ശശി,അരീക്കൽ പ്രദീപ്,ടി എം സന്തോഷ്,ബിനു കോശി ,മനോഹരൻ നായർ ,കല്ലടിക്കൽ ബഷീർ,ബി പ്രേംകുമാർ , കെ. ആനന്ദൻ .കുണ്ടറ സുബ്രഹ്മണ്യം ,ടി. ശിവാനന്ദൻ ,വടക്കതിൽ നാസർ,സീതാഗോപാൽ, പ്രശാന്തൻ ഉണ്ണിത്താൻ, കരിക്കോട് ഷറഫ്,ആദിക്കാട്ട് രവീന്ദ്രൻ പിള്ള , സജീന്ദ്രൻ ശൂരനാട് , ഡി പ്രിൻസ് ,ജി ആർ നരേന്ദ്രനാഥ്, ഡി വിജയൻ ,അർത്തിയിൽഅൻസാരി,പത്മസുന്ദരം പിള്ള ,പെരുവേലിക്കര ഗോപകുമാർ , ചക്കുവള്ളി നസീർ , അനിൽ പനപ്പെട്ടി ,അമ്പലത്തും ഭാഗം രാജൻ,കളിയിക്കൽ ശ്രീകുമാരി , ബേബി ജസ്ന ,ഗണേശൻ നായർ , സലിംപതാരം, ജി കാർത്തികേയൻ ,ജലീൽ പള്ളിയാടി ഡി ബാബുരാജൻ ,ബഷീർ വരിക്കോലിൽ,തുടങ്ങിയവർ സംസാരിച്ചു.

ശാസ്താംകോട്ട . പട്ടികജാതി ക്ഷേമസമിതി ജില്ലാ പഠനക്ലാസ് മുതുപിലാക്കാട് ഡോ സി ടി ഈപ്പൻ മെമ്മോറിയൽ സ്കൂളിൽ നടന്നു. സംസ്ഥാന കമ്മിറ്റി അംഗം അഡ്വ സി ടി വിനോദ് ഉദ്ഘാടനം ചെയ്തു. ജില്ലാ പ്രസിഡൻ്റ് ഡി ജയകുമാർ അധ്യക്ഷതവഹിച്ചു. ജില്ലാ ആക്ടിംഗ് സെക്രട്ടറി ടി ഗോപാലകൃഷ്ണൻ സ്വാഗതം പറഞ്ഞു. സംസ്ഥാന സെക്രട്ടറി കെ സോമപ്രസാദ്, റിട്ട. പിഎസ് സി ഡെപ്യൂട്ടി സെക്രട്ടറിമാരായ ബി ജയകുമാർ,ജി സനൽ എന്നിവർ വിവിധവിഷങ്ങളിൽ ക്ലാസ്സെടുത്തു. സംസ്ഥാന കമ്മിറ്റി അംഗങ്ങളായ എൻ ഓമന, സന്തോഷ് മതിര എന്നിവർ വിവിധ സെക്ഷനുകൾക്ക് അധ്യക്ഷത വഹിച്ചു. ജില്ലാ സെക്രട്ടറി ജി സുന്ദരേശൻ പ്രവർത്തന പരിപാടികൾ അവതരിപ്പിച്ചു.
കുന്നത്തൂർ ഏരിയ സെക്രട്ടറി ഷിബു ഗോപാൽ നന്ദി പറഞ്ഞു.

ശാസ്താംകോട്ട : രാജഗിരി ബ്രൂക്ക് ഇൻ്റർനാഷണൽ സ്കൂൾ കേരളത്തിന്റെ

സാമൂഹിക, സാമ്പത്തിക, സാംസ്കാരിക മണ്ഡലത്തിൽ സ്വാധീനം ചെലുത്തിയവർക്കായി നൽകുന്ന ബ്രൂക്ക് എക്‌സലൻസ് അവാർഡ് BIMSTEC ഡയറക്ടറും പ്രശസ്ത നയതന്ത്രജ്ഞനും സാമ്പത്തിക വിദഗ്‌ധനും വിദ്യാഭ്യാസ വിചക്ഷണനും സാമൂഹിക പ്രവർത്തകനുമായ  പ്രശാന്ത് ചന്ദ്രൻ IES ന് സമ്മാനിച്ചു. പുരസ്കാരം. 50001 രൂപയും പ്രശസ്തിപ്രതവും ഫലകവുമടങ്ങിയതാണ്

ബ്രൂക്കിൻ്റെ വാർഷികദിനത്തോടനു ബന്ധിച്ച് ബ്രൂക്ക് ഡയറക്ടർ റവ.ഫാദർ. ഡോ. ജി. എബ്രഹാം തലോത്തിൽ ആണ് പുരസ്‌കാര സമർപ്പണം നടത്തിയത്. തനിക്ക് ലഭിച്ച പുരസ്‌കാരത്തുക ബ്രൂക്കിൻ്റെ ചാരിറ്റി പ്രവർത്തനങ്ങൾക്കായി സമർപ്പിക്കുകയായിരുന്നു അദ്ദേഹം .

പ്രശാന്ത് ചന്ദ്രൻ പാസ്പോർട്ട് ഓഫിസറായും കേന്ദ്രസർക്കാരിന്റെ കൃഷി വികസന ക്ഷേമ ബോർഡിൻ്റെ ഡയറക്ടറായും തുറമുഖമന്ത്രാലയത്തിലെ, തുറമുഖ – കപ്പൽ – ജലപാത ഡെപ്യൂട്ടി ഡയറക്ടറായും, കേരളയൂണിവേഴ്സിറ്റി അസി: പ്രൊഫസറായും സ്തുത്യർഹ സേവനം അനുഷ്ഠിച്ചിട്ടുണ്ട്.

പി. വിജയൻ ഐ. പി. എസ്, ഡോ. സഞ്ജയ് രാജു, സംവിധായകൻ ബ്ലെസി, മാന്ത്രികൻ ഗോപിനാഥ് മുതുകാട് എന്നിവരാണ് മുൻ വർഷങ്ങളിൽ ബ്രൂക്ക് എക്സ‌ലൻസ് അവാർഡിന് അർഹരായിരുന്നത്.

പടിഞ്ഞാറേ കല്ലട. യുഡിഎഫ് പഞ്ചായത്ത് ഭരണസമിതി അംഗങ്ങൾ പഞ്ചായത്ത് കമ്മിറ്റി ബഹിഷ്കരിച്ച് പഞ്ചായത്തിന് മുന്നിൽ ഇരുന്ന് പ്രതിഷേധിച്ചു. പടിഞ്ഞാറേ കല്ലട കടപുഴ ആറാം വാർഡിൽ പഞ്ചായത്ത് ബിൽഡിംഗ് പെർമിറ്റ് നൽകിയ സ്ഥലത്തുനിന്നും 17031മെ.ടൺ മണ്ണ് നീക്കം ചെയ്യാൻ പഞ്ചായത്ത് സെക്രട്ടറി നൽകിയ ശുപാർശയുടെ അടിസ്ഥാനത്തിൽ ജിയോളജി പാസ് നൽകിയ സംഭവം പഞ്ചായത്ത് കമ്മിറ്റിയുടെ അജണ്ടയിൽ ഉൾപ്പെടുത്താത്തതിൽ പ്രതിഷേധിച്ച് യുഡിഎഫ് പഞ്ചായത്ത് മെമ്പർമാർ പഞ്ചായത്ത് കമ്മിറ്റി ബഹിഷ്കരിച്ച് പഞ്ചായത്തിന് മുന്നി ൽ ഇരുന്ന് പ്രതിഷേധിച്ചു. ഈ സംഭവത്തിൽ പ്രത്യേക പഞ്ചായത്ത് കമ്മിറ്റി വിളിച്ചു കൂട്ടണമെന്ന് യുഡിഎഫ് പഞ്ചായത്ത് അം ഗ ങ്ങൾ ആവശ്യപ്പെട്ടു. മണ്ണെടുക്കാൻ പാസ് ലഭിച്ചവർ ഹൈക്കോടതിയിൽ കൊടുത്ത കേസിൽ പഞ്ചായത്ത് കക്ഷിചേരണമെന്നും പഞ്ചായത്ത് അംഗങ്ങൾ ആവശ്യപ്പെട്ടു.

യുഡിഎഫ് പാർലമെന്ററി പാർട്ടി ലീഡർ അഡ്വക്കേറ്റ് തൃദീപ് കുമാർ സമരം ഉദ്ഘാടനം ചെയ്തു പഞ്ചായത്ത് അംഗങ്ങളായ എൻ ശിവാനന്ദൻ, ആർ., റെജില, ലൈല സമദ് എന്നിവർ സംസാരിച്ചു.