Advertisement
കോഴിക്കോട്.2020ലെ വിമാന അപകടത്തെ തുടർന്ന് കരിപ്പൂരിലേക്കുള്ള സർവീസ് നിർത്തിവെച്ച സൗദി എയർലൈൻസ് ഇന്നുമുതൽ സർവീസ് പുനരാരംഭിക്കും. ആദ്യ ഘട്ടത്തിൽ റിയാദ് – കോഴിക്കോട് സെക്ടറിലാണ് സർവീസ്. ആഴ്ചയിൽ ഞായർ, ചൊവ്വ, വ്യാഴം, ശനി ദിവസങ്ങളിൽ സർവീസ് ഉണ്ടാകും.
പുലർച്ചെ 1:20-ന് റിയാദിൽ നിന്ന് പുറപ്പെടുന്ന വിമാനം രാവിലെ 8:35-ന് കരിപ്പൂരിലെത്തും. തിരികെ 9:45-ന് കരിപ്പൂരിൽ നിന്ന് പുറപ്പെട്ട് ഉച്ചയ്ക്ക് 12:50-ന് റിയാദിലെത്തുന്ന രീതിയിലാണ് സർവീസ് ക്രമീകരിച്ചിരിക്കുന്നത്. കരിപ്പൂരിൽ വലിയ വിമാനങ്ങൾക്ക് ഏര്പ്പെടുത്തിയ റൺവേ നിയന്ത്രണങ്ങൾ നിലനിൽക്കുന്നതിനാൽ ഇടത്തരം വലുപ്പമുള്ള അത്യാധുനിക എയർ ബസ് എ321 നിയോ വിമാനങ്ങളായിരിക്കും സർവീസ് നടത്തുക.
Advertisement
