തൃശ്ശൂർ . മദ്യ ലഹരിയിൽ വടക്കുംനാഥ ക്ഷേത്രത്തിന്റെ ശ്രീമൂല സ്ഥാനത്തേക്ക് കാർ ഓടിച്ചു കയറ്റി. ഇന്നലെ അർദ്ധരാത്രി ആയിരുന്നു സംഭവം. കാർ ഓടിച്ചു കയറ്റിയത് വാഹനങ്ങൾക്ക് കർശന നിയന്ത്രണമുള്ള സ്ഥലത്തേക്ക്.കാറിൽ ഉണ്ടായിരുന്നത് തൃശ്ശൂർ ചെമ്പുക്കാവ്, തൃപ്പൂണിത്തുറ സ്വദേശികളായ രണ്ടു പുരുഷന്മാരും ഒരു സ്ത്രീയും. വാഹനം ഓടിച്ചിരുന്ന തൃപ്പൂണിത്തുറ സ്വദേശി മദ്യപിച്ചിരുന്നതായി പോലീസ്
ശ്രീമൂല സ്ഥാനത്ത് കാർ കണ്ടു എത്തിയവരാണ് വിവരം പോലീസിനെ അറിയിച്ചത്. പോലീസ് എത്തി കാറിൽ ഉണ്ടായിരുന്നവരെയും കാറും കസ്റ്റഡിയിൽ എടുത്തു. മദ്യപിച്ച് വാഹനം ഓടിച്ചതിന് കാർ ഓടിച്ച ആൾക്കെതിരെ കേസെടുത്ത ശേഷം വാഹനം വിട്ടയച്ചു. വടക്കുംനാഥന്റെ ശ്രീമൂല സ്ഥാനത്തിന് ചുറ്റും വാഹനങ്ങൾ കയറ്റാതിരിക്കാൻ വരമ്പ് കെട്ടിയിട്ടുണ്ട്. ഈ വരമ്പ് ചാടിക്കടന്നാണ് കാർ ശ്രീമൂല സ്ഥാനത്തേക്ക് എത്തിയത്
ശ്രീമൂല സ്ഥാനത്തേക്ക് കാർ ഓടിച്ചു കയറ്റിയത് വഴി അറിയാത്തതിനാലാണെന്ന് കാറിൽ ഉണ്ടായിരുന്നവർ പോലീസിനോട് പറഞ്ഞു. സംഭവത്തിൽ ക്ഷേത്രം മാനേജ്മെന്റ് കുറ്റക്കാർക്കെതിരെ നടപടി സ്വീകരിക്കണമെന്ന് ആവശ്യപ്പെട്ട് തൃശ്ശൂർ ഈസ്റ്റ് പോലീസിൽ പരാതി നൽകി
rep. image
