ശാസ്താംകോട്ട :തേവലക്കര സ്കൂളിൽ വൈദ്യുതാഘാതം ഏറ്റു മരിച്ച മിഥുന്റെ കുടുംബത്തിന് കെഎസ്ടിഎ സംസ്ഥാന കമ്മിറ്റി പ്രഖ്യാപിച്ച പണം കൈമാറി. കെഎസ്ടിഎ കൊല്ലം ജില്ലയിലെ അധ്യാപകരിൽ നിന്നും ശേഖരിച്ച 1110225 ( 11 ലക്ഷത്തിപതിനായിരത്തി ഇരുന്നൂറ്റി ഇരുപത്തി അഞ്ച് ) രൂപയാണ് കൈമാറിയത്. ചൊവ്വാഴ്ച വൈകിട്ട് മൂന്നരയോടെ പടിഞ്ഞാറേ കല്ലട വിളന്തറയിൽ ഉള്ള മിഥുന്റെ വീട്ടിലെത്തിയാണ് തുക കൈമാറിയത്. ധനകാര്യമന്ത്രി കെ എൻ ബാലഗോപാലിൽ നിന്നും മിഥുന്റെ മാതാപിതാക്കൾ തുക ഏറ്റുവാങ്ങി. കെ എസ് ടി എ സംസ്ഥാന ഭാരവാഹികളായ ടികെഎ ഷാഫി, ഡി സുധീഷ്, എസ് സബിത, എ കെ ബീന ജില്ലാ ഭാരവാഹികളായ ബി സജീവ്, കെ എൻ മധു കുമാർ, ജികെ ഹരികുമാർ, ആർ ബി ഷൈലേഷ് കുമാർ, എം എസ് ഷിബു, ജെ ശശികല വി കെ ആദർശ്, കൊല്ലം ഡിഡി കെ ഐ ലാൽ സിപിഐ എം സംസ്ഥാന കമ്മിറ്റി അംഗം കെ സോമപ്രസാദ്, ജില്ലാ പഞ്ചായത്ത് പ്രസിഡന്റ് പി കെ ഗോപൻ, ഏരിയ സെക്രട്ടറി ടി ആർ ശങ്കരപിള്ള, എൻ യശ്പാൽ, സി ഉണ്ണികൃഷ്ണൻ,വി അനിൽ, ഷിബു ഗോപാൽ എ സാബു തുടങ്ങിയവർ പങ്കെടുത്തു
വൈദ്യുതി വകുപ്പ് പ്രഖ്യാപിച്ച 5 ലക്ഷം രൂപയും സ്കൂൾ മാനേജ്മെന്റ് പ്രഖ്യാപിച്ച 10 ലക്ഷം രൂപയും ദിവസങ്ങൾക്കു മുമ്പ് മിഥുന്റെ മാതാപിതാക്കൾക്ക് നേരിട്ട് എത്തി കൈമാറിയിരുന്നു.
