വനിതാ പോലീസിനെ ഫോൺ വിളിച്ച് അശ്ലീലം പറയുന്ന യുവാവ് അറസ്റ്റിൽ

511
Advertisement

തിരുവനന്തപുരം. വനിതാ പോലീസിനെ ഫോൺ വിളിച്ച് അശ്ലീലം പറയുന്ന യുവാവ് അറസ്റ്റിൽ. കഴക്കൂട്ടം മേനംകുളം സ്വദേശി ജോസ് (35)ആണ് പിടിയിലായത്. ഇന്റർനെറ്റിൽ നിന്നും നമ്പർ ശേഖരിച്ച് ഫോൺ വിളിച്ച് അശ്ലീലം പറയുന്നതാണ് രീതി. ഐജി മുതൽ സി പി ഓ വരെയുള്ള വനിത ഉദ്യോഗസ്ഥരെ ഇയാൾ അശ്ലീലം പറഞ്ഞിട്ടുണ്ട്.

ഒടുവിൽ പിടിയിലായത് വനിതാ ബറ്റാലിയനിൽ വിളിച്ച് അശ്ലീലം പറഞ്ഞതിനാണ്. കഴക്കൂട്ടം പോലീസ് ജോസിനെ പിടികൂടിയത് എറണാകുളത്തുനിന്ന്. കഴക്കൂട്ടം സ്റ്റേഷനിലെ റൗഡി ലിസ്റ്റിൽ പെട്ട ജോസ് ഇത്തരത്തിലുള്ള 20 ഓളം കേസുകളിൽ പ്രതിയാണ്. പലതവണ ജയിൽവാസം അനുഭവിച്ചിട്ടും ഇയാൾ ഹോബി മാറ്റിയില്ല. എറണാകുളത്തും തിരുവനന്തപുരത്തും മോഷണ കേസുകളും ഇയാൾക്കെതിരെയുണ്ട്

രണ്ടുതവണ പോലീസ് പിടികൂടിയപ്പോഴും ഇയാൾ കസ്റ്റഡിയിൽ നിന്നും രക്ഷപ്പെട്ടതിനും കേസുണ്ട്. ഒടുവിൽ കഴക്കൂട്ടത്ത് പിടിയിലായപ്പോഴും യാതൊരു ഭാവ വ്യത്യാസമില്ലാതെയാണ് ജോസിന്റെ നിൽപ്പ്. ജയിൽ വാസം കഴിഞ്ഞ് വീണ്ടും പുറത്തിറങ്ങിയാലും ഇതേ ഹോബി തുടരുന്ന ജോസിനെ എങ്ങനെ നേരെയാക്കുമെന്നറിയാതെ വലയുകയാണ് പൊലീസ്.

പ്രതിയെ നാളെ കോടതിയിൽ ഹാജരാക്കും

Advertisement