കോഴിക്കോട്. പേരാമ്പ്രയിൽ തെരുവ് നായയുടെ ആക്രമണം. 11 പേർക്ക് കടിയേറ്റു.
പരിക്കേറ്റവർ കോഴിക്കോട് മെഡിക്കൽ കോളേജിൽ ഉൾപ്പെടെ ചികിത്സ തേടി. രാവിലെ മുതൽ വൈകിട്ട് വരെയുള്ള സമയങ്ങളിലായിരുന്നു ആക്രമണം.
സ്ത്രീകളും കുട്ടികളും തൊഴിലാളികളും ഉൾപ്പെടെയുള്ളവർക്കാണ് തെരിവ് നായയുടെ കടിയേറ്റത്. ഉത്തർപ്രദേശ് സ്വദേശി ഉബൈന്ത്, പേരാമ്പ്ര സ്വദേശികളായ നിജിത്ത്, രജീഷ്, സുമ, ഗീത, അനിൽ കുമാർ തുടങ്ങി ആറുപേർക്കാണ് രാവിലെ പേരാമ്പ്ര നഗരത്തിൽ വച്ച് കടിയേറ്റത്. ഇവർ കോഴിക്കോട് മെഡിക്കൽ കോളേജിൽ നിസ്സാര പരുക്കുകളോടെ ചികിത്സ തേടിയിരുന്നു.
വൈകിട്ട് 5 മണിയോടെ പേരാമ്പ്ര വെജിറ്റബിൾ മാർക്കറ്റിന് സമീപത്ത് നിന്നും വീണ്ടും 5 പേർക്കുകൂടി കടിയേറ്റു. പൈതോത് സ്വദേശി കാസിം, ബാലൻ, എരവട്ടൂർ സ്വദേശി ബാലകൃഷ്ണൻ, കൈപ്രം സ്വദേശി ബാലകൃഷ്ണൻ, ഇബ്രാഹിം എന്നിവർക്കാണ് പരിക്കേറ്റത്. ഒരു ദിവസം ഇത്രയും അധികം ആളുകൾക്ക് കടിയേറ്റത്തോടെ ജനങ്ങളും ജാഗ്രതയിലാണ്. അക്രമകാരികളായ തെരുവുനായ്ക്കളെ പിടികൂടാനുള്ള ശ്രമം തദ്ദേശസ്ഥാപന അധികൃതരും ആരംഭിച്ചു.
REP PIC
