ശാസ്താംകോട്ട .നാഷണൽ ആയുഷ് മിഷനും ഭാരതീയ ചികിത്സാ വകുപ്പും ശാസ്താംകോട്ട ഗ്രാമപഞ്ചായത്തും സംയുക്തമായിഇന്റഗ്രേറ്റഡ് ആയുഷ് മെഡിക്കൽ യൂണിറ്റിന്റെ നേതൃത്വത്തിൽ വയോജന സിദ്ധ മെഡിക്കൽ ക്യാമ്പ് സംഘടിപ്പിച്ചു അയണിക്കാട് ജംഗ്ഷനിൽ സംസ്കാര ഗ്രന്ഥശാലയിൽ നടന്ന ക്യാമ്പ് പഞ്ചായത്ത് പ്രസിഡൻറ് ആർ ഗീത ഉദ്ഘാടനം ചെയ്തു. പഞ്ചായത്ത് വൈസ് പ്രസിഡൻറ് രാകേഷ് ഗുരുകുലം അധ്യക്ഷനായി,ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ പ്രസന്നകുമാരി സ്വാഗതം പറഞ്ഞ ചടങ്ങിൽ ബ്ലോക്ക് പഞ്ചായത്ത് വൈസ് പ്രസിഡണ്ട് പുഷ്പ കുമാരി,ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ അനിൽ തുമ്പോടൻ
എന്നിവർ ആശംസകൾ അറിയിച്ചു.

മെഡിക്കൽ ഓഫീസർമാരായ ഡോ.ശരണ്യ ആർ രാജ് ഡോ. വാണികൃഷ്ണ ഡോ.സ്വാതിമോൾ എന്നിവർ ക്യാമ്പിന് നേതൃത്വം നൽകി.ബിപി ഷുഗർ,ഹീമോഗ്ലോബിൻ എന്നിവയ്ക്ക് സൗജന്യ പരിശോധനയും ബോധവൽക്കരണ ക്ലാസും നടത്തി തുടർന്ന് യോഗ പരിശീലനവും സൗജന്യ മരുന്ന് വിതരണവും ഉണ്ടായിരുന്നു

പോരുവഴി. തെങ്ങുവിള ചാരിറ്റബിൾ സൊസൈറ്റിയുടെ രണ്ടാമത് വാർഷികത്തോടനുബന്ധിച്ച് മാനവ മൈത്രി സംഗമം, പ്രതിഭകളെ ആദരിക്കൽ, ചികിത്സാ ധനസഹായ വിതരണം എന്നിവ നടത്തി.

മാനവ മൈത്രി സമ്മേളനം ചീഫ് ഇമാം ഷെഫീഖ് ബാഖവി ചടയമംഗലം ഉദ്ഘാടനം ചെയ്തു. പ്രസിഡൻറ് ഷെഫീക്ക് ഇഷൽ അധ്യക്ഷത വഹിച്ചു. സാമി ആത്മദാസ് യമി ധർമ്മപക്ഷ മുഖ്യ പ്രഭാഷണം നടത്തി. ഫാ.സോളു കോശി രാജു പ്രതിഭകളെ ആദരിച്ചു. രക്ഷാധികാരി ഷിബു എം എസ്, ചെയർമാൻ സുരാജ്, സെക്രട്ടറി ബൈജു ചാമവിള, ഷിഹാബ് കടമ്പാട്ടുവിള, സജീവ് തെങ്ങുവിള, ഹനീഫ ഇഞ്ചവിള, റനീഷ് എസ്, ട്രഷറർ റിയാസ് തുടങ്ങിയവർ പ്രസംഗിച്ചു.

സൗജന്യ മെഡിക്കൽ, രക്തദാന ക്യാമ്പ് അൽമദീന ട്രാവൽസ് എം.ഡി ബിനു പൂതക്കുഴി ഉദ്ഘാടനം ചെയ്തു.
ബിജു വലിയവിള അധ്യക്ഷത വഹിച്ചു. ഇമാം സുനീർ മന്നാനി, ഷെമീർ, സൽമാൻ, ഫൈസൽ, അൻവർ, ഷിബു അര്‍ത്തിലവിള തുടങ്ങിയ പ്രസംഗിച്ചു.

പതാരം. ശാന്തിനികേതനം ഹയര്‍സെക്കന്ററി സ്കൂള്‍ 96 എസ്.എസ്.എല്‍.സി ബാച്ചിന്റെ നേതൃത്വത്തില്‍ സമാഹരിച്ച വയനാട് ദുരിതാശ്വാസ ഫണ്ട് ( 38000/ രൂപ) കൊല്ലം ഡെപ്യൂട്ടി കളക്ടര്‍ നിര്‍മ്മല്‍ കുമാര്‍ .ജി ക്ക് കൈമാറി . സുജിത് ,ആശാ രമേശ് , ശോഭ , മഞ്ജുഷ എന്നിവര്‍ പങ്കെടുത്തു .

മൈനാഗപ്പള്ളി. ആനൂർകാവിൽ വാഹനപകടത്തിൽ കൊല്ലപ്പെട്ട പഞ്ഞിപ്പുല്ലും വിളയിൻ
കുഞ്ഞുമോളുടെ(45)
കുടുംബത്തിന് ആശ്വാസം പകർന്ന് പ്രതിപക്ഷ നേതാവ് വി.ഡി സതീശൻ സന്ദർശനം നടത്തി.അപകടത്തിൽ പരിക്കേറ്റ് ചികിത്സയിൽ കഴിയുന്ന ഭർതൃസഹോദരൻ്റെ ഭാര്യ ഫൗസിയ,കുഞ്ഞുമോളുടെ ഭർത്താവ് നൗഷാദ്,മക്കൾ ഉൾപ്പെടെയുള്ള കുടുംബാഗങ്ങളെ ആശ്വസിപ്പിക്കുകയും വിവരങ്ങൾ ചോദിച്ചറിയുകയും ചെയ്തു.നിയമ പോരാട്ടത്തിൽ കുടുംബത്തോടൊപ്പം ഉണ്ടാകുമെന്നും എല്ലാവിധ സഹായങ്ങളും കുടുംബത്തിന് ഉണ്ടാകുമെന്നും ഉറപ്പ് നൽകി.

ഐഎൻറ്റിയുസി സംസ്ഥാന പ്രസിഡൻ്റ് ആർ.ചന്ദ്രശേഖരൻ,ഡിസിസി പ്രസിഡൻ്റ് പി.രാജേന്ദ്രപ്രസാദ്,ജനറൽ സെക്രട്ടറി രവി മൈനാഗപ്പള്ളി,കോൺഗ്രസ് ശാസ്താംകോട്ട ബ്ലോക്ക് പ്രസിഡന്റ്
വൈ.ഷാജഹാൻ,മൈനാഗപ്പള്ളി ഗ്രാമ പഞ്ചായത്ത് പ്രസിഡൻ്റ് വർഗ്ഗീസ് തരകൻ ,തുണ്ടിൽ നൗഷാദ്,പി.എം സെയ്ദ് എന്നിവരും പ്രതിപക്ഷ നേതാവിനോടൊപ്പം ഉണ്ടായിരുന്നു.