Advertisement
തൃശൂർ. 2024 മെയ് മാസത്തിൽ യുവാവിനെ തട്ടിക്കൊണ്ടുപോയി മർദിച്ച കേസിൽ ഒളിവിലായിരുന്ന യുവാവ് എംഡിഎംഎയുമായി അറസ്റ്റിൽ. കേസിന് പിന്നാലെ ഒളിവിൽ പോയ പുലാമന്തോൾ ചെമ്മല സ്വദേശി ഉമറുൽ ഫാറൂഖ് ആണ് പിടിയിലായത്. 01.97 എംഡിഎംഎ ഉമറുൽ ഫാറൂഖിന്റെ കൈവശം ഉണ്ടായിരുന്നു. മേലെപട്ടാമ്പി മാർക്കറ്റിന് സമീപത്ത് നിന്നാണ് പ്രതി പിടിയിലായത്. മാസങ്ങളായി പ്രതി കൊച്ചിയിൽ ഒളിവിൽ കഴിയുകയായിരുന്നു.സാമ്പത്തിക വിഷയത്തെ തുടർന്ന് മെയ് മാസത്തിൽ മുതു മലയിൽ നിന്ന് യുവാവിനെ തട്ടിക്കൊണ്ടുപോകാൻ ശ്രമം നടത്തിയിരുന്നു. എന്നാൽ പ്രതികൾക്ക് ആളുമാറിയതിനെ തുടർന്ന് കാറിൽ പിടിച്ചുകയറ്റിയ യുവാവിനെ തൊട്ടടുത്ത പ്രദേശത്ത് ഇറക്കിവിട്ടു. യുവാവ് നൽകിയ പരാതിയിൽ രണ്ടു പ്രതികളെ നേരത്തെ അറസ്റ്റ് ചെയ്തിരുന്നു.
Advertisement
