Advertisement
കോഴിക്കോട്. താമരശ്ശേരിയിൽ ഒറ്റക്ക് താമസിക്കുന്ന വയോധികയെ അക്രമിച്ച് സ്വർണവും പണവും കവർന്നു.താമരശ്ശേരി കതിരോട് സ്വദേശി വൽസല യുടെ വീട്ടിലാണ് മോഷണം നടന്നത്.7 പവനും, ഒരു ലക്ഷം രൂപയുമാണ് മോഷണം പോയത്.താമരശ്ശേരി പോലീസ് അന്വേഷണം ആരംഭിച്ചു.
താമരശ്ശേരി കതിരോട് ഒറ്റക്ക് താമസിക്കുന്ന വൽസലയുടെ വീട്ടിലാണ് മോഷണം നടന്നത.മെയിൻ സ്വിച്ച് ഓഫാക്കി മുഖത്ത് തുണിയിട്ട് വൽസലയെ നിലത്ത് തള്ളിയിട്ടാണ് മോഷണം.കാലിലെ പാദസരം കൈക്കലാക്കിയ ശേഷം അലമാരയിൽ സൂക്ഷിച്ച മൂന്നു വള, രണ്ടു മോതിരം, ഒരു ലക്ഷം രൂപയുമാണ് മോഷ്ട്ടാവ് കൊണ്ടുപോയത്.
മോഷ്ടാവ് രക്ഷപ്പെട്ട ശേഷം വൽസല ഫോണിൽ വിവരമറിയിച്ചതിനെ തുടർന്ന് സ്ഥലത്തെത്തിയ ബന്ധുക്കൾ തിരച്ചിൽ നടത്തിയെങ്കിലും മോഷ്ടാവിനെ കണ്ടെത്താനായില്ല.താമരശ്ശേരി പോലീസ് കേസെടുത്തു അന്വേഷണം ആരംഭിച്ചു.ഡോഗ് സ്കോഡും,ഫോറൻസിക് സംഘവും പരിശോധന നടത്തി.
Advertisement
