Advertisement
വയനാട് മാനന്തവാടി പനമരം റൂട്ടിൽ കൂളിവയലിന് സമീപം കാറും കെഎസ്ആർടിസി ബസ്സും കൂട്ടിയിടിച്ചുണ്ടായ അപകടത്തിൽ മരിച്ച രണ്ടുപേരിൽ ഒരാളെ തിരിച്ചറിഞ്ഞു. കോടഞ്ചേരി സ്വദേശിയായ രഞ്ജു മാത്യുവിനെയാണ് തിരിച്ചറിഞ്ഞത്. 38 വയസ്സാണ് രഞ്ജുവിന്റെ പ്രായം. ഒപ്പം ഉണ്ടായിരുന്ന ഇതര സംസ്ഥാന തൊഴിലാളി മരിച്ചിട്ടുണ്ട്.
ഒപ്പം മറ്റൊരു ഇതര സംസ്ഥാനക്കാരനും കൂടി പരിക്കേറ്റ നിലയിലാണ് . ഇദ്ദേഹം മാനന്തവാടി മെഡിക്കൽ കോളേജിൽ ചികിത്സയിലാണ് . വൈകിട്ട് ആറരയോടെ ആയിരുന്നു അപകടം. കോഴിക്കോട് നിന്ന് മാനന്തവാടിക്ക് വന്നിരുന്ന ബസ്സും എതിർ ദിശയിൽ സഞ്ചരിച്ചിരുന്ന കാറുമാണ് കൂട്ടിയിടിച്ചത്. കൺസ്ട്രക്ഷൻ സ്ഥാപനത്തിൻറെ ഉടമയാണ് മരിച്ചയാൾ എന്നാണ് വിവരം. അഞ്ചുകുന്നിൽ വീട് നിർമ്മാണവുമായി ബന്ധപ്പെട്ട സ്ഥലത്തുനിന്ന് മടങ്ങുന്നതിനിടെയാണ് അപകടം. കെഎസ്ആർടിസി ഡ്രൈവർ അനിൽകുമാറിന് കാലിന് പരിക്കുണ്ട്
Advertisement
