മാന്നാറിൽ പിഞ്ചുകുഞ്ഞിനെ അമ്മ ക്രൂരമായി മർദ്ദിച്ചു, ദൃശ്യങ്ങൾ പിതാവിന് അയച്ചു നൽകി

June 8, 2024

ആലപ്പുഴ. മാന്നാറിൽ പിഞ്ചുകുഞ്ഞിനെ അമ്മ ക്രൂരമായി മർദ്ദിച്ചു. ഒരു വയസ്സുകാരനെ മർദ്ദിക്കുന്ന ദൃശ്യങ്ങൾ പിതാവിന് അയച്ചു നൽകി.
മാന്നാർ സ്വദേശിനി അനീഷയാണ് സ്വന്തം കുഞ്ഞിനെ മർദ്ദിച്ചത്.
വിവാഹ വാഗ്ദാനം നൽകിയ വ്യക്തി തന്നെയും കുഞ്ഞിനെയും സംരക്ഷിക്കാത്തതിൻ്റെ വൈരാഗ്യത്തിലാണ് കുഞ്ഞിനെ മർദ്ദിച്ചതെന്ന് അനീഷ പൊലീസിന് മൊഴി നൽകി. കുഞ്ഞിന് മർദ്ദനമേറ്റ സംഭവത്തിൽ ബാലവകാശ കമ്മീഷൻ കേസെടുത്തു. മാന്നാർ പോലീസ് അനീഷയെ അറസ്റ്റ് ചെയ്തു.

കുഞ്ഞിനെ മർദ്ദിക്കുന്ന ദൃശ്യങ്ങൾ സമൂഹമാധ്യമങ്ങളിൽ പ്രചരിച്ചതോടെ പോലീസ് നടത്തിയ അന്വേഷണത്തിലാണ് മാന്നാർ സ്വദേശി അനീഷയാണ് ഒരു വയസുകാരനായ മകനെ മർദ്ദിച്ചതെന്ന് കണ്ടെത്തി. തുടർന്ന് മാന്നാർ പോലീസ് അനീഷയെ കസ്റ്റഡിയിലെടുത്തു. വിവാഹ വാഗ്ദാനം നൽകിയ ഒപ്പം താമസിച്ചരുന്ന തിരുവനന്തപുരം സ്വദേശിയായ നുജീബ് തന്നെയും കുഞ്ഞിനെയും നോക്കുന്നില്ലെന്നും തങ്ങൾക്ക് കവിക്കാൻ മാർഗ്ഗമില്ലെന്നും അനീഷ പൊലീസിനോട് പറഞ്ഞു.
ഇതിന്റെ വൈരാഗ്യത്തിലാണ് കുഞ്ഞിനെ ഉപദ്രവിച്ചതെന്നും ദൃശ്യങ്ങൾ നുജീബിന് അയച്ചതെന്നും യുവതി മൊഴി നൽകി.
സംഭവത്തിൽ ബാലാവകാശ കമീഷൻ കേസ് എടുത്തു .ജില്ലാ പൊലീസ് മേധാവി, ജില്ലാ ശിശു സംരക്ഷണ ഓഫീസർ എന്നിവരോട് അന്വോഷണ റിപ്പോർട്ട് ആവശ്യപ്പെട്ടിട്ടുണ്ട്. കുട്ടിയോട് ക്രൂരത കാട്ടുന്ന മാതാവിന് എതിരെ നിയമനടപടി സ്വീകരിക്കാനും കമ്മീഷൻ നിർദ്ദേശം നൽകി.
കുഞ്ഞിന്റെ പിതാവ് നുജീബ് വിവാഹ തട്ടിപ്പുകാരാണെന്നും
ഇയാൾ നാലു വിവാഹങ്ങൾ കഴിച്ചതായും പൊലീസ് പറഞ്ഞു. അനീഷ ഗർഭിണിയായതോടെയാണ് നുജീബ് മുങ്ങിയത്.
നാലാമത്തെ വിവാഹത്തിനുശേഷം മുജീബ് കഴിഞ്ഞ മാസം ദുബായിലേക്ക് കടന്നു കളഞ്ഞതായും മാന്നാർ പൊലീസ് പറയുന്നു.
രണ്ടു കുട്ടികളാണ് അനീഷയ്ക്കുള്ളത്. ഈ രണ്ടു കുട്ടികളെയും ശിശുക്ഷേമ സമിതിക്ക് കൈമാറാനാണ് നിർദ്ദേശം നൽകിയിരിക്കുന്നത്. ചെലവിന് ലഭിക്കാത്തതിനെ തുടർന്നുണ്ടായ സാമ്പത്തിക ബുദ്ധിമുട്ടാണ് മർദ്ദനത്തിനിടയാക്കിയത് എന്നാണ് കുട്ടിയുടെ അമ്മ പോലീസിനോട് പറഞ്ഞത്. സംഭവത്തെക്കുറിച്ച് സമഗ്രമായി അന്വേഷണം നടത്താൻ ജില്ല പോലീസ് മേധാവിയുടെ ആവശ്യപ്പെട്ടിരിക്കുകയാണ് ബാലാവകാശ കമ്മീഷൻ.

ശോഭാ സുരേന്ദ്രനെ ഡൽഹിക്ക് വിളിപ്പിച്ച് ബിജെപി നേതൃത്വം; ഉയർന്ന പദവിക്ക് സാധ്യത

June 8, 2024

ന്യൂ ഡെൽഹി :
ബിജെപി നേതാവ് ശോഭാ സുരേന്ദ്രനെ ഡൽഹിക്ക് വിളിപ്പിച്ച് ദേശീയ നേതൃത്വം. നാളെ ഡൽഹിയിലെത്താനാണ് നിർദേശം നൽകിയിരിക്കുന്നത്. സംഘടനാതലത്തിൽ ശോഭാ സുരേന്ദ്രന് ഉയർന്ന പദവി നൽകുന്ന കാര്യം ദേശീയ നേതൃത്വം പരിഗണിക്കുന്നുണ്ട്

ബിജെപി സംസ്ഥാന പ്രസിഡന്റ് കെ സുരേന്ദ്രന്റെ കാലാവധി പൂർത്തിയായ സാഹചര്യത്തിൽ ശോഭാ സുരേന്ദ്രനെ സംസ്ഥാന അധ്യക്ഷ പദവിയിൽ കൊണ്ടുവരാൻ സാധ്യതയുണ്ട്. ലോക്‌സഭാ തെരഞ്ഞെടുപ്പിൽ ആലപ്പുഴയിൽ നിന്ന് മത്സരിച്ച ശോഭാ സുരേന്ദ്രൻ മികച്ച പ്രകടനം കാഴ്ച വെച്ചിരുന്നു. 2.99 ലക്ഷം വോട്ടുകളാണ് മണ്ഡലത്തിൽ ശോഭ പിടിച്ചത്.

സംസ്ഥാനത്ത് അതിശക്തമായ മഴയ്ക്ക് സാധ്യത

June 8, 2024

സംസ്ഥാനത്ത് അതിശക്തമായ മഴയ്ക്ക് സാധ്യത. പത്തനംതിട്ട, കോഴിക്കോട്, വയനാട്, കണ്ണൂർ, കാസർഗോഡ് ജില്ലകളിൽ കേന്ദ്ര കാലാവസ്ഥ വകുപ്പ് ഓറഞ്ച് അലർട്ട് പ്രഖ്യാപിച്ചു. തിരുവനന്തപുരം, കൊല്ലം, ആലപ്പുഴ, കോട്ടയം, ഇടുക്കി, എറണാകുളം, തൃശൂർ, മലപ്പുറം ജില്ലകളിൽ യെല്ലോ അലർട്ട് ആണ്. കേരള തീരത്ത് ഉൾപ്പെടെ കടലാക്രമണം ശക്തമാക്കാൻ സാധ്യത ഉള്ളതിനാൽ തീരദേശവസികൾ ജാഗ്രത പാലിക്കണമെന്ന് സംസ്ഥാന ദുരന്ത നിവാരണ അതോറിറ്റി അറിയിച്ചു. തെക്കൻ മഹാരാഷ്ട്ര മുതൽ വടക്കൻ കേരള തീരത്തിന് സമീപം വരെ ന്യൂനമർദ്ദ പാത്തി നിലനിൽക്കുന്നതിനാൽ സംസ്ഥാനത്ത് അടുത്ത അഞ്ചുദിവസം മഴ തുടർന്നേക്കും. മണിക്കൂറിൽ 35 മുതൽ 55 കിലോമീറ്റർ വരെ ശക്തമായ കാറ്റിനും മോശം കാലാവസ്ഥക്കും സാധ്യത ഉള്ളതിനാൽ കേരള, കർണ്ണാടക, ലക്ഷദ്വീപ് തീരങ്ങളിൽ മത്സ്യബന്ധനത്തിന് നിരോധനം ഏർപ്പെടുത്തി. ചൊവ്വാഴ്ച്ച വരെ നിരോധനം തുടരും.

കരുനാഗപ്പള്ളി ടൗണില്‍ തെരുവ് നായ ആക്രമണം,നിരവധി പേർക്ക് കടിയേറ്റു

June 8, 2024

കരുനാഗപ്പള്ളി. ടൗണില്‍ തെരുവ് നായ ആക്രമണം.നിരവധി പേർക്ക് നായയുടെ കടിയേറ്റു. കരുനാഗപ്പള്ളി താലൂക്കാശുപത്രിയിൽ കടിയേറ്റ 14 പേർ ചികിത്സ തേടി. നിരവധി പേർ മറ്റാശുപത്രികളിലും ചികിത്സ തേടിയിട്ടുണ്ട്. ക്ളാപ്പന / കുലശേഖരപുരം തഴവ പഞ്ചായത്തിൻ്റെ പടിഞ്ഞാറൻ മേഖല എന്നിവിടങ്ങളിലുള്ളവർക്കാണ് കടിയേറ്റത്.രാവിലെ ഏഴരയൊടെ ക്ളാപ്പന ഭാഗത്തുനിന്നാണ് തെരുവ് നായ ആക്രമണം ആരംഭിച്ചത്.വീട്ട് മുറ്റത്ത് നിന്നവർക്കും വഴിയാത്രക്കാർക്കും കടിയേറ്റു.കാലിനും കൈക്കും കഴുത്തിനു o കടിയേറ്റ വരുണ്ട്.പലരും പ്രാഥമിക ചികിത്സ തേടി ആശുപത്രി വിട്ടു.മാസങ്ങൾക്ക് മുൻപും സമാനമായ രീതിയിൽ നിരവധി പേർക്ക് തെരയ് നായരുടെ കടിയേറ്റിരുന്നു.

തടാകതീരത്ത് ചിരാത് തെളിച്ച് പരിസ്ഥിതി വാരാചരണം

June 8, 2024

ശാസ്താംകോട്ട: ഇന്ത്യൻ ആൻ്റി കറപ്ഷൻ മിഷൻ്റെ നേതൃത്വത്തിൽ നടന്ന് വന്ന പരിസ്ഥിതി സംരക്ഷണ വാരാചരണത്തിൻ്റെ സമാപനം ശാസ്താംകോട്ട തടാകതീരത്ത് നടന്നു.ഇതിൻ്റെ ഭാഗമായി തടാകതീരത്ത് മൺചിരാതുകൾ തെളിയിക്കുകയും തടാകസംരക്ഷണ സമിതി കൺവീനറും പരിസ്ഥിതി പ്രവർത്തകനുമായിരുന്ന കെ.കരുണാകരപിള്ളയുടെ സ്മരണാർത്ഥം ഓർമ്മ മരം നടുകയും ചെയ്തു.
ഇന്ത്യൻ ആൻ്റി കറപ്ഷൻ മിഷൻ ജനറൽ സെക്രട്ടറി പി.റ്റി. ശ്രീകുമാർ ഉദ്ഘാടനം ചെയ്തു.ഇടത്തറ ഷാജഹാൻ അദ്ധ്യക്ഷത വഹിച്ചു. കെ.പി.ചന്ദ്രൻ’, തോമസ് വൈദ്യൻ, ശ്രീരാജ് ചിറ്റക്കാട്, അരുൺ ആർ, ജിംഷ ടീച്ചർ, ഷീബാ മോൾ, അഡ്വ.കെ.ഐ.ഷാജി, സജീവ് രാജീവം, നെടിയവിള രാധാകൃഷ്ണൻ എന്നിവർ സംസാരിച്ചു

റേച്ചൽ പുന്നൂസ് ഐ പി എസ് ആയി റായ് ലക്ഷ്മി, ഡി എൻ എ ജൂൺ 14 ന് പ്രദർശനത്തിനെത്തുന്നു

June 8, 2024

ആറു വർഷത്തെ ഇടവേളയ്ക്ക് ശേഷം റായ് ലക്ഷ്മി, റേച്ചൽ പുന്നൂസ് ഐ പി എസ് എന്ന പോലീസ് ഉദ്യോഗസ്ഥയുടെ നായിക പ്രധാന വേഷത്തിൽ മലയാളത്തിലെത്തുന്നു. ബെൻസി പ്രൊഡക്ഷൻസിൻ്റെ ബാനറിൽ കെ വി അബ്ദുൾ നാസ്സർ നിർമ്മിച്ച് ഹിറ്റ്‌മേക്കർ ടി എസ് സുരേഷ്ബാബു സംവിധാനം ചെയ്ത “ഡി എൻ എ” എന്ന ചിത്രത്തിലൂടെയാണ് റായ് ലക്ഷ്മി മടങ്ങിവരുന്നത്. 2018-ൽ പുറത്തിറങ്ങിയ ഒരു കുട്ടനാടൻ ബ്ലോഗാണ് അവർ അവസാനം അഭിനയിച്ച മലയാള സിനിമ. ചിത്രം ജൂൺ 14 ന് കേരളത്തിനകത്തും പുറത്തും റിലീസാകും.

പൂർണ്ണമായും ഇൻവസ്റ്റിഗേറ്റീവ്, ആക്ഷൻ,വയലൻസ് ജോണറിലുള്ള ചിത്രത്തിൻ്റെ രചന നിർവ്വഹിച്ചിരിക്കുന്നത് എ കെ സന്തോഷാണ്. ചിത്രത്തിൻ്റെ ഏറ്റവും ആകർഷകമായ ഘടകം ഇതിലെ ആക്ഷൻ രംഗങ്ങളാണ്. സ്റ്റണ്ട് സിൽവ, കനൽക്കണ്ണൻ, പഴനിരാജ്, റൺ രവി എന്നിവർ ചേർന്നാണ് ആക്ഷൻ രംഗങ്ങൾക്ക് ചുക്കാൻ പിടിച്ചിരിക്കുന്നത്.

മമ്മുക്കയുടെ സഹോദരീപുത്രൻ അഷ്കർ സൗദാനാണ് നായകനാകുന്നത്. കൂടാതെ
ബാബു ആൻ്റണി, ഹന്ന റെജി കോശി, അജു വർഗീസ്, രൺജി പണിക്കർ, ഇർഷാദ്, രവീന്ദ്രൻ, ഇനിയ, ഗൗരിനന്ദ, സ്വാസിക, സലീമ, സീത, ശിവാനി, അഞ്ജലി അമീർ, റിയാസ് ഖാൻ, ഇടവേള ബാബു, സുധീർ (ഡ്രാക്കുള ഫെയിം), കോട്ടയം നസീർ, പത്മരാജ് രതീഷ്, സെന്തിൽ കൃഷ്ണ, കൈലാഷ്, കുഞ്ചൻ, രാജാ സാഹിബ്, മജീദ്, ബാദുഷ, ജോൺ കൈപ്പള്ളിൽ, രഞ്ജു ചാലക്കുടി, രാഹുൽ തുടങ്ങി വൻ താരനിര തന്നെ ഈ ചിത്രത്തിൽ അണിനിരക്കുന്നുണ്ട്.

ഛായാഗ്രഹണം: രവിചന്ദ്രന്‍, എഡിറ്റർ: ജോൺ കുട്ടി, പ്രൊഡക്ഷൻ കൺട്രോളർ: അനീഷ് പെരുമ്പിലാവ്, ആർട്ട് ഡയറക്ടർ: ശ്യാം കാർത്തികേയൻ, പ്രൊഡക്ഷൻ ഇൻചാർജ്: റിനി അനിൽ കുമാർ, വിതരണം: സെഞ്ച്വറി, ഗാനരചന: സുകന്യ (സിനിമാ താരം), സംഗീതം: ശരത്, മേക്കപ്പ്: രഞ്ജിത്ത് അമ്പാടി, ചീഫ് അസോസിയേറ്റ് ഡയറക്ടർ: അനിൽ മേടയിൽ, സൗണ്ട് ഫൈനൽ മിക്സ്: എം.ആർ.രാജാകൃഷ്ണൻ, പശ്ചാത്തലസംഗീതം: പ്രകാശ് അലക്‌സ്, നൃത്തസംവിധാനം: രാകേഷ് പട്ടേൽ (മുംബൈ), വസ്ത്രാലങ്കാരം: നാഗരാജൻ വേളി, പ്രൊഡക്ഷന്‍ എക്സിക്യൂട്ടീവ്: ജസ്റ്റിന്‍ കൊല്ലം, അസോസിയേറ്റ് ഡയറക്ടര്‍: വൈശാഖ് നന്ദിലത്തില്‍, ഓഡിയോ മാർക്കറ്റിംഗ് – സരിഗമ, അസിസ്റ്റന്റ്‌ ഡയറക്ടര്‍മാര്‍: സ്വപ്ന മോഹൻ, ഷംനാദ് കലഞ്ഞൂർ, വിമൽ കുമാർ എം.വി, സജാദ് കൊടുങ്ങല്ലൂർ, ടോജി ഫ്രാൻസിസ്, സൗണ്ട് എഫക്റ്റ്സ്: രാജേഷ്‌ പി എം, വിഎഫ്എക്സ്: മഹേഷ്‌ കേശവ് (മൂവി ലാന്‍ഡ്‌), സ്റ്റിൽസ്: ശാലു പേയാട്, പബ്ലിസിറ്റി ഡിസൈൻ: അനന്തു എസ് കുമാർ, യെല്ലോ ടൂത്ത്, ഡിജിറ്റല്‍ മാര്‍ക്കറ്റിംഗ്: അനൂപ്‌ സുന്ദരൻ, ഓൺലൈൻ കോ- ഓർഡിനേറ്റേഴ്സ് – പ്രവീൺ പൂക്കാടൻ, സാബിൻ ഫിലിപ്പ് എബ്രഹാം, പിആർഓ: വാഴൂർ ജോസ്, അജയ് തുണ്ടത്തിൽ, ആതിര ദിൽജിത്ത്

ശാസ്താംകോട്ട ബ്ലോക്ക് പഞ്ചായത്ത് വൈസ് പ്രസിഡൻ്റ് പി പുഷ്പ കുമാരിയുടെ ഭർത്താവ് വിജയൻ നിര്യാതനായി

June 8, 2024

ശാസ്താംകോട്ട:ശാസ്താംകോട്ട ബ്ലോക്ക് പഞ്ചായത്ത് വൈസ് പ്രസിഡൻ്റ് പി.പുഷ്പ കുമാരിയുടെ ഭർത്താവ് ശൂരനാട് തെക്ക് കക്കാക്കുന്നിന് പടിഞ്ഞാറ്
ഇഞ്ചക്കാട് നയനാ ഭവനത്തിൽ വിജയൻ(58) നിര്യാതനായി. സംസ്ക്കാരം ഞായർ രാവിലെ പകൽ 11 മണിക്ക് വീട്ടുവളപ്പിൽ. മക്കൾ:നയനാ വിജയൻ,സയനാ വിജയൻ.മരുമക്കൾ: വിനു.വി,രാഹുൽ രാജ്.ആർ.സഞ്ചയനം വ്യാഴം രാവിലെ എട്ടിന്.

ഹോട്ടലിലേക്ക് വിളിച്ചുവരുത്തി ആക്രമണം നടത്തിയ ശേഷം വജ്ര കല്ലുകളും സ്വര്‍ണ്ണമാലയും കവര്‍ന്ന സംഘത്തിലെ 4 പേര്‍ കൊല്ലത്ത് പിടിയില്‍

June 8, 2024

കൊല്ലം: ചിന്നക്കടയിലെ ഹോട്ടലില്‍ മധ്യവയസ്‌ക്കനേയും സുഹൃത്തുക്കളേയും ആക്ര
മിച്ച് പരിക്കേല്‍പ്പിച്ച ശേഷം വജ്ര കല്ലുകളും സ്വര്‍ണ്ണമാലയും മൊബൈല്‍ ഫോണുകളും കവര്‍ന്ന സംഘത്തിലെ നാല് പ്രതികള്‍ പോലീസിന്റെ പിടിയിലായി. വ്യാഴാഴ്ച രാവിലെ പത്തരയോടെയാണ് സംഭവം. പള്ളിത്തോട്ടം, എച്ച്ആന്റ്‌സി കോമ്പൗണ്ട്, ഗാന്ധിനഗര്‍ 17-ല്‍ ഷഹനാസ് (25), പള്ളിത്തോട്ടം, എച്ച്ആന്റ്‌സി കോമ്പൗണ്ട്, ഗാന്ധിനഗര്‍ 4-ല്‍ നാദിര്‍ഷാ(25), പള്ളിത്തോട്ടം, എച്ച് ആന്റ് സി കോമ്പൗണ്ട്, ഗാന്ധിനഗര്‍ 39-ല്‍ മന്‍സൂര്‍(23), പള്ളിത്തോട്ടം, എച്ച്ആന്റ്‌സി കോമ്പൗണ്ട്, ഗാന്ധിനഗര്‍ 17-ല്‍ ഷുഹൈബ് (22) എന്നിവരാണ് കൊല്ലം ഈസ്റ്റ് പോലീസിന്റെ പിടിയിലായത്.
തൃശ്ശൂരിലെ ജൂവലറിയില്‍ ഡയമണ്ട് സെക്ഷനിലെ മാര്‍ക്കറ്റിങ്ങ് മാനേജരായ സുരേഷ്
കുമാറിനേയും സുഹൃത്തുക്കളേയും ഡയമണ്ട്‌സ് ആവശ്യമുണ്ടെന്ന് അറിയിച്ച് കൊല്ലത്തെ
ഹോട്ടലിലേക്ക് വിളിച്ച് വരുത്തുകയായിരുന്നു. തുടര്‍ന്ന് പ്രതികള്‍ ഉള്‍പ്പെട്ട സംഘം
ഇവരെ മര്‍ദ്ദിച്ച് അവശരാക്കിയ ശേഷം ബാഗില്‍ സൂക്ഷിച്ചിരുന്ന ഉദ്ദേശം ആറര ലക്ഷം രൂപ വില വരുന്ന രണ്ട് വജ്ര കല്ലുകളും സുരേഷ് കുമാറിന്റെ സുഹൃത്ത് ധരിച്ചിരുന്ന മൂന്ന് പവന്റെ സ്വര്‍ണ്ണ മാലയും ഇവരുടെ മൊബൈല്‍ ഫോണുകളും കവര്‍ന്നെടുക്കുകയായിരുന്നു.
കൊല്ലം ഈസ്റ്റ് പോലീസ് സ്റ്റേഷനില്‍ സുരേഷ് കുമാര്‍ സമര്‍പ്പിച്ച പരാതിയില്‍ കേസ് രജിസ്റ്റര്‍ ചെയ്ത് അന്വേഷണം നടത്തിയ പോലീസ് സംഘം പ്രതികളെ കണ്ടെത്തി അറസ്റ്റ് ചെയ്യുകയായിരുന്നു.
സംഘത്തില്‍ ഉള്‍പ്പെട്ട മറ്റ് പ്രതികള്‍ക്കായുളള തെരച്ചില്‍ നടത്തി വരികയാണെന്ന് പോലീസ് അറിയിച്ചു. കൊല്ലം ഈസ്റ്റ് പോലീസ് സ്റ്റേഷന്‍ ഇന്‍സ്‌പെക്ടര്‍ ഹരിലാല്‍.പി യുടെ നേതൃത്വത്തില്‍ എസ്‌ഐമാരായ ദില്‍ജിത്ത്, ദിപിന്‍, എഎസ്സ്‌ഐമാരായ നിസാമുദീന്‍, സജീല, സിപിഒമാരായ അനു, ഷെഫീക്ക്, ശ്രീഹരി, അനീഷ്.എം തുടങ്ങിയവരട
ങ്ങിയ പോലീസ് സംഘമാണ് പ്രതികളെ അറസ്റ്റ് ചെയ്തത്. ഇവരെ കോടതിയില്‍ ഹാജരാക്കി റിമാന്റ് ചെയ്തു.

ശാസ്താംകോട്ട കോടതിയിൽ നടന്ന നാഷണൽ ലോക് അദാലത്തിൽ 38 കേസുകൾ തീർപ്പാക്കി

June 8, 2024

ശാസ്താംകോട്ട. രാജ്യവ്യാപകമായി നടന്ന ലീഗൽ സർവീസസ് അതോറിറ്റിയുടെ നേതൃത്വത്തിൽ ഉള്ള അദാലത്തിന്റെ ഭാഗമായി ശാസ്താംകോട്ട കോടതിയിൽ നടന്ന നാഷണൽ ലോക് അദാലത്തിൽ 38 കേസുകൾ തീർപ്പാക്കി. ബാങ്ക് ലോൺ റിക്കവറി വിഭാഗത്തിലെ കേസുകളിൽ 28 ലക്ഷം രൂപയുടെ ഇടപാടുകൾ ഒത്തുതീർപ്പാക്കി റിട്ട. ഡിസ്ട്രിക്ട് ജഡ്ജ് ഇ. ഫ്രാൻസിസ് താലൂക്ക് ലീഗൽ സർവീസ് അതോറിറ്റി ചെയർമാൻ എസ് അനിൽകുമാർ,മീഡിയേറ്റര്‍ അഡ്വക്കേറ്റ് സുധികുമാർ എന്നിവർ അദാലത്തിന് നേതൃത്വം നൽകി.

എൻഡിഎ വിജയിച്ചതിലെ സന്തോഷം; ബിജെപി പ്രവർത്തകൻ വിരൽ മുറിച്ച് കാളി ക്ഷേത്രത്തിൽ സമർപ്പിച്ചു

June 8, 2024

ഛത്തീസ്ഗഢ്:
ലോക്‌സഭാ തെരഞ്ഞെടുപ്പിൽ എൻഡിഎ വിജയിച്ചതിന്റെ സന്തോഷത്തിൽ സ്വന്തം വിരൽ മുറിച്ച് ക്ഷേത്രത്തിൽ സമർപ്പിച്ച് ബിജെപി പ്രവർത്തകൻ. ഛത്തിസ്ഗഢിലെ ബൽറാംപൂരിലെ ബിജെപി പ്രവർത്തകനായ 30കാരൻ ദുർഗേഷ് പാണ്ഡെയാണ് കാളി ക്ഷേത്രത്തിൽ വിരൽ സമർപ്പിച്ചത്.
വോട്ടെണ്ണലിന്റെ ആദ്യഘട്ടത്തിൽ ഇന്ത്യ മുന്നണി മുന്നിട്ട് നിന്നപ്പോഴാണ് ഇയാൾ ക്ഷേത്രത്തിൽ പോയി പ്രാർഥിച്ചതും വിരൽ മുറിച്ച് നൽകാമെന്ന് പറഞ്ഞതും. എൻഡിഎയുടെ ഭൂരിപക്ഷം 272 കടന്നതോടെ പാണ്ഡെ വീണ്ടും ക്ഷേത്രത്തിലെത്തി ഇടത് കൈയിലെ വിരൽ മുറിച്ച് ക്ഷേത്രത്തിൽ സമർപ്പിക്കുകയായിരുന്നു

News@Net | www.newsatnet.com

ഡി.ഐ.ജി എം കെ വിനോദ് കുമാറിനെ സർക്കാർ സംരക്ഷിക്കുന്നോ

ഡോ. TG വിനോദ് കുമാറിനെ പുറത്താക്കണം,എസ്എഫ്ഐ ഇന്ന് ലോക് ഭവൻ മാർച്ച് നടത്തും

ശബരിമല സ്വർണ്ണക്കൊള്ള, സ്മാർട്ട് ക്രിയേഷൻസിന്റെ ഇടപെടലുകളിൽവിശദമായ അന്വേഷണം നടത്തും

വിഴിഞ്ഞം തുറമുഖത്തിൻ്റെ രണ്ടാം ഘട്ട നിർമ്മാണം ജനുവരി മുതൽ, നികുതി ഇതുവരെ 97 കോടി

ബി എൻ ഐ മജസ്റ്റിക് ദ ഗ്രാൻഡ് ബിസിനസ് എക്സ്പോ തിരുവനന്തപുരത്ത് ഡിസംബർ 6…

‘ഇവിടെ ഉനി ഒരു തുള്ളി റഷ്യൻ വേണ്ട ‘, റിലയൻസിന്റെ യുടേൺ; യുഎസ് ഉപരോധത്തിന്…

സ്വര്‍ണവിലയില്‍ വൻ വര്‍ധനവ്, ഇന്നത്തെ നിരക്ക് അറിയാം

എസ്‌യുവി പ്രേമികള്‍ക്കൊരു സന്തോഷ വാര്‍ത്തയായി ഡസ്റ്ററിന്റെ തിരിച്ചു വരവ്

ദക്ഷിണാഫ്രിക്കയ്ക്കെതിരായ ട്വന്റി-20 പരമ്പരയിലെ നാലാം മല്‍സരം ഇന്ന്… സഞ്ജു ടീമിൽ ഇടം നേടുമോ…?

മികച്ച ഫുട്ബോൾ താരത്തെ കണ്ടെത്തുന്ന ഫിഫ ദ ബെസ്റ്റ് ലോക ഫുട്ബോള്‍ പുരസ്കാര പ്രഖ്യാപനം…

WWE…20 വര്‍ഷത്തിനിടെ ആദ്യ തോല്‍വി; അവസാന മല്‍സരവും പൂര്‍ത്തിയാക്കി അരങ്ങൊഴിഞ്ഞ് ജോണ്‍ സീന

ഇന്ത്യയ്ക്ക് കൂറ്റൻ ജയം

ഐക്യൂഒഒ 15 നാളെ ഇന്ത്യന്‍ വിപണിയില്‍

ഐക്യൂഒഒ 15 നവംബർ 26ന് ഇന്ത്യൻ വിപണിയിൽ അവതരിപ്പിക്കും

സ്മാര്‍ട്ട്ഫോണുകളില്‍ ചാര്‍ജിംഗ് സ്പോട്ടിനടുത്ത് കാണുന്ന ചെറിയ ദ്വാരം എന്തിന്…?

ഇന്‍ഫോപാര്‍ക്കിന്‍റെ മൂന്നാം ഘട്ട വികസനത്തിന് തുടക്കം, 25000 കോടിയുടെ നിക്ഷേപവും രണ്ടു ലക്ഷം തൊഴിലവസരങ്ങളും…

ടിക് ടോക് ഉടമസ്ഥാവകാശ കൈമാറ്റം; അമേരിക്കയും ചൈനയും തമ്മില്‍ ധാരണ, അമേരിക്കൻ കമ്പനികൾക്ക് കൈമാറും

കാറുകൾ കൂട്ടിയിടിപ്പിച്ച് പരീക്ഷണം: സിയറ എസ് യുവിയുടെ സുരക്ഷയുടെ കാര്യത്തില്‍ വിട്ടു വീഴ്ചയില്ല

XUV700, പുതിയ രൂപഭാവങ്ങളോടെയും പുതിയ സവിശേഷതകളോടെയും ഉടൻ തന്നെ ഇന്ത്യൻ വിപണിയിൽ

ആറ് വ്യത്യസ്ത നിറങ്ങളില്‍ മഹീന്ദ്ര ആന്‍ഡ് മഹീന്ദ്ര പുതിയ ഥാറിന്റെ ഫേസ്-ലിഫ്റ്റ് മോഡല്‍

എസ്‌യുവി പ്രേമികള്‍ക്കൊരു സന്തോഷ വാര്‍ത്തയായി ഡസ്റ്ററിന്റെ തിരിച്ചു വരവ്

എസ്‌യുവി പ്രേമികള്‍ക്കൊരു സന്തോഷ വാര്‍ത്തയായി ഡസ്റ്ററിന്റെ തിരിച്ചു വരവ്

തലയുടെ സ്വന്തം ‘മങ്കാത്ത’ റീ റിലീസിന്‌

കോഴിക്കോട് ഇന്ത്യൻ ഇൻസ്റ്റിറ്റ്യൂട്ട് ഓഫ് മാനേജ്മെന്റിൽ 21 ഒഴിവിൽ റഗുലർ/കരാർ നിയമനം

പ്രമേഹമുള്ളവർ ഭക്ഷണക്രമീകരണത്തിൽ വരുത്തേണ്ട 6 മാറ്റങ്ങൾ ഇതാണ്

മാനവീയം വീഥിയിൽക്രിസ്‌മസ് സാംസ്‌കാരിക സംഗമം ഇന്ന് മുതൽ 24 വരെ

ഒടുവില്‍ അതു സംഭവിച്ചു, ചെമ്പില്‍ ചതുപ്പ് കാട്ടുപന്നിത്താവളമായി, ആശങ്കയില്‍ നാട്ടുകാര്‍ വിഡിയോ ദൃശ്യം

കുന്നിന്‍മുകളില്‍നിന്നും താഴേക്ക് വീണ് ആനയ്ക്ക് ദാരുണാന്ത്യം ,നടുങ്ങുന്ന വിഡിയോ

ഒരു ഓഫറും പ്രഖ്യാപിക്കാതെ കടയിലേക്ക് ആള്‍ പാഞ്ഞുകയറിയത് കണ്ടോ,വിഡിയോ

സനാതന ധർമ്മ വിവാദം,മുഖ്യമന്ത്രിക്കെതിരെ ബിജെപി

മാന്നാറിൽ പിഞ്ചുകുഞ്ഞിനെ അമ്മ ക്രൂരമായി മർദ്ദിച്ചു, ദൃശ്യങ്ങൾ പിതാവിന് അയച്ചു നൽകി

ശോഭാ സുരേന്ദ്രനെ ഡൽഹിക്ക് വിളിപ്പിച്ച് ബിജെപി നേതൃത്വം; ഉയർന്ന പദവിക്ക് സാധ്യത

സംസ്ഥാനത്ത് അതിശക്തമായ മഴയ്ക്ക് സാധ്യത

കരുനാഗപ്പള്ളി ടൗണില്‍ തെരുവ് നായ ആക്രമണം,നിരവധി പേർക്ക് കടിയേറ്റു

തടാകതീരത്ത് ചിരാത് തെളിച്ച് പരിസ്ഥിതി വാരാചരണം

റേച്ചൽ പുന്നൂസ് ഐ പി എസ് ആയി റായ് ലക്ഷ്മി, ഡി എൻ എ ജൂൺ 14 ന് പ്രദർശനത്തിനെത്തുന്നു

ശാസ്താംകോട്ട ബ്ലോക്ക് പഞ്ചായത്ത് വൈസ് പ്രസിഡൻ്റ് പി പുഷ്പ കുമാരിയുടെ ഭർത്താവ് വിജയൻ നിര്യാതനായി

ശാസ്താംകോട്ട കോടതിയിൽ നടന്ന നാഷണൽ ലോക് അദാലത്തിൽ 38 കേസുകൾ തീർപ്പാക്കി

എൻഡിഎ വിജയിച്ചതിലെ സന്തോഷം; ബിജെപി പ്രവർത്തകൻ വിരൽ മുറിച്ച് കാളി ക്ഷേത്രത്തിൽ സമർപ്പിച്ചു