പട്ടകടവ് :പട്ടകടവ് പബ്ലിക് ലൈബ്രറിയുടെ നേതൃത്വത്തിൽ പ്രതിഭാ സംഗമവും പഠനോപകരണ വിതരണവും സംഘടിപ്പിച്ചു.യോഗം ബഹുമാനപ്പെട്ട കൊല്ലം ജില്ലാ പഞ്ചായത്ത് പ്രസിഡൻറ് ഡോക പി കെ ഗോപൻ ഉദ്ഘാടനം ചെയ്തു യോഗത്തിൽ ഗ്രന്ഥശാല പ്രസിഡൻറ് ശ്രീ എൽ ജി ജോൺസൻ്റെഅധ്യക്ഷതയിൽ കൂടിയ യോഗത്തിൽസെക്രട്ടറി A’സാബു സ്വാഗതവും ബ്ലോക്ക് പഞ്ചായത്ത് സ്റ്റാൻഡിങ് കമ്മിറ്റി ചെയർമാൻ രതീഷ്,പടിഞ്ഞാറേ ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ ശ്രീ ഉഷാലയം ശിവരാജൻ ,വാർഡ് മെമ്പർ ശ്രീമതി സുനിതാ ദാസ് എന്നിവർ ചേർന്ന് അവാർഡ് വിതരണവും പഠനോപകരണ വിതരണവും നടത്തി ലൈബ്രറി കൗൺസിൽ പഞ്ചായത്ത് തല നേതൃസമിതി കൺവീനർ ജി ശങ്കരപ്പിള്ള,ഡി ജോസ് പ്രസാദ്,അഖിൽ,നീതു മോഹൻ,ഗോഡ്സെൻ എന്നിവർ പ്രസംഗിച്ചു

കുന്നത്തൂർ:മഴയ്ക്കൊപ്പം ആഞ്ഞു വീശിയ ശക്തമായ കാറ്റിൽ കുന്നത്തൂർ ഗ്രാമപഞ്ചായത്തിലെ ഐവർകാല നാലാം വാർഡ് തലയാറ്റ് സജീഭവനത്തിൽ തങ്കമ്മ ജോണിന്റെ വീടിന് മുകളിലേക്ക് തെങ്ങ് വീണ് മേൽക്കൂര തകർന്നു കഴിഞ്ഞ ദിവസം ഉച്ചയോടെയാണ് സംഭവം.ശക്തമായ മഴ വന്നപ്പോൾ തൊട്ടടുത്തുള്ള മകന്റെ വീട്ടിലേക്ക് പോയതിനാലാണ് വയോധികയായ തങ്കമ്മ ജോൺ അപകടത്തിൽ നിന്നും രക്ഷപ്പെട്ടത്.വീടിന്റെ മേൽക്കൂര പരിപൂർണ്ണമായി തകരുകയും ഭിത്തികളും മറ്റും വിണ്ടുകീറുകയും ചെയ്തു.സംഭവസ്ഥലം കുന്നത്തൂർ ഗ്രാമപഞ്ചായത്ത് വൈസ് പ്രസിഡന്റ് ബിനേഷ് കടമ്പനാട്, കുന്നത്തൂർ വില്ലേജ് ഓഫീസർ സോജി കെ.എം സന്ദർശിച്ചു.

ശാസ്താംകോട്ട:വിവിധ ആവശ്യങ്ങൾ ഉന്നയിച്ച് പൊതുമേഖലാ സ്ഥാപനങ്ങളായ കശുവണ്ടി വികസന കോർപ്പറേഷൻ്റെയും കാപ്പക്സിൻ്റെയും ഹെഡ് ഓഫീസുകൾ ഉപരോധിക്കുവാൻ സൗത്ത് ഇന്ത്യൻ കാഷ്യൂ വർക്കേഴ്സ് കോൺഗ്രസ് (ഐഎൻടിയുസി) സംസ്ഥാന നിർവാഹക സമിതി യോഗം തീരുമാനിച്ചു.കശുവണ്ടി വ്യവസായത്തിലെ സ്റ്റാഫ് അംഗങ്ങളുടെ ദീർഘകാല കരാർ അടിസ്ഥാനത്തിലുള്ള ശമ്പള വർദ്ധനവ് ഉടൻ നടപ്പിലാക്കുക,കോർപ്പറേഷൻ ഫാക്ടറി ജീവനക്കാർക്ക് നിയമാനുസരണം അനുവദനീയമായിട്ടുള്ള ലീവ് ആനുകൂല്യങ്ങൾ നൽകുക,കശുവണ്ടി വികസന കോർപ്പറേഷനിൽ നടന്ന സ്ഥലംമാറ്റ ഉത്തരവിലും തിരുത്തിയ ഉത്തരവിലും നടന്ന രാഷ്ട്രീയ പകപോക്കലും സ്വജനപക്ഷപാതവും അവസാനിപ്പിക്കുക,കാഷ്യൂ കോർപ്പറേഷനിലെ ഹെഡ് ഓഫീസ് ജീവനക്കാരുടെ പ്രമോഷനിൽ മാനദണ്ഡങ്ങൾ മറികടന്ന് രാഷ്ട്രീയ ലക്ഷ്യത്തോടെത്തോടെ സിഐടിയു യൂണിയൻ അംഗങ്ങൾക്ക് മാത്രം നൽകിവരുന്ന അനധികൃത പ്രമോഷൻ നിർത്തലാക്കുക,ഐആർസി മാനദണ്ഡങ്ങൾ പാലിക്കാതെ തൊഴിലാളികളിൽ നിന്നും നൽകിയ ബോണസ് തിരികെ പിടിക്കുന്നത് അവസാനിപ്പിക്കുക, കശുവണ്ടി വികസന കോർപ്പറേഷൻ,കാപ്പക്സ് എന്നീ സ്ഥാപനങ്ങളിൽ ജീവനക്കാർക്ക് നൽകാനുള്ള മുടങ്ങിക്കിടക്കുന്ന ഗ്രാറ്റുവിറ്റി ഉടൻ വിതരണം ചെയ്യുക, തൊഴിലാളികൾക്ക് ഇഎസ്ഐ ആനുകൂല്യം ലഭിക്കുന്നതിനുള്ള ഹാജർനില 78 എന്നത് മാറ്റി 6 മാസ കോൺട്രിബൂഷൻ പീരീഡിലേതു 45 ആക്കിയും ഒരു വർഷ കോൺട്രിബൂഷൻ പീരീഡിലേതു 90 ആയും പുതുക്കി നിച്ഛയിക്കുക.കശുവണ്ടി വ്യവസായ മേഖലയിൽ തൊഴിലാളികൾക്ക് ആശ്വാസധനം നൽകുക എന്നീ ആവശ്യങ്ങൾ ഉന്നയിച്ചു കൊണ്ടാണ് സമര രംഗത്തേക്ക് എത്തുന്നത്.ഭരണിക്കാവ് കോൺഗ്രസ് ഭവനിൽ ചേർന്ന യോഗത്തിൽ യൂണിയൻ പ്രസിഡന്റ് അഡ്വ.ശൂരനാട് ശ്രീകുമാർ അധ്യക്ഷത വഹിച്ചു. യൂണിയൻ വർക്കിംഗ് പ്രസിഡന്റ് പെരിനാട് മുരളി,ജനറൽ സെക്രട്ടറിമാരായ ഒ.ബി രാജേഷ്,പി.മോഹൻലാൽ,ചന്ദ്രൻ കല്ലട, അയത്തിൽ വിക്രമൻ,കായംകുളം മേഖലാ സെക്രട്ടറി എരുവ വിജയകുമാർ,കരുനാഗപ്പള്ളി മേഖല സെക്രട്ടറി ശിവപ്രസാദ്,ചിറ്റുമല മേഖലാ സെക്രട്ടറി വിനോദ് വില്യത്ത്,ഇരവിപുരം മേഖലാ സെക്രട്ടറി മുനീർ ബാനു, കൊട്ടാരക്കര മേഖല സെക്രട്ടറി ചെങ്ങമനാട് വിജയൻപിളള,യൂണിയൻ സംസ്ഥാന സമിതി അംഗങ്ങളായ സരസചന്ദ്രൻപിള്ള,കാട്ടിൽ ബാബു,നജീം കണ്ണനല്ലൂർ,കൊട്ടിയം സന്തോഷ്,ചാത്തന്നൂർ ബാബുക്കുട്ടൻ,സുരേഷ് ഇടമുളക്കൽ, കുണ്ടറ ഷറഫ്,ഭരണിക്കാവ് ശിവൻ പിള്ള,കുന്നത്തൂർ അജി,ഷാജി പുത്തൂർ,സിന്ധു അയത്തിൽ,ഷംല, പാൽകുളങ്ങര ഗീത,അമ്പിളി തുടങ്ങിയർ സംസാരിച്ചു.

ശൂരനാട്:കേരള പ്രദേശ് ഗാന്ധി ദർശൻ വേദി കുന്നത്തൂർ നിയോജകമണ്ഡലം കമ്മിറ്റിയുടെ ആഭിമുഖ്യത്തിൽ പരിസ്ഥിതിവാരാഘോങ്ങളുടെ ഭാഗമായി
പരിസ്ഥിതി കൂട്ടായ്മയും പ്രതിഭാസംഗമവും സംഘടിപ്പിച്ചു.പ്ലാസ്റ്റിക് ഉപയോഗം ഘട്ടംഘട്ടമായി കുറച്ച് പരിസ്ഥിതി സൗഹൃദ ജീവിതത്തിലേക്ക് വരണമെന്നും പരിസ്ഥിതി സംരക്ഷണം ജീവിതത്തിന്റെ ഭാഗമാക്കണമെന്നും യോഗം ഉദ്ഘാടനം ചെയ്തു കൊണ്ട്
ശൂരനാട് വടക്ക് ഗ്രാമപഞ്ചായത്ത്‌ പ്രസിഡന്റ്‌ എസ്.ശ്രീകുമാർ പറഞ്ഞു.ആനയടി പാലം ജംഗ്ഷനിൽ സംഘടിപ്പിച്ച ചടങ്ങിൽ ഗാന്ധി ദർശൻ വേദി നിയോജകമണ്ഡലം ചെയർമാൻ അരുൺ ഗോവിന്ദ് അദ്യക്ഷത വഹിച്ചു. ഉല്ലാസ് കോവൂർ,വി.വേണുഗോപാലകുറുപ്പ്, പ്രസന്നർ വില്ലാടൻ,ആർ.നളിനക്ഷൻ,പേരയിൽ നാസർ,സുനിൽ വല്ലോനി,രാജൻ ഡാനിയേൽ,ശൂരനാട് രാജേന്ദ്രൻ എന്നിവർ സംസാരിച്ചു