ചെന്നൈ: മണ്ഡല കാലത്തോടനുബന്ധിച്ച് പ്രത്യേക തീവണ്ടികള്‍ പ്രഖ്യാപിച്ച് ദക്ഷിണറെയില്‍വേ. ആഴ്ചതോറും സര്‍വീസ് നടത്തുന്ന അഞ്ച് പ്രത്യേക തീവണ്ടികളാണ് പ്രഖ്യാപിച്ചിട്ടുള്ളത്. കൂടുതല്‍ സര്‍വീസുകള്‍ വരും ദിവസങ്ങളില്‍ പ്രഖ്യാപിക്കുമെന്നും ദക്ഷിണറെയില്‍വേ അറിയിച്ചിട്ടുണ്ട്. റിസര്‍വേഷന്‍ നവംബര്‍ നാലിന് രാവിലെ എട്ടുമണി മുതല്‍ ആരംഭിക്കും.

പ്രഖ്യാപിച്ചിട്ടുള്ള പ്രത്യേക തീവണ്ടികള്‍

1. 0611/06112 ചെന്നൈ എഗ്മോര്‍-കൊല്ലം-ചെന്നൈ എഗ്മോര്‍

നവംബര്‍ 14നാണ് സര്‍വീസ് ആരംഭിക്കുന്നത്. വെള്ളിയാഴ്ച രാത്രി 11.55 ന് എഗ്മോറില്‍ നിന്ന് സര്‍വീസ് ആരംഭിച്ച് പിറ്റേദിവസം വൈകീട്ട് 4.30 ന് കൊല്ലത്ത് എത്തുന്ന രീതിയിലാണ് സമയം ക്രമീകരിച്ചിരിക്കുന്നത്. തിരിച്ച് ശനിയാഴ്ച രാത്രി 7.35 ന് കൊല്ലത്ത് നിന്ന് സര്‍വീസ് ആരംഭിക്കുന്ന ട്രെയിന്‍ ഞായറാഴ്ച ഉച്ചയ്ക്ക് 12 മണിക്ക് ചെന്നൈ എഗ്മോറില്‍ എത്തിച്ചേരും. 10 സര്‍വീസുകളാണ് ക്രമീകരിച്ചിരിക്കുന്നത്. എഗ്മോര്‍-കൊല്ലം പ്രത്യേക തീവണ്ടി ജനുവരി 16 വരെയും കൊല്ലം -എഗ്മോര്‍ പ്രത്യേക തീവണ്ടി ജനുവരി 17 വരെയുമാണ് സര്‍വീസ് നടത്തുക. ചെന്നൈ എഗ് മോര്‍, പേരാമ്പൂര്‍,തിരുള്ളൂര്‍, ആറക്കോണം, കട്പാടി, ജോലാര്‍പേട്ട, സേലം, ഈറോട്, തിരുപ്പൂര്‍, പോത്തനൂര്‍, പാലക്കാട്, തൃശൂര്‍, എറണാകുളം ടൗണ്‍, കോട്ടയം, തിരുവല്ല, ചെങ്ങന്നൂര്‍, കായംകുളം, കോട്ടയം എന്നിവടങ്ങളിലായിരിക്കും സ്റ്റോപ്പ്.

2. 06113/06114 ചെന്നൈ സെന്‍ട്രല്‍-കൊല്ലം-ചെന്നൈ സെന്‍ട്രല്‍

നവംബര്‍ 16 ഞായറാഴ്ച രാത്രി 11.50 ന് ചെന്നൈ സെന്‍ട്രല്‍ റെയില്‍വേ സ്റ്റേഷനില്‍ നിന്ന് സര്‍വീസ് ആരംഭിക്കുന്ന ട്രെയിന്‍ പിറ്റേദിവസം വൈകീട്ട് 4.30 കൊല്ലത്ത് എത്തും. കൊല്ലത്ത് നിന്ന് തിങ്കളാഴ്ച വൈകീട്ട് 5.30 ന് സര്‍വീസ് ആരംഭിക്കുന്ന ട്രെയിന്‍ പിറ്റേന്ന് 11.30 ന് ചെന്നൈ സെന്‍ട്രലില്‍ എത്തും. എംജിആര്‍ സെന്‍ട്രല്‍, പേരാമ്പൂര്‍,തിരുള്ളൂര്‍, ആറക്കോണം, കട്പാടി, ജോലാര്‍പേട്ട, സേലം, ഈറോട്, തിരുപ്പൂര്‍, പോത്തനൂര്‍, പാലക്കാട്, തൃശൂര്‍, എറണാകുളം ടൗണ്‍, കോട്ടയം, തിരുവല്ല, ചെങ്ങന്നൂര്‍, കായംകുളം, കോട്ടയം എന്നിവടങ്ങളിലായിരിക്കും സ്റ്റോപ്പ്.

3. 06119/06220 എംജിആര്‍ സെന്‍ട്രല്‍-കൊല്ലം-എംജിആര്‍ സെന്‍ട്രല്‍ വീക്കിലി എക്സ്പ്രസ്

നവംബര്‍ 19 ബുധനാഴ്ച വൈകീട്ട് 3.10 ന് എംജിആര്‍ സെന്‍ട്രല്‍ റെയില്‍വേ സ്റ്റേഷനില്‍ നിന്നാണ് സര്‍വീസ് ആരംഭിക്കുന്ന ട്രെയിന്‍ പിറ്റേന്ന് രാവിലെ 6.40 ന് കൊല്ലത്ത് എത്തും. ജനുവരി 21 വരെ 10 സര്‍വീസുകളാണ് ഉണ്ടാവുക.

വ്യാഴാഴ്ച രാവിലെ 10.40 ന് കൊല്ലത്ത് നിന്ന് സര്‍വീസ് ആരംഭിക്കുന്ന ട്രെയിന്‍ പിറ്റേദിവസം പുലര്‍ച്ചെ 3.30 ന് ചെന്നൈ എംജിആര്‍ സെന്‍ട്രല്‍ റെയില്‍വേ സ്റ്റേഷനില്‍ എത്തും. ജനുവരി 22 വരെ 10 സര്‍വീസുകളാണ് നടത്തുക. എംജിആര്‍ സെന്‍ട്രല്‍, പേരാമ്പൂര്‍,തിരുള്ളൂര്‍, ആറക്കോണം, കട്പാടി, ജോലാര്‍പേട്ട, സേലം, ഈറോട്, തിരുപ്പൂര്‍, പോത്തനൂര്‍, പാലക്കാട്, തൃശൂര്‍, എറണാകുളം ടൗണ്‍, കോട്ടയം, തിരുവല്ല, ചെങ്ങന്നൂര്‍, കായംകുളം, കോട്ടയം എന്നിവടങ്ങളിലായിരിക്കും സ്റ്റോപ്പ്.

4. 06127/06128 എംജിആര്‍ സെന്‍ട്രല്‍-കൊല്ലം-എംജിആര്‍ സെന്‍ട്രല്‍ വീക്കിലി എക്സ്പ്രസ്

നവംബര്‍ 20 വ്യാഴാഴ്ച രാത്രി 11.50ന് എംജിആര്‍ സെന്‍ട്രല്‍ റെയില്‍വേ സ്റ്റേഷനില്‍ നിന്ന് സര്‍വീസ് ആരംഭിക്കുന്ന ട്രെയിന്‍ പിറ്റേദിവസം വൈകീട്ട് 4.30 ന് കൊല്ലത്തെത്തും. ജനുവരി 22 വരെ 10 സര്‍വീസുകള്‍ നടത്തും. മടക്കവണ്ടി പിറ്റേദിവസം വൈകീട്ട് 6.30 ന് കൊല്ലത്ത് നിന്ന് സര്‍വീസ് ആരംഭിക്കും. വെള്ളിയാഴ്ച രാവിലെ 11.30 ന് എംജിആര്‍ സെന്‍ട്രലില്‍ എത്തും. ജനുവരി 23 വരെ 10 സര്‍വീസുകളാണ് നടത്തുക. എംജിആര്‍ സെന്‍ട്രല്‍, പേരാമ്പൂര്‍,തിരുള്ളൂര്‍, ആറക്കോണം, കട്പാടി, ജോലാര്‍പേട്ട, സേലം, ഈറോട്, തിരുപ്പൂര്‍, പോത്തനൂര്‍, പാലക്കാട്, തൃശൂര്‍, എറണാകുളം ടൗണ്‍, കോട്ടയം, തിരുവല്ല, ചെങ്ങന്നൂര്‍, കായംകുളം, കോട്ടയം എന്നിവടങ്ങളിലായിരിക്കും സ്റ്റോപ്പ്.

5.06117/06118 എംജിആര്‍ സെന്‍ട്രല്‍-കൊല്ലം-എംജിആര്‍ സെന്‍ട്രല്‍ വീക്കിലി എക്സ്പ്രസ്

നവംബര്‍ 22 ശനിയാഴ്ച രാത്രി 11.30 എംജിആര്‍ സെന്‍ട്രല്‍ റെയില്‍വേ സ്റ്റേഷനില്‍ നിന്ന് സര്‍വീസ് ആരംഭിക്കുന്ന ട്രെയിന്‍ പിറ്റേദിവസം വൈകീട്ട് 4.30 ന് കൊല്ലത്തെത്തും. ഞായറാഴ്ച കൊല്ലത്ത് നിന്ന് വൈകീട്ട് 6.30 ന് സര്‍വീസ് ആരംഭിക്കുന്ന ട്രെയിന്‍ പിറ്റേദിവസം രാവിലെ 11.30 ന് എംജിആര്‍ സെന്‍ട്രല്‍ റെയില്‍വേ സ്റ്റേഷനില്‍ എത്തും. 10 സര്‍വീസുകളാണ് ക്രമീകരിച്ചിട്ടുള്ളത്. എംജിആര്‍ സെന്‍ട്രല്‍, പേരാമ്പൂര്‍,തിരുള്ളൂര്‍, ആറക്കോണം, കട്പാടി, ജോലാര്‍പേട്ട, സേലം, ഈറോട്, തിരുപ്പൂര്‍, പോത്തനൂര്‍, പാലക്കാട്, തൃശൂര്‍, എറണാകുളം ടൗണ്‍, കോട്ടയം, തിരുവല്ല, ചെങ്ങന്നൂര്‍, കായംകുളം, കോട്ടയം എന്നിവടങ്ങളിലായിരിക്കും സ്റ്റോപ്പ്.

കൊല്ലം: മുസ്ലിം ലീഗ് വര്‍ഗീയ പാര്‍ട്ടിയാണെന്ന് ആവര്‍ത്തിച്ച് എസ്എന്‍ഡിപി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍. ലീഗ് വര്‍ണക്കടലാസില്‍ പൊതിഞ്ഞ പൊട്ടാസ്യം സയനൈഡ് ആണ്. അവര്‍ക്ക് മനുഷ്യത്വമില്ല. അവര്‍ക്കാണോ നമ്മള്‍ വോട്ട് കൊടുക്കേണ്ടത്? അവരെ കൂട്ടുപിടിച്ച് നില്‍ക്കുന്നവരെ ജയിപ്പിച്ചാല്‍ നമ്മുടെ സ്ഥിതി എന്താകുമെന്നും വെള്ളാപ്പള്ളി ചോദിച്ചു. പുനലൂരില്‍ എസ്എന്‍ഡിപി നേതൃസംഗമത്തില്‍ സംസാരിക്കുകയായിരുന്നു അദ്ദേഹം.
മുസ്ലിം ലീഗിന്റെ ഭരണം വന്നാല്‍ നമ്മള്‍ നാടുവിടേണ്ടിവരും. നമ്മള്‍ ആത്മഹത്യ ചെയ്യേണ്ടിവരും. പേരില്‍ തന്നെ മുസ്ലിം കൂട്ടായ്മ എന്നുണ്ട്. എന്നിട്ട് മതേതര കൂട്ടായ്മ എന്ന് പറയും. മുസ്ലിം അല്ലാത്ത ഒരു എംഎല്‍എ ലീഗില്‍ ഉണ്ടോ എന്നും വെള്ളാപ്പള്ളി ചോദിച്ചു. ഗതാഗതമന്ത്രി കെ.ബി ഗണേഷ്‌കുമാറിനെയും വെള്ളാപ്പള്ളി വിമര്‍ശിച്ചു. ഗണേഷ്‌കുമാര്‍ തറ മന്ത്രിയാണൈന്ന് അദ്ദേഹം പറഞ്ഞു. കെഎസ്ആര്‍ടിസിയില്‍ തുഗ്ലക് ഭരണമാണെന്നും വെള്ളാപ്പള്ളി ആരോപിച്ചു.