പാലക്കാട്. ഷർട്ടിൻ്റെ ബട്ടൻസ് ഇട്ടില്ലെന്ന് പറഞ്ഞ് ജൂനിയർ വിദ്യാർത്ഥിക്ക് സീനിയർ വിദ്യാർത്ഥികളുടെ മർദ്ദനം.’
മണ്ണാർക്കാട് നജാത് കോളേജിലെ ഒന്നാം വർഷ ബിരുദ വിദ്യാർത്ഥി മുഹമ്മദ് അൻസലിനാണ് മർദ്ദനമേറ്റത്.തലയ്ക്കും മുഖത്തും ഗുരുതര പരിക്കേറ്റ വിദ്യാർത്ഥി പെരിന്തൽമണ്ണയിലെ സ്വകാര്യ ആശുപത്രിയിൽ ചികിത്സയിലാണ് .
ഷർട്ടിന്റെ ബട്ടൻസ് ധരിക്കണം എന്ന് പറഞ്ഞുള്ള റാഗിംഗ് ചോദ്യം ചെയ്തതിനായിരുന്നു ആക്രമണം.മണ്ണാർക്കാട് നജാത്ത് കോളേജിലെ ഒന്നാം വർഷം ബിരുദ വിദ്യാർഥിയാണ് ചിറക്കൽപടി സ്വദേശി മുഹമ്മദ് അൻസിൽ. 20 ദിവസങ്ങൾക്ക് മുമ്പ് ഷർട്ടിന്റെ ബട്ടൺ ധരിക്കണമെന്ന് പറഞ്ഞ് സീനിയർ വിദ്യാർത്ഥികൾ അൻസിലിനെ റാഗിംഗ് ചെയ്തു. ഇത് ചോദ്യം ചെയ്തതിനാണ്, ഇക്കഴിഞ്ഞ 18ന് കോളേജ് ഡേയ്ക്കിടെ അൻസ്സിലിനെ സീനിയർ വിദ്യാർത്ഥികൾ ചേർന്ന് ക്രൂരമായി ആക്രമിച്ചത്.
ഇടിവള ഉപയോഗിച്ചുള്ള സീനിയർ വിദ്യാർത്ഥികളുടെ ആക്രമണത്തിൽ അൻസിലിന്റെ തലയ്ക്കും മുഖത്തും ഗുരുതര പരിക്കേറ്റു. പെരിന്തൽമണ്ണയിലെ സ്വകാര്യ ആശുപത്രിയിൽ ചികിത്സയിലാണ് മർദ്ദനമേറ്റ അൻസിൽ.വിദ്യാർത്ഥിയുടെ കുടുംബം നൽകിയ പരാതിയിൽ മണ്ണാർക്കാട് പോലീസ് കോളേജിലെ മൂന്ന് സീനിയർ വിദ്യാർത്ഥികൾക്കെതിരെ കേസെടുത്തു. ഇവർക്കെതിരെ ഉടൻ നടപടി ഉണ്ടാകുമെന്ന് പോലീസ് അറിയിച്ചു
