മൈനാഗപ്പള്ളി:2026 ജനുവരി 26 ന് തുടങ്ങി ഒരു മാസക്കാലം നീണ്ടുനിന്നമൈനാഗപ്പള്ളി ഉദയാ ലൈബ്രറിയുടെ ‘റിപ്പബ്ലിക് സദസ്സ്’ സമാപിച്ചു. സദസ്സിന്റെ കുന്നത്തൂർ താലൂക്ക്തല ഉദ്ഘാടനം, ഗാന്ധി അനുസ്മരണം, അക്ഷര കരോൾ, വനിതാവേദിയുടെ നേതൃത്വത്തിൽ’ഇന്ത്യൻ ഭരണഘടനയിൽ സ്ത്രീകൾക്കുള്ള നിയമ പരിരക്ഷകൾ’ – സെമിനാർ, ബാലവേദി കൂട്ടുകാർക്കുള്ള ക്വിസ്സ് മത്സരം തുടങ്ങിയ പരിപാടികൾ ഇക്കാലയളവിൽ ലൈബ്രറി സംഘടിപ്പിച്ചു.
സമാപന സമ്മേളനത്തോടനുബന്ധിച്ച് ‘ഇന്ത്യൻ റിപ്പബ്ലിക്കും സ്വാതന്ത്ര്യസമരചരിത്രവും’ എന്നവി ഷയത്തെ ത്തെ അടിസ്ഥാനപ്പെടുത്തിയുള്ള ക്വിസ്സ് മത്സരത്തിന് ഭരണിക്കാവ് ജെ.എം.എച്ച്.എസ്. റിട്ട. അദ്ധ്യാപകനും എസ്.ആർ.ജി.മെമ്പറുമായ റജി വർഗ്ഗീസ് ക്വിസ്സ് മാസ്റ്ററായി. ലൈബ്രറി പ്രസിഡന്റ് കെ.മോഹനന്റെ അധ്യക്ഷതയിൽ കൂടിയ സദസ്സ് സമാപന സമ്മേളനം കുന്നത്തൂർ താലൂക്കു ലൈബ്രറി കൗൺസിൽജോ.സെക്രട്ടറി ആർ. മദനമോഹനൻ ഉദ്ഘാടനം ചെയ്തു.
മുൻ ലൈബ്രറി സെക്രട്ടറി കെ.പ്രസന്നകുമാർ ആശംസാ പ്രസംഗം നടത്തി.ലൈബറി ജോ.സെക്രട്ടറി കെ.എസ്.രാധാകൃഷ്ണൻ, ആർ.പി. സുഷമടീച്ചർ,എസ്.മായാദേവി, യുവത പ്രസി. അജു.ജി.നാഥ്, പി.എസ്.സാനു, മോഹൻദാസ് തോമസ്സ്,ലൈബ്രേറിയൻ ഇ.ഷജീന തുടങ്ങിയവർ നേതൃത്വംനല്കി. ക്വിസ്സ് മത്സര വിജയികൾക്ക് ആർ. മദനമോഹനൻ പ്രൈസ് മണി സമ്മാനിച്ചു. ലൈബ്രറി സെക്രട്ടറി ബി.സരോജാക്ഷൻപിള്ള സ്വാഗതവും ലൈബ്രേറിയൻ ജെ.ജയകുമാരി നന്ദിയും പറഞ്ഞു.
