ശാസ്താംകോട്ട.ജെ. കെ. ശാസ്താംകോട്ടയുടെ കവിതാ സമാഹാരം, നിനക്കായ്‌, പ്രകാശനം ചെയ്തു. N. S. S. കുന്നത്തൂർ താലൂക്ക് യൂണിയൻ പ്രസിഡന്റ്‌ വി. ആർ. കെ. ബാബു, ഗ്രന്ഥകാരന്റെ സഹധർമിണി ശ്രീലതക്ക് നൽകിയാണ് പ്രകാശനകർമ്മം നിർവഹിച്ചത്. ഭാരതീയ വിചാരകേന്ദ്രം ഡയറക്ടർ ആർ. സഞ്ജയൻ ഭദ്രദീപം കൊളുത്തി പരിപാടി ഉദ്ഘാടനം ചെയ്തു. തപസ്യ ജില്ല പ്രസിഡന്റും കവിയുമായ കെ. വി. രാമാനുജൻ തമ്പി അധ്യക്ഷനായിരുന്ന പരിപാടിക്ക് കാവ്യാമൃതം സെക്രട്ടറി കിഴക്കെടെത്തു ചന്ദ്രൻ സ്വാഗതം ആശംസിച്ചു. ഡോ. മൂഞ്ഞിനാട് പദ്മകുമാർ പുസ്തകപരിചയം നടത്തി.
ശാസ്താംകോട്ട ഗ്രാമപഞ്ചായത്ത് പ്രസിഡന്റ്‌ ആർ. ഗീത, ബ്ലോക്ക് പഞ്ചായത്ത് മെമ്പർ തുണ്ടിൽ നൗഷാദ്, യൂണിവേഴ്സിറ്റി സിന്റിക്കേറ്റ് മെമ്പർ പി. എസ്. ഗോപകുമാർ, കെൽ റിട്ട. ജനറൽ മാനേജർ കുരുമ്പൊലിൽ ശ്രീകുമാർ, പ്രൊഫ. ഡോ. മധു, യുണൈറ്റഡ് ക്ലെബ് സെക്രട്ടറി പി. വിജയചന്ദ്രൻ നായർ എന്നിവർ ആശംസകൾ അർപ്പിച്ചു സംസാരിച്ചു. ഗ്രന്ഥകാരൻ ജെ. കെ. ശാസ്താംകോട്ട നന്ദി പ്രകാശനം നടത്തി. തുടർന്ന് നടന്ന കവിയരങ്ങിൽ ഗുരുകുലം ശശി ആദ്യക്ഷനായി. കൊല്ലം ശേഖർ ഉദ്ഘാടനം നടത്തി. അഷ്ടമൻ സാഹിതി സ്വാഗതം ആശംസിച്ചു.
