തിരുവനന്തപുരം :
എല്ലാ മതങ്ങളേയും ഒന്നുപോലെ കാണുവാനും പ്രധാന ആഘോഷങ്ങൾ ഒരുമിച്ച് കൊണ്ടാടുവാനും നമുക്ക് കഴിയണമെന്ന് വി കെ പ്രശാന്ത് എംഎൽഎ പറഞ്ഞു.ക്രൈസ്തവ ഐക്യ കൂട്ടായ്മയായ “പ്ലറോമ” യുടെ നേതൃത്വത്തിൽ വെള്ളയമ്പലം മാനവീയം വീഥിയിൽ നടക്കുന്ന ക്രിസ്മസ് സാംസ്ക്കാരിക സംഗമം ഉദ്ഘാടനം ചെയ്യുകയായിരുന്നു അദ്ദേഹം.
സംഘാടക സമിതി ചെയർമാൻ ഷെവലിയർ ഡോ.കോശി എം ജോർജ് അധ്യക്ഷനായി.
രക്ഷാധികാരി റവ. അസറിയ ജോസഫ് സനൽകുമാർ, ജെറിൻ ദാസ് എന്നിവർ പ്രസംഗിച്ചു.വിവിധ സഭാ ഗായക സംഘങ്ങൾ കാരൾ ഗാനങ്ങൾ ആലപിച്ചു. “രക്ഷകൻ എന്ന പ്രമേയത്തെ അടിസ്ഥാനമാക്കി വേൾഡ് ഇംപാക്ട് ചർച്ചും ഹൗസ് ഓഫ് പ്രയറും വിവിധ പ്രോഗ്രാമുകൾ അവതരിപ്പിച്ചു.
സാൽവേഷൻ ആർമി ടെറിറ്റോറിയൽ
ഹെഡ്ക്വാർട്ടേഴ്സ് ക്വയർ, പിആർഎസ്, ഹാർവസ്റ്റ് സിംഗേഴ്സ്, കേശവദാസപുരം സെന്റ് തോമസ് ഇവാഞ്ചലിക്കൽ ചർച്ച്, വെട്ടുകാട് കാത്തലിക് ചർച്ച്, പോങ്ങുംമൂട് സെന്റ് മേരീസ് യാക്കോബായ ചർച്ച്, പാറോട്ടുകോണം ലൈഫ് ഫെലോഷിപ്പ്, പേരൂർക്കട കാൽവറി ലൂഥറൻ ചർച്ച്, യുണൈറ്റഡ് ക്വയർ, ഇന്ത്യ കാമ്പസ് ക്രൂസേഡ് എന്നീ ക്വയറുകൾ ഇന്ന് ക്രിസ്മസ് കാരൾ ഗാനങ്ങൾ ആലപിച്ചു. പാളയം വാർഡ് കൗൺസിലർ ഷേർലി ചാൾസ് മുഖ്യാതിഥി
ആയിരുന്നു.
ഇന്ന് വൈകിട്ട് “ഇമ്മാനുവൽ” എന്ന പ്രമേയത്തെ അധികരിച്ച് ഹൈലാൻ്റ് ചർച്ചിന്റെ അവതരണം, ന്യൂ പേരയം സിഎസ്ഐ ക്വയറിൻ്റെ കാരൾ, ലെൻസ് ആന്റ് ലൈറ്റ് പ്രദർശനം എന്നിവ ഉണ്ടായിരിക്കും.
സമാപന ദിവസമായ 24-ന് “സ്നേഹിതൻ” എന്ന വിഷയത്തിൽ ഫ്രീഡം മിനിസ്ട്രി, ബ്ലസിംഗ് ടുഡേ എന്നിവർ വിവിധ പരിപാടികൾ അവതരിപ്പിക്കും.
