കൊച്ചി. ഫ്ലാറ്റ് പീഡനക്കേസിലെ പ്രതി മാർട്ടിൻ ജോസഫ് തൃശ്ശൂരിൽ യുവതിയെ കുത്തി പരിക്കേൽപ്പിച്ചു. മുളങ്കുന്നത്തുകാവ് സ്വദേശി 26 വയസ്സുള്ള ശാർമിളയെയാണ് ഇയാൾ പുറത്ത് കുത്തിയത്. ഗുരുതരമായി ശാർമിളയെ തൃശ്ശൂർ അമല ആശുപത്രിയിൽ പ്രവേശിപ്പിച്ചു.
ഇന്ന് രാവിലെ 11 മണിയോടെ ആയിരുന്നു സംഭവം. മാർട്ടിനും ശർമിളയും ഒന്നിച്ച് തൃശൂർ അടാട്ട് ആയിരുന്നു താമസം. ഇരുവരും തമ്മിലുള്ള അഭിപ്രായവ്യത്യാസത്തെ തുടർന്ന് ആണ് കയ്യേറ്റം നടന്നത്. ആദ്യം യുവതിയെ മർദ്ദിച്ച മാർട്ടിൻ കത്തി ഉപയോഗിച്ച് പുറത്ത് കുത്തി. ഗുരുതരമായി പരിക്കേറ്റ യുവതിയെ തൃശ്ശൂർ അമല ആശുപത്രിയിൽ പ്രവേശിപ്പിച്ചു.
അക്രമത്തിന് ശേഷം മാർട്ടിൻ രക്ഷപ്പെട്ടു. കോഴിക്കോട് ഭാഗത്തേക്ക് രക്ഷപ്പെട്ട ഇയാൾക്കായി പോലീസ് അന്വേഷണം ഊർജിതമാക്കി.കൊച്ചി മറൈൻ ഡ്രൈവിലെ ഫ്ലാറ്റിൽ വച്ച് മട്ടന്നൂർ സ്വദേശിനിയായ ക്രൂരമായി മർദ്ദിച്ച കേസിലെ പ്രതിയാണ് പുറ്റേക്കര സ്വദേശി മാർട്ടിൻ ജോസഫ്.
