കൊച്ചി. റിപ്പോര്ട്ടര് ചാനലിനുള്ള സുരക്ഷ ക്ലിയറന്സ് പിന്വലിച്ചെന്ന് കേന്ദ്ര ആഭ്യന്തരമന്ത്രാലയം ഹൈക്കോടതിയെ വാക്കാല് അറിയിച്ചു. ട്വന്റി20 അധ്യക്ഷന് സാബു എം ജേക്കബിന്റെ ഹര്ജിയിലാണ് ഇക്കാര്യം മന്ത്രാലയം അറിയിച്ചത്. ഹര്ജിയില് ലൈസന്സ് ഉടമയോട് വിശദീകരണം തേടിയിട്ടുണ്ടെന്ന് കേന്ദ്ര പ്രക്ഷേപണ മന്ത്രാലയം അറിയിച്ചു.
ചാനലിന്റെ ഉടമസ്ഥാവകാശം കൈമാറിയത് ഉടമകള് രേഖാമൂലം കേന്ദ്ര സര്ക്കാരിനെ അറിയിച്ചിട്ടില്ല. ഇത്തരമൊരു പശ്ചാത്തലത്തിലാണ് സുരക്ഷാ ക്ലിയറന്സ് പിന്വലിച്ചിട്ടുള്ളത്. രണ്ടുമാസത്തിനകം ഇത് സംബന്ധിച്ച വിശാദംശങ്ങള് ഉടമകള് അറിയിക്കണമെന്നാണ് നിര്ദേശം. റിപ്പോര്ട്ടര് ചാനലിന്റെ ലൈസന്സ് സംബന്ധിച്ച് കേന്ദ്ര പ്രക്ഷേപണമന്ത്രാലയത്തിന് തീരുമാനം കൈക്കൊള്ളാമെന്ന് പറഞ്ഞ് കേസ് തീര്പ്പാക്കിയിട്ടുണ്ട്
റിപ്പോര്ട്ടര് ചാനലിന്റെ ലൈസന്സ് ഇന്ഡോ എഷ്യന് ന്യൂസ് ചാനലിന്റെ പേരിലാണ്. എംവി നികേഷ് കുമാറും റാണി വര്ഗീസുമാണ് നിലവിലെ ഡയറക്ടര്മാര്.