Advertisement
കൊച്ചി.പാലക്കാട് ശ്രീനിവാസൻ വധക്കേസിൽ നാലു പ്രതികള്ക്ക് കൂടി ഹൈക്കോടതി ജാമ്യം അനുവദിച്ചു.അൻസാർ, ബിലാൽ,റിയാസ്, സഹീർ എന്നിവർക്കാണ് ഹൈക്കോടതി ജാമ്യം നൽകിയത്. നിരോധിത സംഘടനയായ പോപ്പുലർ ഫ്രണ്ടിന്റെ പ്രവർത്തകരാണ് ഇവരെന്നായിരുന്നു എൻഐഎയുടെ വാദം. ജസ്റ്റിസ് രാജ വിജയരാഘവൻ ഉള്പ്പെട്ട ഡിവിഷൻ ബെഞ്ചാണ് പ്രതികള്ക്ക് ജാമ്യം നൽകി ഉത്തരവിട്ടത്. നേരത്തെ 17 പേർക്ക് ഹൈകോടതി ജാമ്യം അനുവദിച്ചിരുന്നു. കേസിന്റെ വിചാരണ താൽക്കാലികമായി സ്റ്റേ ചെയ്തിരിക്കുകയാണ്. അന്വേഷണം പൂർത്തിയായ പശ്ചാത്തലത്തിലാണ് നാലു പേർക്ക് ജാമ്യം ലഭിച്ചത്.
2022 ഏപ്രിൽ 16നായിരുന്നു ആര്എസ്എസ് പ്രവര്ത്തകനായ ശ്രീനിവാസൻ കൊല്ലപ്പെടുന്നത്.
Advertisement
