തേവലക്കര .ബോയ്സ് ഹൈസ്കൂളിൽ വിദ്യാർഥികളിൽ പത്രപാരായണത്തിൽ താല്പര്യം വളർത്തുന്നതിനായി ജിഗീഷു എന്നപേരിൽ പദ്ധതി ആരംഭിച്ചു. അറിവ് നേടാം. അജയ്യനാകാം എന്ന മുദ്രാവാക്യം ഉയർത്തി നടത്തുന്ന പദ്ധതിക്ക് നിരവധി സമ്മാനങ്ങളാണ് വിദ്യാർത്ഥികളെ കാത്തിരിക്കുന്നത് . പിടിഎ പ്രസിഡൻറ് ആർ അരുൺകുമാറിന്റെ അധ്യക്ഷതയിൽ ചേർന്ന ഉദ്ഘാടന സമ്മേളനത്തിൽ സ്കൂൾ മാനേജർ ആർ തുളസീധരൻപിള്ള ജിഗീഷു ഉദ്ഘാടനം ചെയ്തു . പത്ര പാരായണത്തിൻ്റെ  ഇന്നത്തെ സ്കൂൾ സൂചന ഹെഡ്മിസ്ട്രസ് എസ്  സുജ പ്രകാശനം ചെയ്തു. സൂചന ഉൾക്കൊള്ളുന്ന വാർത്ത ഏത് പത്രത്തിലേതെന്ന് കണ്ടെത്തി വാർത്തയുടെ തലക്കെട്ട് എഴുതി വിദ്യാർത്ഥികൾ പദ്ധതി ബോക്സിൽ നിക്ഷേപിക്കണം. ഒന്നിലധികം വിദ്യാർത്ഥികൾ വിജയികളായി വന്നാൽ നറുക്കെടുപ്പിലൂടെ സമ്മാനാർഹനെ നിശ്ചയിക്കും. പദ്ധതിയുടെ വിശദീകരണം സ്കൂൾ വായന കൂട്ടം കൺവീനർ എം.കെ പ്രദീപ് നടത്തി.  പി റ്റി എ അംഗം ബീന ,സീനിയർ അധ്യാപിക പി വൈ നദീറുന്നിസ, പി എസ് ഷൈല, സ്റ്റാഫ് സെക്രട്ടറി ബി അനിൽകുമാർ , കെ ജെ ജയശ്രീ എന്നിവർ സംസാരിച്ചു. സ്കൂൾ ഹെഡ്മിസ്ട്രസ് എസ് സുജ സ്വാഗതവും സ്റ്റുഡൻ്റ്സ് കൺവീനർ മനീഷ് ഭാസ്കർ നന്ദിയും പറഞ്ഞു . എല്ലാ സ്കൂൾ പ്രവർത്തി ദിവസവും പദ്ധതി നടത്തപ്പെടുന്നതും സമ്മാനാർഹന് ആകർഷകമായ സമ്മാനങ്ങൾ വിതരണം ചെയ്യുകയും ചെയ്യും. കോവൂർ തോണ്ടപ്പുറത്ത് ഓമന അലക്സാണ്ടറാണ് സമ്മാനങ്ങൾ സ്പോൺസർ ചെയ്തിരിക്കുന്നത്. അദ്ധ്യാപകരായ എസ് അജിത, വി ശ്രീകല, എം.കെ സജിത, ശ്രീവിദ്യ പി, ഗിരി കൃഷ്ണൻ എന്നിവരാണ് പദ്ധതിക്ക് നേതൃത്വം നൽകുന്നത്

കുന്നത്തൂർ:ഗ്രാമപഞ്ചായത്ത് നാട്ടിശ്ശേരി കുടുംബശ്രീ എഡിഎസ് വാർഷികം,കുടുംബശ്രീയുടെ എന്നിടം പദ്ധതി,ബാലസഭ,ശുചിത്വത്സവം എന്നിവ ഐവർകാല പുത്തനമ്പലം എസ്എൻവിജി യു.പി.എസിൽ വെച്ചു നടന്നു.വാർഡ് മെമ്പർ രാജൻ നാട്ടിശ്ശേരി അധ്യക്ഷത വഹിച്ചു.ഗ്രാമപഞ്ചായത്ത് വൈസ് പ്രസിഡന്റ് ബിനേഷ് കടമ്പനാട് ഉദ്ഘാടനം ചെയ്തു.തുടർന്ന് കുടുംബശ്രീ അംഗങ്ങളുടെയും കുട്ടികളുടെയും വിവിധ കലാപരിപാടികൾ നടന്നു.സിഡിഎസ് ചെയർപേഴ്സൺ പ്രീത സുനിൽ നാട്ടിശ്ശേരി കുടുംബശ്രീയിലെ ഉന്നത വിജയം നേടിയ വിദ്യാർത്ഥികളെ ആദരിച്ചു.എഡിഎസ് പ്രസിഡന്റ് സിന്ധു, പ്രസിഡന്റ് ബീന ഗോപിനാഥ്, മിനി ശ്രീകുമാർ, സുധാചന്ദ്രൻ, കമലമ്മ, ഗീതാ ദേവി, ദയാവതി, ലതിക, മേരിക്കുട്ടി, ബിന്ദു, തുളസി ഭായി, സേതു എന്നിവർ സംസാരിച്ചു.

കുന്നത്തൂർ:സർക്കാർ ജീവനക്കാരെയും പെൻഷൻകാരെയും സാധാരണക്കാരെയും ദ്രോഹിക്കുന്ന സർക്കാരാണ് കേരളം ഭരിക്കുന്നതെന്നും ജനങ്ങളെ മറന്നു കൊണ്ടാണ് മുന്നോട്ടു പോകുന്നതെങ്കിൽ സർക്കാരിനെതിരെ വലിയ ജനകീയ പ്രക്ഷോഭമുണ്ടാകുന്ന കാലമാണ് വരാൻ പോകുന്നതെന്നും ഐഎൻറ്റിയുസി സംസ്ഥാന പ്രസിഡന്റ്‌ ആർ.ചന്ദ്രശേഖരൻ അഭിപ്രായപെട്ടു.വിവിധ ആവശ്യങ്ങൾ ഉന്നയിച്ച് ശാസ്താംകോട്ട സബ്ട്രഷറിക്ക് മുന്നിൽ
പെൻഷനേഴ്സ് അസോസിയേഷൻ സംഘടിപ്പിച്ച പ്രകടനവും യോഗവും ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.അസോസിയേഷൻ നിയോജക മണ്ഡലം പ്രസിഡന്റ്‌ അർത്തിയിൽ അൻസാരി അധ്യക്ഷത വഹിച്ചു.ബ്ലോക്ക്‌ കോൺഗ്രസ്‌ പ്രസിഡന്റ്‌മാരായ വൈ.ഷാജഹാൻ,കാരക്കാട്ട് അനിൽ,എ.മുഹമ്മദ്‌ കുഞ്ഞ്,കെ.ജി ജയചന്ദ്രൻ പിള്ള,എൻ.സോമൻപിള്ള,എസ്.എസ്.ഗീതബായ്,വി.വേണുഗോപാലകുറുപ്പ്,ശൂരനാട് വാസു,ബാബുരാജൻ,ആർ.ഡി പ്രകാശ്,ആയിക്കുന്നം സുരേഷ്,ലീലാ മണി,മുഹമ്മദ്‌ ഹനീഫ,ഡോ.എം.എ സലിം,അസൂറ ബീവി,ബാബു ഹനീഫ്, ജോൺ മത്തായി,രാധാകൃഷ്ണപിള്ള, ശൂരനാട് രാധാകൃഷ്ണൻ,എം.ജോർജ്, പ്രകാശ് കല്ലട,കെ.സാവിത്രി,പുത്തൂർ സഹദേവൻ തുടങ്ങിയവർ സംസാരിച്ചു.ശാസ്താം കോട്ട ടൗൺ ചുറ്റി നടന്ന പ്രതിഷേധ പ്രകടനത്തിന് സംസ്ഥാന -ജില്ലാ നേതാക്കൾ നേതൃത്വം നൽകി.

ശാസ്താംകോട്ട : കേരള വനം വന്യജീവി വകുപ്പിൻ്റെ ഈ വർഷത്തെ വനമഹോത്സവം 2024 ന്റെ

ജില്ലാതല ഉദ്ഘാടനം രാജഗിരി ബ്രൂക്ക് ഇൻ്റർനാഷണൽ സ്കൂളിൽ നടന്നു. വനസമ്പത്ത് വളർത്തുന്നതിനുമാത്രമല്ല നാം അറിഞ്ഞൊ അറിയാതെയോ നഷ്ടപ്പെടുത്തുന്ന വനസമ്പത്തിന്റെ പ്രാധാന്യം ഓർമ്മിപ്പിക്കുകയും ചെയ്തുകൊണ്ട് കൊല്ലം ജില്ലാ പഞ്ചായത്ത് പ്രസിഡന്റ് ഡോ. പി. കെ. ഗോപൻ വനമഹോത്സവത്തിൻ്റെ ഓദ്യോഗിക ഉദ്ഘാടനം നിർവ്വഹിച്ചു..പരിസ്ഥിതി ദിനത്തിൽ കുട്ടികൾക്കായി നൽകിയ വിത്തുകളുടെ വളർച്ചയും പരിപാലനവും ബ്രൂക്കിലെ കുട്ടികൾ സദസ്സിനായി എ. ഐ. സാങ്കേതികതയുടെ കൂടെ സഹായത്തോടെ പ്രദര്‍ശിപ്പിച്ചപ്പോൾ അതേവർക്കും നവ്യാനുഭമായി.ബ്രൂക്ക് ഡയറക്ടർ റവ. ഫാദർ ഡോ. ജി. എബ്രഹാം തലോത്തിൽ,വാർഡ് മെമ്പർ പ്രകാശിനി, സെക്ഷൻ ഫോറെസ്റ്റ് ഓഫീസർ എൻ.എ. നിയാസ്, പ്രിൻസിപ്പൽ ബോണിഫെസിയ വിൻസെൻ്റ്, പി. റ്റി. എ. പ്രസിഡൻ്റ് ആർ. ഗിരികുമാർ എന്നിവർ ആശസകൾ നേർന്നു.അസ്സി. ഫോറസ്റ്റ് കൺസർവേറ്റർ . കോശി ജോൺ സ്വാഗതവും റേഞ്ച് ഫോറസ്റ്റ് ഓഫീസർ എ. കെ. രാമചന്ദ്രൻ ചടങ്ങുകൾക്ക് നന്ദിയും രേഖപ്പെടുത്തി.