കൊല്ലം:സംസ്ഥാന സെക്രട്ടറി ബിനോയ് വിശ്വത്തിന് എതിരെ സി പി ഐ കൊല്ലം ജില്ലാ സമ്മേളനത്തിൽ അതിരൂക്ഷ വിമർശനം.
വിനയം കൊണ്ട് വിശ്വത്തോളം വളരാമെന്ന് സെക്രട്ടറി കരുതരുതെന്ന് സമ്മേളന ചർച്ചയിൽ പങ്കെടുത്ത പ്രതിനിധികൾ വിമർശിച്ചു.
നിലപാടുകളാണ് കമ്മ്യൂണിസ്റ്റ് പാർട്ടിയുടെ യശസ് ഉയർത്തിപ്പിടിക്കുന്നത് എന്ന ബോധ്യം വേണം.
സംസ്ഥാനഅസി.സെക്രട്ടറിമാർ പരാജയമാണ്.
ജനങ്ങൾക് അവരെ അറിയില്ല.പാർട്ടി സെക്രട്ടറി,അസി: സെക്രട്ടറി, രാജ്യസഭ എം പി മാർ എന്നിവർ മലബാറിൽ നിന്നുള്ളവരാണെന്നും വിമർശനം വന്നു.
കഴിഞ്ഞ തവണ മന്ത്രിമാരെ സംസ്ഥാനഎക്സിക്യൂട്ടീവിൽ നിന്നും ഒഴിവാക്കി, ഇത്തവണ മന്ത്രിമാരെ ഉൾപ്പെടുത്തി.
ചെരുപ്പിന് അനുസരിച്ച് കാല് മുറിക്കുന്നതു പോലെ ആണ് നോംസ് ഉണ്ടാക്കുന്നത്.
വിരമിച്ചവരെ പി എസ് സി, റിക്രൂട്ട് ബോർഡ് മെമ്പർമാരായി പരിഗണിക്കുന്നു.
കേഡർമാരെ
പരിഗണിക്കുന്നില്ലന്നും പരാതി ചർച്ചയിൽ ഉയർന്ന് കേട്ടു.
റവന്യൂ ,വിദ്യാഭ്യാസ, വ്യവസായ ,ഗതാഗത മന്ത്രിമാരുടെ പ്രവർത്തനം മികച്ചത്.
കെ രാജന് ഒഴികെ സി പി ഐ മന്ത്രിമാർക്കും വിമർശനം ഉണ്ടായി.
ഒരു കാര്യമില്ലാത്ത ചില മന്ത്രിമാർ.
അവരെ പറഞ്ഞിട്ട് കാര്യമില്ലെന്നും, അവരെ കൊണ്ട് ഒക്കത്തത് എടുത്ത് അവരുടെ കയ്യിൽ കൊടുത്തതാണ് പ്രശ്നമെന്നും വിമർശനം ഉയർന്നു.വിലക്കയറ്റം പിടിച്ച് നിർത്താൻ ശ്രമിക്കുന്നില്ലന്നുംസംസ്ഥാന നേത്യത്വത്തിന്റെ സ്തുതിപാടകർക്ക് പദവികൾ നൽകുന്നുവെന്നും ചർച്ചയിൽ പങ്കെടുത്ത പ്രതിനിധികൾ കുറ്റപ്പെടുത്തി.
