ശാസ്താംകോട്ട. ദ്രാവിഡാചാരപ്രസിദ്ധമായ പോരുവഴി പെരുവിരുത്തി മലനട ക്ഷേത്രത്തിൽ മലക്കുട ഉത്സവം ഇന്ന് നടക്കും. അമ്പലത്തുംഭാഗം, കമ്പലടി, പനപ്പെട്ടി, പള്ളിമുറി, നടുവിലേമുറി, വടക്കേമുറി കര കളുടെ അഭിമാനങ്ങളായ കൂറ്റൻ എടുപ്പ് കുതിരകളും ഇടയ്ക്കാട് കരയുടെ വലിയ എടുപ്പ് കാളകളും വഴിപാടായി ഭക്തർ സമർപ്പിക്കുന്ന നാനൂറോളം ചെറുതും വലുതുമായ കെട്ടുരുപ്പടികളും വൈകിട്ട് വെൺകുളം ഏലായിൽ അണിനിരക്കും. കൂറ്റൻ കരക്കെട്ടുകൾ കരുത്തരുടെ തോളുകളി ലേറി വയലും തോടും കുന്നും കയറി മലയീശ്വരനെ വലംവയ്ക്കുന്ന കാഴ്ച്ച കാണാൻ വിവിധ ജില്ലകളിൽ നിന്നും ജനസഹസ്ര ങ്ങളാണ് എത്തുന്നത്.
വിഗ്രഹവും ശ്രീകോവിലും ഇല്ലാതെ ദ്രാവിഡ ആചാരപ്പെരുമയിൽ നിലകൊള്ളുന്ന മലനട ക്ഷേത്രത്തിൽ മീനത്തിലെ ഒന്നാം വെള്ളി കൊടിയേറി രണ്ടാം വെള്ളി നടക്കുന്ന ഉത്സവം മൂന്നാം വെള്ളി രാത്രി കൊടിയിറങ്ങും.
ഇന്നു രാവിലെ 5.15നു സ്വർണക്കൊടി ദർശനം, വൈകി ട്ട് 3നു ഗുരുക്കൾശേരിൽ കൊട്ടാ രത്തിൽ ഭഗവതി എഴുന്നള്ളത്ത്, 3.30നു കടുത്താംശേരി കൊട്ടാരത്തിൽ കച്ചകെട്ട്, 4നു മലക്കുട : എഴുന്നള്ളത്തും വമ്പിച്ച കെട്ടുകാഴ്ചയും, 8നു തൂക്കം, 9നു – മെഗാഷോ, 12നു ആൽത്തറയിൽ വായ്ക്കരി പൂജ, ഏപ്രിൽ – 3നു രാത്രി 7നു തിരുവാതിര, – കൈകൊട്ടിക്കളി, 9നു കൊടിയിറക്ക് എന്നിവ നടക്കും.
also read:
