ശാസ്താംകോട്ട. ലോകാനുഗ്രഹി മുഹമ്മദ് മുസ്തഫ (സ അ)തങ്ങളുടെ ആയിരത്തി അഞ്ഞൂറാമത് ജന്മദിനത്തോടനുബന്ധിച്ച് ഇസ്ലാമിക് കൾച്ചറൽ സൊസൈറ്റി (ഐ സി എസ്) യുടെയും, വല്യത് കിംസ് ഹോസ്പിറ്റലിന്റെയും സംയുക്താഭിമുഖ്യത്തിൽ സൗജന്യ വൃക്ക രോഗ നിർണ്ണയ ക്യാമ്പും ,മീലാദ് കോൺഫറൻസും 29നും 30നുമായി ഐ സി എസ് ജംങ്ഷനിലുള്ള ഐ സി എസ് കോംപ്ലക്സിൽ വെച്ച് നടത്തപ്പെടുകയാണ്.
29ന് രാവിലെ 10.30 മുതൽ നടക്കുന്ന മെഡിക്കൽ ക്യാമ്പ് ഐ സി എസ് വർക്കിംഗ് പ്രസിഡന്റ് പി എം ശാഹുൽ ഹമീദ് അവർകളുടെ അധ്യക്ഷതയിൽ ശാസ്താംകോട്ട പോലീസ് സബ് ഇൻസ്പെക്ടർ ഷാനവാസ് ഉത്ഘാടനം ചെയ്യും. ഡോക്ടർ ജെയ്സൺ ന്റെ നേതൃത്വത്തിലുള്ള മെഡിക്കൽ സംഘം പരിശോധനകൾക്ക് നേതൃത്വം നൽകും.
30ന് വൈകിട്ട് 6 നു നടക്കുന്ന മീലാദ് കോൺഫെറൻസ് ഐ സി എസ് വൈസ് പ്രസിഡന്റ് എച് ഖാദർ കുട്ടിയുടെ അധ്യക്ഷതയിൽ പള്ളിശ്ശേരിക്കൽ മുസ്ലിം ജമാഅത് ഇമാം സയ്യിദ് ഫസൽ ജിഫ്രി തങ്ങൾ പ്രാരംഭ പ്രാർത്ഥനയും ,വേങ്ങ മുസ്ലിം ജമാഅത് ഇമാം മുഹമ്മദ് ഷബീർ മഹ്ളരി ഉൽഘാടനവും ചെയ്യും. സുബൈർ അസ്ഹരി , വൈ ഷാജഹാൻ ,അഡ്വ അൻസാർ ഷാഫി ,എ അബ്ദുൽ റഷീദ്, ഉനൈസ് സഅദി ,നൗഷാദ് മന്നാനി, ഐ ഷാനവാസ് , മുഹമ്മദ് സാദിഖ് അഹ്സനി, എച് ഷാജഹാൻ, ഹകിംഷ തുടങ്ങിയവർ പ്രസംഗിക്കും.
മർകസ് പി ആർ ഡി ഡയറക്ടർ സയ്യിദ് ഷിഹാബുദീൻ മുത്തനൂർ തങ്ങൾ ഹുബ്ബുർറസൂൽ പ്രഭാഷണത്തിനും സമാപന പ്രാർഥനക്കും നേതൃത്വം നൽകും. ഐ സി എസ് ജനറൽ സെക്രട്ടറി പി എ ഖാജാ മുഈനുദ്ദീൻ സ്വാഗതവും ,കെ എം അബുബക്കർ മുസ്ലിയാർ കൃതജ്ഞതയും നിർവ്വഹിക്കും.
