കേന്ദ്ര ആഭ്യന്തരമന്ത്രാലയത്തിന്റെ കീഴിലുള്ള, ബ്യൂറോ ഓഫ് പൊലീസ് റിസർച്ച് ആൻഡ് ഡിവലപ്മെന്റ് (ബി.പി.ആർ. ആൻഡ് ഡി-ന്യൂഡൽഹി) ഇന്റേൺഷിപ്പ് പ്രോഗ്രാമിലേക്ക് അപേക്ഷ ക്ഷണിച്ചു.
പോലീസ് പരിശീലന, ഗവേഷണ മേഖലകളിലെ പ്രവർത്തനങ്ങൾ ഏകോപിപ്പിക്കുന്നതിന് കേന്ദ്രസർക്കാരിനെ സഹായിക്കുന്നതിനാണ് ബി.പി.ആർ. ആൻഡ് ഡി സ്ഥാപിച്ചത്. ഇന്റേൺഷിപ്പിന്റെ ഭാഗമായി, പ്രോജക്ട്, ഫീൽഡ് സന്ദർശനങ്ങൾ തുടങ്ങിയവ ഉണ്ടാകും.
യോഗ്യത
അംഗീകൃതസർവകലാശാലകളിൽ/ഇൻസ്റ്റിറ്റ്യൂട്ടുകളിൽ എന്റോൾചെയ്ത വിദ്യാർഥികളാകണം. ബിരുദാനന്തര ബിരുദം/പിഎച്ച്.ഡി. കോഴ്സിൽ പഠിക്കുന്നവർക്ക് അപേക്ഷിക്കാം.
പഠനവിഷയം ഇവയിൽ ഒന്നാകാം
ക്രിമിനോളജി, സോഷ്യോളജി, സോഷ്യൽ വർക്ക്, സൈക്കോളജി, നിയമം, ഫൊറൻസിക് സൈക്കോളജി, ഹ്യൂമൻ റൈറ്റ്സ്, പബ്ലിക് അഡ്മിനിസ്ട്രേഷൻ, പബ്ലിക് പോളിസി ആൻഡ് ഗവേണൻസ്, ഇൻഫർമേഷൻ ടെക്നോളജി, പൊലീസ് ആൻഡ് പ്രിസൺ സ്റ്റഡീസ്, സൈബർ സെക്യൂരിറ്റി, സൈബർ ഫൊറൻസിക്സ് ആൻഡ് ഇൻഫർമേഷൻ സെക്യൂരിറ്റി, പോലീസ് ആൻഡ് പ്രിസൺ അഡ്മിനിസ്ട്രേഷൻ, കംപ്യൂട്ടർ സയൻസ്, മാനേജ്മെന്റ്, പൊലീസ് അല്ലെങ്കിൽ ജയിൽ/തിരുത്തൽ ഭരണവുമായി ബന്ധപ്പെട്ട മറ്റേതെങ്കിലും വിഷയം.
ഇന്റേൺഷിപ്പ് കാലയളവ് 30 ദിവസമോ രണ്ടുമാസമോ ആകാം.
സ്റ്റൈപ്പൻഡ്
ഒരുമാസത്തെ സ്റ്റൈപ്പൻഡായി 8000 രൂപ നൽകും. ഡൽഹിക്ക് പുറത്തുനിന്ന് തിരഞ്ഞെടുക്കപ്പെടുന്നവർക്ക് ന്യൂഡൽഹിയിലേക്കുള്ള യാത്രാച്ചെലവ് (ട്രെയിൻ) നൽകും. താമസിക്കുന്നതിനു സ്വന്തമായി ക്രമീകരണം നടത്തണം.
അപേക്ഷ
bprd.nic.in-ലെ വിജ്ഞാപനത്തിൽ നൽകിയിരിക്കുന്ന ലിങ്കുവഴി പത്തിനകം അപേക്ഷിക്കണം. സ്റ്റൈപ്പൻഡില്ലാത്ത ഇന്റേൺഷിപ്പിനും 10 വരെ അപേക്ഷിക്കാം.
