ശാസ്താംകോട്ട:കുന്നത്തൂർ താലൂക്ക് എൻഎസ്എസ് കരയോഗ യൂണിയനിൽപ്പെട്ട 5376- നമ്പർ പള്ളിശ്ശേരിക്കൽ കിഴക്ക് ശ്രീഭദ്ര എൻഎസ്എസ് കരയോഗം വാർഷികത്തിനോടനുബന്ധിച്ച് കുടുംബസംഗമവും ഓണാഘോഷവും സംഘടിപ്പിച്ചു.കൊച്ചു കളീയ്ക്കൽ ക്ഷേത്ര ആഡിറ്റോറിയത്തിൽ കലാ. കായിക മത്സരങ്ങളയും ഓണസദ്യയും വനിതാ സമാജം പ്രവർത്തകരുടെ തിരുവാതിരയും നടന്നു.പൊതുസമ്മേളനം താലൂക്ക് യൂണിയൻ പ്രസിഡന്റ് വി.ആർ.കെ ബാബു ഉദ്ഘാടനം ചെയ്തു.കരയോഗം പ്രസിഡന്റ് ഗോകുലം തുളസി അധ്യക്ഷത വഹിച്ചു.എൻഡോവ്മെന്റ് വിതരണം യൂണിയൻ സെക്രട്ടറി റ്റി.അരവിന്ദാക്ഷൻപിള്ള നിർവഹിച്ചു.യൂണിയൻ പഞ്ചായത്ത് കമ്മിറ്റി പ്രസിഡന്റ് റ്റി.രവീന്ദ്ര കുറുപ്പ് മുഖ്യപ്രഭാഷണം നടത്തി.യൂണിയൻ ഭരണസമിതി അംഗം കെ.രാജൻ പിള്ള,ആർ.പി.ശൈലജ,പി.വിജയലക്ഷ്മി, വനിതാ യൂണിയൻ പ്രസിഡന്റ് എസ്.എസ്.ഗീതാഭായി,സെക്രട്ടറി എൽ.പ്രീത,കമ്മറ്റി അംഗം അമ്മിണി ജയൻ,വനിതാ സമാജം പ്രസിഡന്റ് സുവർണ്ണകുമാരി, സെക്രട്ടറി ബീന സുനിൽ,സി.കൃഷ്ണൻകുട്ടി എന്നിവർ സംസാരിച്ചു. അനുശോചന പ്രമേയം കരയോഗം വൈസ് പ്രസിഡന്റ് എ.സന്തോഷ് കുമാർ, റിപ്പോർട്ട് എസ്.ശിവപ്രസാദൻപിള്ളയും അവതരിപ്പിച്ചു.വിവിധ പരീക്ഷകളിലും ഉന്നത വിദ്യാഭ്യാസ മേഖലയിലും മികവുറ്റ വിജയം കരസ്ഥമാക്കിയവർക്ക് എൻഡോവ്മെന്റ് ഉപഹാരം നൽകി അനുമോദിച്ചു.തുടർന്ന് ക്ലാസിക്കൽ ഡാൻസ് സിനിമാറ്റിക് ഡാൻസ് തുടങ്ങിയവ നടന്നു.

ശാസ്താംകോട്ട :-കുട്ടികളുടെ കേളികൊട്ട് ന്റെ നേതൃ ത്വത്തിൽ വർഷം തോറും നടത്തിവരാറുള്ള കവി എ അയ്യപ്പന്റെ ഈ വർഷത്തെ അനുസ്മരണം ശാസ്താം കോട്ടയിൽ നടക്കും.

ശാസ്താംകോട്ട സാംസ്‌കാരിക സൗഹൃദങ്ങളും കുട്ടികളുടെ കേളികൊട്ടും കൂടി സംയുക്തമായാണ് പരിപാടികൾ വിപുലമാക്കാൻ തീരുമാനിച്ചിരിക്കുന്നത്.
യുണൈറ്റഡ് ഹാളിൽ കൂടിയ യോഗത്തിൽ ക്ലബ് പ്രസിഡന്റ് ചന്ദ്രൻ കിഴക്കേടം അദ്ധ്യക്ഷത വഹിച്ചു.ടൗൺ വാർഡ് മെമ്പർ ശ്രീമതി രജനി ഉദ്ഘാടനം ചെയ്തു.കവി അയ്യപ്പൻ അനുസ്മരണത്തിന്റെ മുഖ്യ സംഘാടകനായ കുട്ടികളുടെ കവി വിശ്വൻ കുടിക്കോട് പരിപാടിയുടെ രൂപരേഖ അവതരിപ്പിച്ചു എ ഷാനവാസ്‌ സ്വാഗതം പറഞ്ഞു
ശാസ്താം കോട്ട ഭാസ്,ഡോ പി.ആർ.ബിജു,എം സങ്,രശ്‍മീ ദേവീ,മിഥുനം രാധാ കൃഷ്ണൻ,
ആസാദ്‌ ആശിർവാദ്,
പ്രഭ പഴങ്ങാലം തുടങ്ങിയവർ ആശംസകൾ അർപ്പിച്ചു.തുടർന്ന് നടന്ന കവിത ചൊല്ലലിൽ കവികളായ എം.സങ്,ശാസ്താം കോട്ട ഭാസ്,
രേശ്‍മീ ദേവീ,ആസാദ്‌ ആശി ർ വാദ്,മിഥുനം രാധാകൃഷ്ണൻ എന്നിവർ പങ്കെടുത്തു.പ്രദീപ്‌ എ പഴ ങ്ങാലം നന്ദി പ്രകാശിപ്പിച്ചു.

ഭാരവാഹികളായി
രജനി
രക്ഷാധികാരിയായും

എ ഷാനവാസ്‌
ജനറൽ കൺവീന റായും

മിഥുനം രാധാകൃഷ്ണൻ,
രേശ്‍മീ ദേവി

കൺവീനർമാരായും
ഡോ.പി.ആർ.ബിജു വിനെ ട്രെഷറ റായും
യോഗം തെരെഞ്ഞെടുത്തു.

അനുസ്മരണ പരിപാടികൾ 2024 ഒക്ടോബർ 20 ന് രണ്ട് മണിക്ക്.ദേവസ്വം ബോർഡ് കോളേജിൽ വച്ച് നടക്കും.
നാടൻ പാട്ട് കലാ കാരൻ പ്രകാശ് കുട്ടനെ പൊന്നാട അണിയിക്കും.

ശാസ്താംകോട്ട:നാഷണൽ ആയുഷ്മിഷൻ്റെ സഹകരണത്തോടെ സർക്കാർ ഹോമിയോ ഡിസ്പെൻസറിയെ എൻഎബിഎച്ച് (നാഷണൽ അക്രഡിറ്റേഷൻ ബോർഡ് ഫോർ ഹോസ്പിറ്റൽ ആൻഡ് ഹെൽത്ത് കെയർ പ്രൊവൈഡേഴ്സ്) നിലവാരത്തിലേക്ക് ഉയർത്താനുള്ള പ്രവർത്തനങ്ങൾ അവസാന ഘട്ടത്തിലേക്ക്.ജില്ലാ തലത്തിലും സംസ്ഥാന തലത്തിലും നടത്തിയ പരിശോധനയിൽ മികവ് ലഭിച്ചിട്ടുണ്ട്.തുടർച്ച എന്നോണം ദേശീയ തലത്തിൽ നിന്നുള്ള വിദഗ്ധർ ഡിസ്പെൻസറിയുടെ പ്രവർത്തനങ്ങൾ വിലയിരുത്താൻ എത്തി.ശാസ്താംകോട്ട ഹോമിയോ ഡിസ്പെൻസറി ഉൾപ്പടെ ജില്ലയിലെ ഏഴ് ഡിസ്പെൻസറികളെയാണ് എൻഎബിഎച്ച് നിലവാരത്തിലേക്ക് പരിഗണിക്കുന്നത്.ആധുനിക സജ്ജീകരണങ്ങളോടുകൂടിയ ഹോമിയോ ഡിസ്പെൻസറി ചികിത്സയ്ക്കായി ദൂരദേശത്തു നിന്നു പോലും ഒട്ടേറെ പേരാണ് എത്തുന്നത്.യോഗക്ലാസ്സ് എല്ലാ ദിവസവും ഉണ്ട്.എൻഎബിഎച്ച് ക്വാളിറ്റി അസ്സസർ ഡോ.നിഖില ബാബു,നാഷണൽ ആയുഷ് മിഷൻ ജില്ലാ പ്രോഗ്രാം മാനേജർ ഡോ പി.പൂജ,ഡോ ദിലീപ് ചന്ദ്രൻ,ഡോ.സുബി,ഡോ.ഹരിലാൽ സ്റ്റേറ്റ് ക്വാളിറ്റി ഓഫീസർ മഞ്ജു കൃഷ്ണ,പഞ്ചായത്ത് പ്രസിഡൻ്റ് ആർ.ഗീത,ക്ഷേമകാര്യ സ്റ്റാൻഡിങ്ങ് കമിറ്റി ചെയർമാൻ അനിൽ തുമ്പോടൻ എന്നിവർ പ്രവർത്തനങ്ങൾ വിലയിരുത്തി.വിവിധ പദ്ധതികളുടെ സെമിനാർ മെഡിക്കൽ ഓഫീസർ ഡോ.അശ്വതി:കെ അവതരിപ്പിച്ചു.

മണ്‍റോത്തുരുത്ത്. ഒക്ടോബർ ഏഴ് മുതൽ ഓടുന്ന പുതിയ കൊല്ലം എറണാകുളം മെമു ട്രെയിന് മൺറോതുരുത്തിൽ സ്റ്റോപ്പ് അനുവദിക്കാത്ത റെയിൽവേ അധികൃതരുടെ തീരുമാനം അടിയന്തരമായി പുന:പരിശോധിക്കണമെന്ന് കല്ലട മേഖലയിലെ വിരമിച്ച സർക്കാർ ഉദ്യോഗസ്ഥരുടെ കൂട്ടായ്മയായ ദ് കോസ് യോഗം ആവശ്യപ്പെട്ടു. 40 വർഷം മുമ്പ് ചെങ്ങന്നൂർ,കൊല്ലം സ്റ്റേഷനുകൾക്കിടയിൽ മലബാർ എക്സ്പ്രസിന് ആദ്യം സ്റ്റോപ്പ് ലഭിച്ച സ്റ്റേഷൻ ആയിരുന്നു മൺറോതുരുത്ത്. കുറച്ചു വർഷങ്ങൾക്കു മുമ്പ് പ്ലാറ്റ് ഫോമിന് നീളം കുറവ് എന്ന കാരണം പറഞ്ഞു സ്റ്റോപ്പ് നിർത്തലാക്കി.ഗുരുവായൂർ മധുര എക്സ്പ്രസ് വണ്ടിക്ക് കോവിഡിന് മുമ്പ് വരെ ഉണ്ടായിരുന്ന സ്റ്റോപ്പും റദ്ദാക്കി.ഈ അവഗണന അംഗീകരിക്കാൻ കഴിയില്ല.സമീപ വർഷങ്ങളിൽ മൺറോ തുരുത്തിലെ യാത്രക്കാരുടെ എണ്ണത്തിൽ വൻ വർധന ഉണ്ടായെങ്കിലും ഈ സ്റ്റേഷനിൽ ആവശ്യമായ സൗകര്യങ്ങൾ ഒരുക്കുന്ന കാര്യത്തിൽ അധികൃതർ അവഗണന തുടരുകയാണ്.പ്ലാറ്റ് ഫോം നീളം കൂട്ടുന്നതിനുള്ള നടപടികൾ എങ്ങുമെത്തിയില്ല.

മലബാർ,ഗുരുവായൂർ ട്രെയിൻ സ്റ്റോപ്പ് പുന: സ്ഥാപിക്കാനും പുതിയ മെമു ട്രെയിന് സ്റ്റോപ്പ് അനുവദിക്കാനും അടിയന്തര തീരുമാനം ഉണ്ടാകണമെന്ന് കോസ് പ്രസിഡൻ്റ് പി.വിനോദ്,സെക്രട്ടറി കെ.മഹേന്ദ്രൻ എന്നിവർ ദക്ഷിണ റെയിൽവേ അധികൃതരോട് ആവശ്യപ്പെട്ടു. അനുകൂല നടപടി ഉണ്ടായില്ലെങ്കിൽ മൺറോ തുരുത്തിലേയും സമീപ പഞ്ചായത്തുകളിലെയും ജനങ്ങളെ ഏകോപിപ്പിച്ച് പ്രക്ഷോഭ പരിപാടികൾക്ക് രൂപം നൽകുമെന്ന് സംഘടന അറിയിച്ചു.
ആർ.അശോകൻ,കെ.ഗോപാല കൃഷ്ണൻ, ഡി.ശിവപ്രസാദ്, എൻ.അംബു ജാക്ഷ പണിക്കർ, കെ. ടി.ശാന്തകുമാർ, വി എസ് പ്രസന്ന കുമാർ, എസ്.സോമരാജൻ, അലങ്ങാട്ട് സഹജൻ എന്നിവർ പങ്കെടുത്തു.