റോഡിലെ വെള്ളക്കെട്ട്, കുന്നത്തൂര്‍ പഞ്ചായത്ത് സെക്രട്ടറിയെ ഉപരോധിച്ച് യൂത്ത് കോൺഗ്രസ്

Advertisement

കുന്നത്തൂർ:നെടിയവിള സ്കൂളിലേക്കുള്ള റോഡിലെ വെള്ളക്കെട്ടിന് ശാശ്വത പരിഹാരം കാണണമെന്ന് ആവശ്യപ്പെട്ട് യൂത്ത് കോൺഗ്രസ് പ്രവർത്തകർ കുന്നത്തൂർ പഞ്ചായത്ത് സെക്രട്ടറി വിനോദ്കുമാറിനെ ഉപരോധിച്ചു.മഴക്കാലമായതിനാൽ റോഡിൽ കെട്ടി നിൽക്കുന്ന വെള്ളം ഒഴുകി പോകാൻ താത്ക്കാലിക നടപടി സ്വീകരിക്കാമെന്നും മഴ മാറിയ ശേഷം ശാസ്ത്രീയമായ രീതിയിൽ ഓട നിർമ്മാണം നടത്താമെന്നും സെക്രട്ടറി ഉറപ്പ് നൽകിയതിനെ തുടർന്നാണ് ഉപരോധം അവസാനിപ്പിച്ചത്.നേതാക്കളായ കാരയ്ക്കാട്ട് അനിൽ,അരുൺ തൈക്കൂട്ടം,ഹരി പുത്തനമ്പലം,ഹരികുമാർ കുന്നത്തൂർ,ഉമേഷ് കുന്നത്തൂർ,ആരോമൽ രാജീവ്,അനീഷ് പഴവരിക്കൽ,റ്റിബിൻ തമ്പി,ബാലു മധു എന്നിവർ നേതൃത്വം നൽകി.

Advertisement