കൊച്ചി: താരസംഘടനയുടെ പ്രസിഡൻ്റ് ആകാൻ സാധ്യതയുള്ള നടി ശ്വേത മേനോൻ സാമ്പത്തിക ലാഭത്തിനു വേണ്ടി അശ്ലീല രംഗങ്ങളില് അഭിനയിച്ചെന്ന പരാതി.
പരാതിയിൽ നടി ശ്വേത മേനോനെതിരെ എറണാകുളം സെൻട്രൽ പോലീസാണ് കേസ് രജിസ്റ്റർ ചെയ്തിരിക്കുന്നത്.
മാർട്ടിൻ മെനാച്ചേരി എന്നയാളുടെ പരാതിയില് എറണാകുളം സിജെഎം കോടതിയുടെ നിർദേശത്തെ തുടർന്നാണ് നടപടി.
അനാശാസ്യ നിരോധന നിയമപ്രകാരവും ഐടി ആക്ട് 67 (എ) പ്രകാരവുമാണ് കേസെടുത്തിരിക്കുന്നത്. പ്രതി സാമ്പത്തിക ലാഭത്തിനു വേണ്ടി ഗൂഢ ഉദ്ദേശ്യത്തോടെ സിനിമയിലും പരസ്യങ്ങളിലും ഉള്പ്പെടെ നഗ്നത പ്രദർശിപ്പിച്ച് അഭിനയിച്ചു.
സോഷ്യല് മീഡിയയിലൂടെയും പോണ് സൈറ്റുകളിലൂടെയും ദൃശ്യങ്ങള് പ്രചരിപ്പിച്ച് വരുമാനം നേടി തുടങ്ങിയ ആരോപണങ്ങളാണ് പോലീസ് എഫ്ഐആറില് രേഖപ്പെടുത്തിയിരിക്കുന്നത്.
ശ്വേത അഭിനയിച്ച ഗർഭനിരോധന ഉറയുടെ പരസ്യവും രതിനിർവേദം, പാലേരി മാണിക്യം, കളിമണ്ണ് തുടങ്ങിയ സിനിമകളുമാണ് പരാതിക്കാരൻ അശ്ലീല രംഗങ്ങളായി പരാതിയില് ഉന്നയിച്ചിട്ടുള്ളത്.
താരസംഘടനയായ അമ്മയുടെ പ്രസിഡന്റ് സ്ഥാനത്തേക്ക് മത്സരിക്കാനൊരുങ്ങവെയാണ് ശ്വേതക്കെതിരെ ആരോപണമുയർന്നിരിക്കുന്നത്. സംഭവത്തെ നിയമപരമായി നേരിടാനൊരുങ്ങുകയാണ് ശ്വേതയുമായി അടുത്ത സുഹൃത്തുകൾ.
