Advertisement
ശാസ്താംകോട്ട. തേവലക്കര ബിഎച്ച്എസ് 1992 ചങ്ങാതിക്കൂട്ടം സംഘടിപ്പിക്കുന്ന വിദ്യാഭ്യാസ സെമിനാറും സഹപാഠിക്ക് ധനസഹായ വിതരണവും ശനിയാഴ്ച ഉച്ചക്ക് 12 30ന് ഗേള്‍സ് ഹൈസ്‌കൂള്‍ ഓഡിറ്റോറിയത്തില്‍ നടക്കും. ബാച്ചിലെ സന്തോഷിന്റെ ചികില്‍സാ സഹായമായി ചങ്ങാതിക്കൂട്ടം സമാഹരിച്ച തുക നിക്ഷേപിച്ച സര്‍ട്ടിഫിക്കറ്റ് കൈമാറും. സന്തോഷിന്റെ ഭാര്യയുടെ അക്കൗണ്ടില്‍ പ്രതിമാസം പലിശ ചികില്‍സാസഹായമായി ലഭിക്കും വിധമാണ് ഇത്. സന്തോഷിന് പിന്നോക്ക വികസന കോര്‍പറേഷനില്‍ ഉണ്ടായിരുന്ന കടബാധ്യത ഇവര്‍ അടച്ചു തീര്‍ത്തിട്ടുണ്ട്. സമ്മേളനം സിപിഎം ജില്ലാ സെക്രട്ടറി എസ് സുദേവന്‍ ഉദ്ഘാടനം ചെയ്യും. കെപിസിസി സെക്രട്ടറി പി ജര്‍മ്മിയാസ് പ്രമാണ സമര്‍പ്പണം നടത്തും. ഫാ.ജോസ് സെബാസ്റ്റിയന്‍ നിക്ഷേപ രസീത് സമര്‍പ്പണം നടത്തും. ഡോ. അലക്സാണ്ടര്‍ ജേക്കബ് സെമിനാറില്‍ പ്രഭാഷണം നടത്തും.
Advertisement
