Advertisement
പത്തനംതിട്ട: ബലാത്സംഗക്കേസില് അറസ്റ്റിലായ രാഹുല് മാങ്കൂട്ടത്തില് എംഎല്എയെ എസ്ഐടി കസ്റ്റഡിയില് വിട്ടു കോടതി. പൊലീസ് നല്കിയ അപേക്ഷ പരിഗണിച്ചാണ് തിരുവല്ല മജിസ്ട്രേറ്റ് കോടതിയുടെ നടപടി. മൂന്നു ദിവസത്തേക്കാണ് കസ്റ്റഡിയില് വിട്ടത്. രാഹുലിനെ ഇന്ന് കോടതിയില് നേരിട്ടു ഹാജരാക്കിയിരുന്നു. കസ്റ്റഡിയില് ലഭിച്ചതോടെ രാഹുലുമായി ഉടന് എസ്ഐടി സംഘം തെളിവെടുപ്പ് ആരംഭിക്കും. രാഹുലിന്റെ ജാമ്യാപേക്ഷ 16ന് പരിഗണിക്കും.
പീഡനം നടന്ന പത്തനംതിട്ടയിലെ ഹോട്ടലിലടക്കം രാഹുലിനെ എത്തിച്ച് തെളിവെടുക്കാനാണ് പൊലീസിന്റെ തീരുമാനം. അതിജീവിതയുടെ ദൃശ്യങ്ങള് ചിത്രീകരിച്ച മൊബൈലും ലാപ്ടോപ്പും ഉള്പ്പെടെ കണ്ടെത്താനുണ്ട്. ഇതിനായി അടൂരും പാലക്കാടും രാഹുലിനെ എത്തിച്ച് തെളിവെടുപ്പ് നടത്തുമെന്നാണ് വിവരം.
Advertisement
