Advertisement
കുന്നത്തൂർ:കാട്ടുപന്നിയുടെ ആക്രമണത്തിൽ നേന്ത്ര വാഴ,മരച്ചീനി ഉൾപ്പെടെയുള്ള കൃഷി നശിച്ചു.കുന്നത്തൂർ കണ്ണാണി ഏലായിൽ കഴിഞ്ഞ രാത്രിയാണ് സംഭവം.മുൻ പഞ്ചായത്ത് പ്രസിഡന്റ് കുന്നത്തൂർ കിഴക്ക് പുത്തൂരഴികത്ത് വീട്ടിൽ കുന്നത്തൂർ പ്രസാദിന്റെ ഉടമസ്ഥതയിലുള്ള കൃഷിയിടത്തിലാണ് കാട്ടുപന്നി കുലയ്ക്കാറായ നിരവധി വാഴകളടക്കം കുത്തിമറിച്ചത്.ഓണ വിപണി ലക്ഷ്യമിട്ട് നടത്തിയ കൃഷിയാണ് നശിച്ചത്.കുന്നത്തൂർ കൃഷിഭവനിൽ നിന്നും ഉദ്യോഗസ്ഥരെത്തി നാശനഷ്ടം വിലയിരുത്തി.കല്ലടയാറിന്റെ തീരപ്രദേശമായ കുന്നത്തൂരിൽ കാട്ടുപന്നിയുടെ ആക്രമണം വ്യാപകമായിട്ടും പരിഹരിക്കാൻ പഞ്ചായത്ത് നടപടിയെടുക്കുന്നില്ലെന്ന് പരാതിയുണ്ട്.
Advertisement
