നാളെ മുതല്‍ ടെലികോം കമ്പനികളായ റിലയന്‍സ് ജിയോ, ഭാരതി എയര്‍ടെല്‍, വൊഡഫോണ്‍ ഐഡിയ എന്നിവര്‍ നിരക്കു വര്‍ധന പ്രഖ്യാപിച്ചിട്ടുണ്ട്. 2024ലെ 5 ജി സ്പെക്ട്രം ലേലത്തിനു തൊട്ടുപിന്നാലെയാണ് കമ്പനികള്‍ റീചാര്‍ജ് നിരക്കു വര്‍ധന പ്രഖ്യാപിച്ചിരിക്കുന്നത്. ഈ സാഹചര്യത്തില്‍ മൂവരുടെയും ഏറ്റവും ജനകീയമായ 84 ദിവസം വാലിഡിറ്റി വരുന്ന പ്ലാനുകള്‍ തമ്മിലുള്ള ഒരു താരമത്യമാണ് താഴെ നല്‍കുന്നത്. ഇതു പ്ലാനുകള്‍ അതിവേഗം വിലയിരുത്താന്‍ നിങ്ങളെ സഹായിക്കും.

റിലയന്‍സ് ജിയോ
84 ദിവസം വാലിഡിറ്റിയുള്ള 4 പ്ലാനുകള്‍ ജിയോ വാഗ്ദാനം ചെയ്യുന്നു. മനിലവില്‍ 395 രൂപ, 666 രൂപ, 719 രൂപ, 999 രൂപ വിലവരുന്ന ഈ പ്ലാനുകള്‍ക്ക് നാളെ മുതല്‍ യഥാക്രമം 479 രൂപ, 799 രൂപ, 859 രൂപ, 1,199 രൂപ വിലവരും. എല്ലാ പ്ലാനുകളും അണ്‍ലിമിറ്റഡ് വോയിസുമായെത്തുന്നു. പ്രതിദിനം 100 എസ്എംഎസും ലഭിക്കും. അതേസമയം ഡാറ്റയിലാണ് മാറ്റം വരുന്നത്.
479 രൂപയുടെ പ്ലാന്‍ മൊത്തം 6 ജിബി ഡാറ്റ മാത്രമാണ് നല്‍കുക. 799 രൂപയുടെ പ്ലാനില്‍ പ്രിതിദനം 1.5 ജിബി ഡാറ്റ കിട്ടും. 859 രൂപയ്ക്ക് പ്രതിദിനം 2 ജിബി ഡാറ്റയും, 1,199 രൂപയ്ക്ക് പ്രതിദിനം 3 ജിബി ഡാറ്റയും കിട്ടും. ദിവസം 2 ജിബി ഡാറ്റയും, അതിനു മുകളിലും വാഗ്ദാനം ചെയ്യുന്ന എല്ലാ പ്ലാനുകളിലു, അണ്‍ലിമിറ്റഡ് 5ജി കമ്പനി വാഗ്ദാനം ചെയ്യുന്നുണ്ട്. ജിയോ ടിവി, ജിയോ സിനിമ, ജിയോ ക്ലൗഡ് സേവനങ്ങളും ചില പ്ലാനുകള്‍ സപ്പോര്‍ട്ട് ചെയ്യുന്നു.

ഭാരതി എയര്‍ടെല്‍
എയര്‍ടെല്ലിന്റെയും പുതിയ പ്ലാനുകള്‍ നാളെ പ്രാബല്യത്തില്‍ വരും. 84 ദിവസം വാലിഡിറ്റിയില്‍ രണ്ട് പ്ലാനുകളാണ് കമ്പനി വാഗ്ദാനം ചെയ്യുന്നത്. നിലവില്‍ 719 രൂപ, 839 രൂപ ചെലവ് വരുന്ന ഈ പ്ലാനുകള്‍ക്ക് നാളെ മുതല്‍ യഥാക്രമം 859 രൂപ, 979 രൂപ മുടക്കണം. 859 രൂപയ്ക്ക് പ്രതിദിനം 1.5 ജിബി ഡാറ്റ, അണ്‍ലിമിറ്റഡ് കോളിംഗ്, പ്രതിദിനം 100 എസ്എംഎസ് എന്നിങ്ങനെയാണ് വാഗ്ദാനം.
979 രൂപയ്ക്ക് പ്രതിദിനം 2 ജിബി ഡാറ്റ, അണ്‍ലിമിറ്റഡ് കോളിംഗ്, പ്രതിദിനം 100 എസ്എംഎസ് ലഭിക്കും. അപ്പോളോ 24*7 സര്‍ക്കിള്‍, സൗജന്യ ഹല്ലോട്യൂണ്‍സ് എന്നിവയാണ് ചില അധിക സേവനങ്ങള്‍.

വൊഡഫോണ്‍ ഐഡിയ
വി 84 ദിവസത്തേയ്ക്ക് 3 പ്ലാനുകള്‍ നല്‍കുന്നു. പക്ഷെ നിലവില്‍ കമ്പനി 4ജി മാത്രമാണ് നല്‍കുന്നതെന്നു മറക്കരുത്. ഇതില്‍ 459 രൂപയുടെ പ്ലാന്‍ അണ്‍ലിമിറ്റഡ് വോയിസ് കോളിംഗ് പ്ലാനാണ്. ഇതില്‍ 6 ജിബി ഡാറ്റ മാത്രമാണ് ലഭിക്കുക. 300 എസ്എംഎസും കിട്ടും. ഈ പ്ലാനിന് ഇനി മുതല്‍ ഉപയോക്താക്കള്‍ 509 രൂപ ചെലവാക്കണം. മറ്റു രണ്ടു പ്ലാനുകളും പ്രതിദിന ഡാറ്റ പ്ലാനുകളാണ്.
719 രൂപയുടെ പ്ലാനിന്റെ പുതുക്കിയ നിരക്ക് 859 രൂപയാണ്. ഇവിടെ പ്രതിദിനം 1.5 ജിബി ഡാറ്റ, 12 എഎം മുതല്‍ 6 എഎം വരെ അണ്‍ലിമിറ്റഡ് ഡാറ്റ, വീക്കെന്‍ഡ് ഡാറ്റ റോള്‍ ഓവര്‍, അണ്‍ലിമിറ്റഡ് കോളിംഗ്, 100 എസ്എംഎസ് എന്നിവ ലഭിക്കും.
839 രൂപയുടെ പ്ലാനിന് ഇനി 979 രൂപ നല്‍കണം. ഇവിടെ പ്രതിദിനം 2 ജിബി ഡാറ്റ, 12 എഎം മുതല്‍ 6 എഎം വരെ അണ്‍ലിമിറ്റഡ് ഡാറ്റ, വീക്കെന്‍ഡ് ഡാറ്റ റോള്‍ ഓവര്‍, അണ്‍ലിമിറ്റഡ് കോളിംഗ്, 100 എസ്എംഎസ് എന്നിവ ലഭിക്കും.

വിവാഹാഭ്യര്‍ഥന നിരസിച്ചതിന് യുവാവിന്റെ ജനനേന്ദ്രിയം ഛേദിച്ച 26-കാരി പോലീസിന്റെ പിടിയില്‍. ബിഹാറിലെ സരണ്‍ ജില്ലയില്‍ തിങ്കളാഴ്ചയാണ് സംഭവം. തുടര്‍ച്ചയായി വിവാഹാഭ്യര്‍ഥന നിരസിച്ചതാണ് പ്രകോപനത്തിന് കാരണമെന്നും പോലീസ് പറയുന്നു. ഗുരുതരമായി പരിക്കേറ്റ 30-കാരന്‍ വേദ് പ്രകാശ് ആണ് ആശുപത്രിയില്‍ ചികിത്സയില്‍ കഴിയുന്നത്.
ആശുപത്രിയില്‍ ചികിത്സയില്‍ കഴിയുന്ന യുവാവിന്റെ നില തൃപ്തികരമാണെന്ന് പൊലീസ് പറഞ്ഞു.
സ്വകാര്യ നഴ്സിങ് ഹോമില്‍ വച്ചാണ് സംഭവം നടന്നത്. ഇവിടത്തെ ഡോക്ടറായ 26കാരി നഴ്സിങ് ഹോമിലേക്ക് വിളിച്ചുവരുത്തിയ ശേഷം മരുന്ന് കുത്തിവെച്ച് യുവാവിനെ ബോധം കെടുത്തി. തുടര്‍ന്നാണ് കൃത്യം നിര്‍വഹിച്ചതെന്നും പൊലീസ് പറയുന്നു. സംഭവം ശേഷം യുവതി തന്നെയാണ് പൊലീസിനെ വിളിച്ച് വിവരം അറിയിച്ചത്. തുടര്‍ന്ന് കൃത്യം ചെയ്യാന്‍ ഉപയോഗിച്ച കത്തി യുവതി പൊലീസിന് കൈമാറി.
കഴിഞ്ഞ രണ്ടുവര്‍ഷമായി ഇരുവരും അടുപ്പത്തിലായിരുന്നു. വിവാഹം ചെയ്യാമെന്ന് വാഗ്ദാനം നല്‍കി തന്നെ ലൈംഗികമായി ചൂഷണം ചെയ്തതായും യുവതി പൊലീസിന് മൊഴി നല്‍കി. തുടര്‍ന്ന് നിരവധി തവണ വിവാഹം ചെയ്യാന്‍ ആവശ്യപ്പെട്ടെങ്കിലും വേദ് പ്രകാശ് തയ്യാറായില്ല. ജൂലൈ ഒന്നിന് രജിസ്റ്റര്‍ വിവാഹം നടത്താന്‍ ഇരുവരും തീരുമാനിച്ചിരുന്നു.
എന്നാല്‍ അന്നേദിവസം രജിസ്റ്റര്‍ വിവാഹത്തിന് വേദ് പ്രകാശ് എത്താതിരുന്നതാണ് യുവതിയെ കൃത്യത്തിലേക്ക് നയിച്ചതെന്നും പൊലീസ് പറയുന്നു.