പടിഞ്ഞാറെകല്ലട. കോതപുരം വയലിൽ മീൻവളർത്തുന്നതിന്റെ മറവിൽ ഓച്ചിറ, കരുനാഗപ്പള്ളി മേഖലയിലെ ഹോട്ടൽ വേസ്റ്റുകളാണ് മാഫിയസംഘം കോതപുരത്തെ വയലിൽ നിക്ഷേപിക്കാനെത്തിയത്. പഞ്ചായത്ത്‌ പ്രസിഡന്റ് ഡോ സി ഉണ്ണികൃഷ്ണൻ, വൈസ് പ്രസിഡന്റ് സുധ, സി പി എം ലോക്കൽ കമ്മറ്റി സെക്രട്ടറി വി അനിൽ ലോക്കൽ കമ്മറ്റി അംഗങ്ങളായ കലാദേവി, അലീന എന്നിവരും പാർട്ടി പ്രവർത്തകരും നാട്ടുകാരും ചേർന്ന് തടഞ്ഞു. ശാസ്താംകോട്ട പോലീസ് എത്തി മാലിന്യം എത്തിച്ച വണ്ടിയും അതിലെ ജീവനക്കാരെയും കസ്റ്റഡിയിൽ എടുത്തു. തുടർന്ന് മാലിന്യമാഫിയസംഘം സ്ത്രീകളടക്കമുള്ള നാട്ടുകാരെ ആക്ഷേപിക്കുകയും അക്രമത്തിനു തുനിയുകയും ചെയ്തു. പഞ്ചായത്ത്‌ പ്രസിഡന്റ് അടക്കമുള്ളവരുടെ സമയോചിതമായ ഇടപെടലാണ് അക്രമത്തിൽനിന്ന് തദ്ദേശവാസികളെ രക്ഷിച്ചത്.. മാലിന്യമുക്ത നവകേരള പദ്ധതിയെ തകർക്കാൻ ശ്രമിക്കുന്ന മാഫിയ സംഘത്തെ അമർച്ചചെയ്യണമെന്ന് പഞ്ചായത്ത്‌ പ്രസിഡന്റ് അവശ്യപ്പെട്ടു.
