Advertisement
മുംബൈ. മൊബൈൽ ടോർച്ചിൻ്റെ വെളിച്ചത്തിൽ പ്രസവശസ്ത്രക്രിയ നടത്തി. ശസ്ത്രക്രിയയ്ക്ക് പിന്നാലെ അമ്മയും കുഞ്ഞും മരിച്ചു. മുംബൈ കോർപറേഷൻ്റെ കീഴിൽ ഭാണ്ഡൂപിൽ പ്രവർത്തിക്കുന്ന മറ്റേണിറ്റി ഹോമിലാണ് നടുക്കുന്ന സംഭവം.
ശസ്ത്രക്രിയക്കിടെ മൂന്ന് മണിക്കൂർ വൈദ്യുതി മുടങ്ങിയെന്നും ജനറേറ്റർ പ്രവർത്തിച്ചില്ലെന്നും കുടുംബം പറയുന്നു. അമ്മയും കുഞ്ഞും മരിച്ചതിന് പിന്നാലെ കുടുംബം ആശുപത്രിക്ക് മുന്നിൽ പ്രതിഷേധിക്കുകയും ചെയ്തു. സംഭവം നടന്ന് മൂന്ന് ദിവസത്തിന് ശേഷം പ്രത്യേക അന്വേഷണസംഘത്തെ വിശദമായ റിപ്പോർട്ട് സമർപ്പിക്കാനായി മുംബൈ കോർപ്പറേഷൻ നിയോഗിച്ചു.
