Advertisement
കൊല്ലം. മൊസാബിക്കിലെ ബെയ്റ തുറഖമുഖത്തുണ്ടായ അപകടത്തിൽ മരിച്ച തേവലക്കര സ്വദേശി ശ്രീരാഗ് രാധാകൃഷ്ണൻ്റെ മൃതദേഹം ഇന്ന് മുംബൈയിലെത്തിക്കും. പിന്നീട് വിമാനമാർഗം മൃതദേഹം അവിടെ നിന്ന് തിരുവനന്തപുരത്തേക്ക് കൊണ്ടുവരും. ശ്രീരാഗിൻ്റെ സംസ്ക്കാര ചടങ്ങുകൾ ഇന്ന് തന്നെ നടത്താനാണ് കുടുംബത്തിൻ്റെ തീരുമാനം.
ബെയ്റ തുറമുഖത്തിനു സമീപം 16ന് പു ലർച്ചെയായിരുന്നു അപകടം. 16നു രാവിലെയാണ് ശ്രീരാഗിനെ കാണാതായ വിവരം വീട്ടിൽ അറിയിക്കുന്നത്. സ്കോർപിയോ മറൈൻ കമ്പനിയുടെ ഇലക്ട്രോടെക്നിക്കൽ ഓഫിസറാണ് ശ്രീരാഗ്. എണ്ണ ടാങ്കറായ സീക്വസ്റ്റ് കപ്പലിൽ ജോലിയിൽ പ്രവേശിക്കുന്നതിനായി 21 ജീവനക്കാരുമായി പോയ സ്വകാര്യ ഏജൻസിയുടെ ബോട്ട് മുങ്ങിയാണു അപകടം.
Advertisement
