പാലക്കാട്. സർവീസ് സംഘടന നേതാവിന്റെ വിരമിക്കൽ ചടങ്ങിന്റെ ഫോട്ടോയിൽ നിന്ന് ജില്ലാ സെക്രട്ടറി കെ പി സുരേഷ് രാജിനെ
മുതിർന്ന നേതാവ് കെ ഇ ഇസ്മയിൽ പച്ച നിറം ഉപയോഗിച്ച് മായിച്ചു കളഞ്ഞു സമൂഹമാധ്യമ ഗ്രൂപ്പിൽ പോസ്റ്റ് ചെയ്തു.
സിപിഐയുടെ ഔദ്യോഗിക whatsapp ഗ്രൂപ്പിൽ ആണ് ഇസ്മയിൽ ഫോട്ടോ പോസ്റ്റ് ചെയ്തത്.
അതേസമയം ചിത്രത്തെക്കുറിച്ച് അറിയില്ല എന്നാണ് കെ ഇ ഇസ്മയിൽ വിശദീകരിക്കുന്നത്.
ഷോർണൂർ ഗവൺമെൻറ് പ്രസ്സിൽ നിന്ന് വിരമിച്ച സർവീസ് സംഘടന നേതാവ് കെ വിജയകുമാറിന്റെ യാത്രയയപ്പ് ചടങ്ങിന് എടുത്ത ഫോട്ടോയാണ് കെ ഇ ഇസ്മായിൽ സിപിഐയും ഔദ്യോഗിക വാട്സ്ആപ്പ് ഗ്രൂപ്പിൽ പോസ്റ്റ് ചെയ്തത് പക്ഷെ ഫോട്ടോയിൽ വിജയകുമാറിന് ഉപഹാരം നൽകുന്ന ജില്ലാ സെക്രട്ടറി കെ പി സുരേഷ് രാജിനെ പച്ചയടിച്ച് മായ്ച്ചു എന്ന് മാത്രം.സിപിഐയുടെ മണ്ഡലം കമ്മിറ്റി ജില്ലാ കമ്മിറ്റി അംഗങ്ങളുടെ വാട്സ്ആപ്പ് ഗ്രൂപ്പിൽ ആണ് മുതിർന്ന നേതാവിൻറെ പോസ്റ്റ്’
ഇതോടെ രൂക്ഷമായ വിമർശനവും ഇസ്മയിലിനെതിരെ ഉയർന്നു.
പാലക്കാട് ജില്ലയിൽ സിപിഐ വിമതരുടെ കൂട്ടായ്മയായ സേവ് സിപിഐയുടെ ഭാഗമാണ് ഇസ്മയിൽ എന്ന തരത്തിലാണ് കെ പി സുരേഷ് രാജിനെ അനുകൂലിക്കുന്നവരുടെ പ്രതികരണം.
അതേസമയം തന്റേത് പുതിയ ഫോൺ ആണെന്നും ഫോട്ടോ എങ്ങനെ വാട്സ്ആപ്പ് ഗ്രൂപ്പിൽ വന്നു എന്ന് അറിയില്ല എന്നുമാണ് ഇസ്മായിൽ വിശദീകരിക്കുന്നത്.
സിപിഐ എറണാകുളം ജില്ലാ മുൻ സെക്രട്ടറി പിരാജുവിൻറെ മരണവുമായി ബന്ധപ്പെട്ട വിവാദത്തിൽ ഇസ്മായിലിനെ പാ൪ട്ടി സസ്പെൻഡ് ചെയ്തിരിക്കുകയാണ് . അടുത്തമാസം വടക്കഞ്ചേരിയിലാണ് സിപിഐ പാലക്കാട് ജില്ലാ സമ്മേളനം നടക്കുന്നത്.
