ശാസ്താംകോട്ട:- വിദ്യാരംഭം സെൻട്രൽ സ്കൂളിൽ വർണ്ണശബളമായ പരിപാടികളോടെ79-ാം മത് സ്വാതന്ത്ര്യ ദിനം ആഘോഷിച്ചു. ചടങ്ങുകൾ ശാസ്താംകോട്ട സി. ഐ.അനീസ് ഉദ്ഘാടനം നിർവഹിച്ചു. ചെയർമാൻ എ.എ. റഷീദ് സ്കൂൾ അങ്കണത്തിൽ പതാക ഉയർത്തി. മാനേജർ വിദ്യാരംഭം ജയകുമാർ, പ്രിൻസിപ്പൽ മഹേശ്വരി.എസ്, വൈസ് പ്രിൻസിപ്പൽ യാസർ ഖാൻ. ജെ, കോഡിനേറ്റർ മാരായ അഞ്ജനി തിലകം,ഷിംന മുനീർ,സ്റ്റാഫ് സെക്രട്ടറി വിനീത, പി ടി എ സെക്രട്ടറി പ്രിയമോൾ എന്നിവർ സന്നിഹിതരായിരുന്നു. ശാസ്താംകോട്ട ക്ഷേത്രാങ്കണത്തിൽ നിന്നും 25 ഓളം കലാകാരികൾ അണിനിരന്ന ചെണ്ടമേളത്തിന്റെ അകമ്പടിയോടെ സ്കൂൾ വിദ്യാർത്ഥികളായ റെയ്ചൽ സ്കോട്ട്, അദ്വൈത്. എ എന്നിവരുടെ അനൗൺസ്മെന്റ് വാഹനത്തോടൊപ്പം ആയിരക്കണക്കിന് വിദ്യാർത്ഥികൾ അണിനിരന്ന ഘോഷയാത്രയും ഉണ്ടായിരുന്നു. ശാസ്താംകോട്ട ജംഗ്ഷനിലും ആഞ്ഞിലിമൂട്ടിലും വിദ്യാർത്ഥികൾ ഓപ്പറേഷൻ സിന്ധൂറിനെ ആസ്പദമാക്കി ഫ്ലാഷ് മോബും അവതരിപ്പിച്ചു. ചടങ്ങുകൾക്ക് പ്രോഗ്രാം കോർഡിനേറ്റർമാരായ സുബിസാജ്, മുഹമ്മദ് സാലിം, കായികാ ധ്യാപകരായ സന്ദീപ് വി ആചാര്യ, റാം കൃഷ്ണൻ എന്നിവർ നേതൃത്വം നൽകി.
