ശാസ്താംകോട്ട:ബ്ലോക്ക്‌ പഞ്ചായത്തിന്റെയും കൊല്ലം ജില്ലാ ക്ഷീരവികസന വകുപ്പിന്റെയും ആഭിമുഖ്യത്തിൽ നടക്കുന്ന കൊല്ലം ജില്ലാ ക്ഷീരകർഷക സംഗമം- പാലാഴി 2024- നവംബർ 15ന് രാവിലെ ശൂരനാട് വടക്ക് വീട്ടിനാൽ ദേവി ക്ഷേത്രമൈതാനത്ത് കന്നുകാലി പ്രദർശനത്തോടെ തുടക്കം കുറിക്കും.പാതിരിക്കൽ ക്ഷീരസംഘം പ്രസിഡന്റ് സി.രാജേഷ് കുമാർ രാവിലെ 8ന് പതാക ഉയർത്തും.തുടർന്ന് നടക്കുന്ന കന്നുകാലി പ്രദർശനമത്സരത്തിൽ ഭാരതത്തിന്റെ പാരമ്പര്യ സമ്പത്ത് ആയിട്ടുള്ള വിവിധ ഇനം കന്നുകാലികൾ പങ്കെടുക്കും.

കന്നുകാലി പ്രദർശനത്തോടൊപ്പം മിൽമയുടെ നേതൃത്വത്തിൽ ഗോരക്ഷ ക്യാമ്പ് സംഘടിപ്പിച്ചിട്ടുണ്ട്.കന്നുകാലി പ്രദർശനം ശൂരനാട് വടക്ക് ഗ്രാമപഞ്ചായത്ത്‌ പ്രസിഡൻ്റ് എസ്.ശ്രീകുമാർ ഉദ്ഘാടനം ചെയ്യും.രാവിലെ 9.30 മുതൽ ക്ഷീര സംഘം പ്രതിനിധികൾക്കുള്ള ശില്പശാല ശാസ്താംകോട്ട ബ്ലോക്ക്‌ പഞ്ചായത്ത്‌ ക്ഷേമകാര്യ സ്റ്റാന്റിംഗ് കമ്മിറ്റി അംഗം എസ്.ഷീജ ഉദ്ഘാടനം ചെയ്യും.ഉച്ചക്ക് രണ്ടു മുതൽ സ്കൂൾ വിദ്യാർത്ഥികൾക്കുള്ള വിവിധ മത്സരങ്ങൾ -നിറക്കൂട്ട് – ശാസ്താംകോട്ട ബ്ലോക്ക്‌ പഞ്ചായത്ത് ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയർമാൻ കെ.സനിൽ കുമാർ ഉദ്ഘാടനം ചെയ്യും.വൈകുന്നേരം 4 മുതൽ ‘കലാസന്ധ്യ.16 ശനിയാഴ്ച രാവിലെ 9 മുതൽ -പശുപരിപാലനം,മാറിയ സാഹചര്യത്തിൽ,നാട്ടിലെ ശാസ്ത്രം – എന്നീ വിഷയങ്ങളെ അധികരിച്ചുകൊണ്ടുള്ള ക്ഷീരകർഷക സെമിനാർ.ഉച്ചക്ക് 12മുതൽ നടക്കുന്ന ക്ഷീരസംഗമവും പൊതുസമ്മേളനവും
ക്ഷീര വികസന വകുപ്പ് -മൃഗ സംരക്ഷണ വകുപ്പ് മന്ത്രി ജെ.ചിഞ്ചുറാണി ഉദ്ഘാടനം ചെയ്യും.കോവൂർ കുഞ്ഞുമോൻ എംഎൽഎ അധ്യക്ഷത വഹിക്കും.കൊടിക്കുന്നിൽ സുരേഷ് എം.പി,ജില്ലാ പഞ്ചായത്ത്‌ പ്രസിഡന്റ് ഡോ.പി.കെ ഗോപൻ,മിൽമ ചെയർപേർസൺ മണി വിശ്വനാഥ്‌,കേരള ക്ഷീരകർഷക ക്ഷേമനിധി ചെയർമാൻ വി.പി ഉണ്ണികൃഷ്ണൻ,ശാസ്താംകോട്ട ബ്ലോക്ക്‌ പഞ്ചായത്ത്‌ പ്രഡിഡന്റ് ആർ.സുന്ദരേശൻ,മിൽമ ഭരണ ‘സമിതി അംഗങ്ങളായ കെ ആർ മോഹനൻ പിള്ള,പി.ജി വാസുദേവൻഉണ്ണി,കളത്തിൽ ഗോപാലകൃഷ്ണപിള്ള,മെഹർ ഹമീദ്,വിവിധ ക്ഷീര സംഘം പ്രസിഡൻ്റുമാർ,സെക്രട്ടറിമാർ എന്നിവർ പങ്കെടുക്കുംചടങ്ങിൽ മികച്ച ക്ഷീര കർഷകർക്കും മികച്ച ക്ഷീര സംഘങ്ങൾക്കും അവാർഡുകൾ നൽകും

കുന്നത്തൂർ:ശിശുദിനത്തിൽ സ്കൂൾ വളപ്പിലെ ആഴമേറിയ കിണറ്റിൽ വീണ
ആറാം ക്ലാസ് വിദ്യാർത്ഥിയെ രക്ഷപ്പെടുത്താൻ കഴിഞ്ഞത് സ്കൂളില ജീവനക്കാരനായ സിജു തോമസിൻ്റെ ആത്മധൈര്യം ഒന്നുകൊണ്ടു മാത്രം.വ്യാഴാഴ്ച രാവിലെ 9.30നായിരുന്നു കുന്നത്തൂർ തുരുത്തിക്കര എം.ടി യു പി സ്കൂളിൽ നാടിനെ നടുക്കിയ സംഭവം നടന്നത്.അധ്യാപകരടക്കം വിരലിൽ എണ്ണാവുന്നവർ മാത്രമാണ് സ്കൂളിൽ ഉണ്ടായിരുന്നത്.കുട്ടികളുടെ നിലവിളി കേട്ടാണ് സിജു അവിടേക്ക് ഓടിയെത്തിയത്.പിന്നെയൊന്നും നോക്കിയില്ല.സ്വന്തം ജീവൻ പോലും പണയം വച്ച് സുരക്ഷയൊന്നുമില്ലാതെ കിണറ്റിലേക്കിറങ്ങി.വീഴ്ചയുടെ ആഘാതത്തിൽ സിമൻ്റ് തൊടിയിൽ തലയിടിച്ച് രക്തത്തിൽ കുളിച്ചു കിടക്കുകയായിരുന്ന ഫെബിനെ കോരിയെടുത്തു.കിണറ്റിൽ വെള്ളം കുറവായിരുന്നു.മുമ്പൊന്നും കിണറ്റിലിറങ്ങി പരിചയമില്ലാത്ത സിജു സാഹസികമായാണ് കുട്ടിയെ രക്ഷപ്പെടുത്തിയത്.ഈ സമയം സ്ഥലത്തെത്തിയ ഫയർഫോഴ്സ് സംഘമാണ് ഇരുവരെയും കരയിൽ എത്തിച്ചത്.തുടർന്ന് കുട്ടിയെ അവരുടെ വാഹനത്തിൽ ഭരണിക്കാവിലെ സ്വകാര്യ ആശുപത്രിയിലെത്തിച്ച് പ്രഥമ ശുശ്രൂക്ഷ നൽകി.പിന്നീട് കൊല്ലത്തെ സ്വകാര്യ മെഡിക്കൽ കോളേജ് ആശുപത്രിയിലേക്ക് മാറ്റി.ഇവിടെ തീവ്രപരിചരണ വിഭാഗത്തിൽ തുടരുന്ന കുട്ടിയ അടിയന്തിര ശസ്ത്രക്രിയക്ക് വിധേയനാക്കി.

കുന്നത്തൂർ:കുന്നത്തൂർ നെടിയവിള ഗവ.എൽ.പി സ്ക്കുളിൽ ശിശുദിനാഘോഷവും സൗജന്യ പ്രമേഹരക്തസമ്മർദ്ദ പരിശോധന ക്യാമ്പും സംഘടിപ്പിച്ചു.ഗ്രാമ പഞ്ചായത്ത് പ്രസിഡൻ്റ് കെ.വൽസല കുമാരി ഉദ്ഘാടന ചെയ്തു.എസ്എംസി ചെയർമാൻ ആർ.ശ്യാം അദ്ധ്യക്ഷത വഹിച്ചു.പ്രഥമാധ്യാപകൻ സുകുമാർ,പഞ്ചായത്ത്
വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ശ്രീലേഖ,വാർഡ് മെമ്പർ പ്രഭമാകുമാരി,ഗ്രാമപഞ്ചായത്ത് അംഗം അനില,മാതൃസമിതി പ്രസിഡൻ്റ് രഞ്ജിനി രഞ്ജിത്ത്,ബിജുകുമാർ,ജാക്സൺ.കെബൈജു തുടങ്ങിയവർ സംസാരിച്ചു.കുന്നത്തൂർ പിഎച്ച്സിയിലെ ദീപാശ്രീ,ദയ ഉഷ എന്നിവർ ക്യാമ്പിന് നേതൃത്വം നൽകി.തുടർന്ന് കുട്ടികളുടെ കലാപരിപാടികളും മധുര വിതരണവും നടന്നു.